ചെറിയ അസ്വാരസ്യങ്ങള്‍ ഉണ്ടായാല്‍ നടികളും താരങ്ങളും ഇപ്പോള്‍ പരിപാടികള്‍ ഉപേക്ഷിക്കുന്ന പ്രവണത കൂടിവരുന്നു. കഴിഞ്ഞ ദിവസം ഭാമ ഇത്തരത്തില്‍ വിവാദത്തില്‍പ്പെട്ടിരുന്നു. അതിനുപിന്നാലെ ഉഇപ്പോള്‍ ശ്രേയാ ഘോഷാലും. വിശാഖപട്ടണത്ത് നടത്താനിരുന്ന പരിപാടിയില്‍ നിന്ന് ഗായിക ശ്രേയാ ഘോഷാല്‍ പിന്‍മാറി. മെയ് ഒന്നിന് നടക്കേണ്ടിയിരുന്ന 'ശ്രേയാ ഘോഷാല്‍ ലൈവ് ഇന്‍ കണ്‍സേര്‍ട്ട്' എന്ന സംഗീത സന്ധ്യ വേണ്ടെന്നു വച്ചുവെന്ന് ഫേസ്ബുക്കിലൂടെയാണ് ശ്രേയ അറിയിച്ചത്. നിബന്ധനകള്‍ അംഗീകരിക്കുവാന്‍ പരിപാടിയുടെ നടത്തിപ്പുകാരായ ശ്രീ സ്പാര്‍ഥന്‍സ് ഫൗണ്ടെന്‍മെന്റ്‌സ് ഇന്ത്യ െ്രെപവറ്റ് ലിമിറ്റഡ!് തയ്യാറാകാത്തതാണ് കാരണം.
എന്നാല്‍ പരിപാടി മറ്റൊരു തിയതിയിലേക്ക് മാറ്റുമെന്നാണ് സംഘാടകരുടെ പക്ഷം. വന്‍ പബ്ലിസിറ്റിയാണ് പരിപാടിക്ക് നല്‍കിയിരുന്നത്. ഋഷികേശ് റനാഡെയ്ക്കും മുംബൈയില്‍ നിന്നുള്ള ഒരു സംഗീത സംഘത്തിനൊപ്പവുമായിരുന്നു ശ്രേയ സംഗീത പരിപാടി നടത്തുവാനിരുന്നത്. കാന്‍സര്‍ ബാധിച്ച് അവശ നിലയില്‍ കഴിയുന്ന പതിനേഴുകാരി പെണ്‍കുട്ടി ഹേമയുടെ ചികിത്സാ ചെലവിനായുള്ള പണം സംഘടിപ്പിക്കുവാനാണ് പരിപാടി നടത്താനിരുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha