ഫുട്‌ബോള്‍ മാന്ത്രികനായ യാചകന്‍ പാരീസിലെ തിരക്കേറിയ നഗരത്തെ വിസ്മയിപ്പിച്ചതിന്റെ വീഡിയോ പുറത്ത് വന്നിട്ട് അധികകാലമായില്ല. ലോകഫുട്‌ബോളിലെ സൂപ്പര്‍താരം ക്രിസ്ത്യാനോ റൊണാള്‍ഡോയ്ക്ക് പിന്നാലെ ഇതാ സമാന പ്രഛന്ന വേഷവുമായി ബോളിവുഡിലെ വിഖ്യാത പാട്ടുകാരന്‍ സോനു നിഗവും. തെരുവില്‍ പാട്ടുപാടുന്ന യാചകനായി വേഷമിട്ട സോനു നിഗത്തിന് ആഹാരം കഴിക്കാന്‍ ഒരാള്‍ 12 രൂപ പോലും നല്‍കി.യൂ ട്യൂബിന്റെ സാമൂഹ്യപരീക്ഷണ പരിപാടിയായ 'ബീയിംഗ് ഇന്ത്യനി' ല്‍ ആയിരുന്നു സോനുനിഗം ഭിക്ഷക്കാരനായത്.

പാട്ടുപാടി അന്നം തേടുന്ന ഒരു യാചകന്റെ വേഷത്തില്‍ തിരക്കേറിയ തെരുവിലെ ഒരിടത്ത് ഇരുന്ന് ഹാര്‍മോണിയം വായിച്ചു പാട്ടു പാടിയ സോനു നിഗത്തിന് പെട്ടെന്ന് തന്നെ ആളെ കൂട്ടാനായി. ഭിക്ഷക്കാരന്റെ മധുര മനോഹരമായ ഗാനം കേട്ട് തിരക്കുപിടിച്ച ആള്‍ക്കൂട്ടം പതിയെ യാചകനെ ശ്രദ്ധിക്കാന്‍ തുടങ്ങി. ഹിന്ദിയിലെ ഹിറ്റ് മെലഡി ഗാനങ്ങള്‍ നല്ല ഈണത്തോടെ പാടുന്ന ചിരപരിചയ ശബ്ദം പെട്ടെന്ന് തന്നെ ആള്‍ക്കാരുടെ ശ്രദ്ധ പിടിച്ചുപറ്റി.പാട്ടുകേട്ട ശേഷം ചിലരെല്ലാം താരത്തിന് മുന്നില്‍ നാണയത്തുട്ടുകള്‍ എറിയുകയും ചെയ്തു. എന്താണ് കഴിക്കാന്‍ വേണ്ടതെന്നായിരുന്നു ഒരു യുവാവിന്റെ ചോദ്യം.

മിണ്ടാതിരുന്നപ്പോള്‍ 12 രൂപ കൈകളില്‍ വെച്ചു കൊടുക്കാനും ഇയാള്‍ മറന്നില്ല. താന്‍ ആരാണെന്ന് സോനു നിഗം ഇതിനിടയില്‍ ഒരിക്കല്‍ പോലും വെളിപ്പെടുത്തുകയും ചെയ്തില്ല. രാജ്യം മുഴുവന്‍ പരിചിതമായ ശബ്ദമായിട്ടും ആരും തിരിച്ചറിഞ്ഞില്ല എന്നതായിരുന്നു വ്യത്യസ്തമായ അനുഭവം. നേരത്തേ പാരീസില്‍ യാചകന്റെ വേഷത്തില്‍ പന്തുതട്ടി പോര്‍ച്ചുഗല്‍ ഫുട്‌ബോള്‍ താരം ക്രിസ്ത്യാനോ റൊണാള്‍ഡോ വിസ്മയമായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha