പാനമ പേപ്പേഴ്‌സിലെ വെളിപ്പെടുത്തലുകളുമായി ബന്ധപ്പെട്ട് ബോളിവുഡ് താരം അമിതാഭ് ബച്ചനെ ആദായനികുതി വകുപ്പ് വീണ്ടും ചോദ്യം ചെയ്യും. ഇതിനു മുന്നോടിയായി കൂടുതല്‍ ചോദ്യങ്ങള്‍ ഉള്‍പ്പെടുത്തിയുള്ള ചോദ്യവലി അദ്ദേഹത്തിന് അയച്ചുനല്‍കി. വര്‍ഷങ്ങള്‍ക്കുമുമ്പ് നികുതി അടച്ചതുമായി ബന്ധപ്പെട്ട ചോദ്യങ്ങളാണ് പുതുതായി നല്‍കിയിരിക്കുന്നതെന്നാണ് റിപ്പോര്‍ട്ടുകള്‍. കള്ളപ്പണ നിക്ഷേപ റിപ്പോര്‍ട്ടുകള്‍ പുറത്തുവന്നതിനു പിന്നാലെ ബച്ചന് ആദായനികുതി വകുപ്പ് ആദ്യഘട്ട ചോദ്യാവലി അയച്ചുനല്‍കിയിരുന്നു. എന്നാല്‍ പാനമ പേപ്പേഴ്‌സിലെ വെളിപ്പെടുത്തലുകള്‍ ബച്ചന്‍ നിഷേധിച്ചിരുന്നു. തന്റെ പേര് ആരോ ദുരുപയോഗം ചെയ്‌തെന്നായിരുന്നു അദ്ദേഹത്തിന്റെ വാദം.നികുതി ഇളവുള്ള രാജ്യങ്ങളില്‍ കള്ളപ്പണം നിക്ഷേപിച്ചതുമായി ബന്ധപ്പെട്ട രേഖകളാണ് മൊസാക് ഫൊണ്‍സേക എന്ന കമ്പനിയില്‍നിന്നു ചോര്‍ന്ന രേഖകളില്‍ വെളിപ്പെടുത്തുന്നത്. ബച്ചനു പുറമേ അദ്ദേഹത്തിന്റെ മരുമകളും നടിയുമായ ഐശ്വര്യാ ബച്ചനും വിദേശത്ത് കള്ളപ്പണ നിക്ഷേപമുള്ളതായി റിപ്പോര്‍ട്ടുകള്‍ പുറത്തുവന്നിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha