ഹൃത്വിക് റോഷനുമായുള്ള ഉടക്കിന്റെയും നിയമനടപടികളുടേയും പേരില്‍ കോടതി കയറിയിറങ്ങുന്ന തന്റെ മോശം അവസ്ഥ നേരത്തേ തന്നെ പ്രവചിക്കപ്പെട്ടിരുന്നതായി ബോളിവുഡ് താരം കങ്കണാ റാണത്ത്. മാര്‍ച്ചിനും ഏപ്രിലിനും ഇടയില്‍ സമയം തീരെ മോശമായിരിക്കുമെന്ന് നേരത്തേ തന്നെ ജ്യോതിഷികള്‍ പറഞ്ഞിരുന്നതായും താന്‍ ഒരു അടിയുറച്ച ഹിന്ദുവാണെന്നും ജ്യോതിഷത്തില്‍ വിശ്വസിക്കുന്നതായും കങ്കണ പറഞ്ഞു. ഒരു അഭിമുഖത്തിലാണ് കങ്കണ ഇക്കാര്യം വ്യക്തമാക്കിയത്.ഇപ്പോഴത്തെ ദു:സ്ഥിതി നേരത്തേ തന്നെ ജ്യോതിഷി പ്രവചിച്ചിരുന്നതാണ്. മാര്‍ച്ച് 23 ന് ജന്മദിനത്തില്‍ പ്രത്യേക പൂജയ്ക്കായി ചെന്നപ്പോള്‍ മാതാവിനോടാണ് ജ്യോതിഷി ഇക്കാര്യം വ്യക്തമാക്കിയത്. സൂര്യനും ശനിയും സമയത്തിന്റെ മധ്യമത്തില്‍ നേര്‍ക്കുനേര്‍ വരുന്നതിനാല്‍ സമയം വളരെ മോശമായിരിക്കുമെന്ന് പറഞ്ഞു. താന്‍ ജ്യോതിഷത്തിലും ഹിന്ദു ധര്‍മ്മങ്ങളിലും വിശ്വസിക്കുന്നതായി കങ്കണ പറഞ്ഞു. സനാതന ധര്‍മ്മങ്ങളിലും ജ്യോതിശാസ്ത്രത്തിലും താന്‍ അങ്ങേയറ്റം വിശ്വസിക്കുന്നു. വിശ്വാസത്തിലും അനുഷ്ഠാനങ്ങളിലും എന്തൊക്കെ കുറ്റവും കുറവും ഉണ്ടായാലും ഹിന്ദുവായതിലും അതിന്റെ മതാനുഷ്ഠാനങ്ങള്‍ പിന്തുടരുന്നതിലും അഭിമാനമുണ്ട്. ഇതിന്റെ ഭാഗമായി പൂജ ചെയ്യാറുണ്ട്. നവരാത്രി പൂജ വീട്ടില്‍ നടത്താറുണ്ട്. ദുര്‍ഗ്ഗാ ദേവി പൂജയുടെ ഭാഗമായ ഉപവാസം പോലെയുള്ള കാര്യങ്ങള്‍ അനുഷ്ഠിക്കാറുമുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha