അമീര്‍ഖാനും സണ്ണിലിയോണും ഇന്ത്യന്‍ സിനിമാ ആരാധകര്‍ ഏറ്റവും കുടുതല്‍ സംസാരിക്കുന്ന വിഷയങ്ങളില്‍ ഒന്ന് ഇരുവരുമാണെന്നതില്‍ തര്‍ക്കമില്ല. അനേകം ഇന്ത്യന്‍ യുവാക്കള്‍ ആരാധകരായുള്ള സണ്ണിലിയോണിന് പക്ഷേ ആരാധന അമീര്‍ഖാനോടാണ്. അമീറുമായി ഒരു 30 സെക്കന്റ് ചെലവിടാന്‍ കിട്ടിയാല്‍ പോലും താന്‍ സംതൃപ്ത ആയിരിക്കുമെന്ന് സണ്ണിലിയോണ്‍ പറഞ്ഞു.അമീറിന്റെ സിനിമയില്‍ ഏതാനും സെക്കന്റുകള്‍ മാത്രമുള്ള വേഷമായാല്‍ പോലും താന്‍ ചെയ്യുമെന്ന് വ്യക്തമാക്കിയ സണ്ണി അമീറിനെ കണ്ടുമുട്ടിയത് ജീവിതത്തിലെ ഏറ്റവും നല്ല നിമിഷങ്ങളില്‍ ഒന്നായി വിലയിരുത്തുന്നു. അമീറുമായി ഒരിക്കലും ഒരുമിച്ച് ഒരു സിനിമ ചെയ്യാന്‍ കഴിയുമെന്ന് വിശ്വസിക്കുന്നില്ലെങ്കിലും തനിക്കൊപ്പം ജോലി ചെയ്യാന്‍ താല്‍പ്പര്യമുണ്ടെന്ന് അമീര്‍ പറഞ്ഞത് തന്നെ വലിയ ബഹുമതികളില്‍ ഒന്നാണെന്ന് ചൂടന്‍ സുന്ദരി പറഞ്ഞു. അമീറുമായി വെറും 30 സെക്കന്റുകള്‍ സ്‌ക്രീന്‍ പങ്കുവെയ്ക്കാന്‍ കിട്ടിയാലും ശിഷ്ട ജീവിതത്തിലെ ഏറ്റവും സന്തോഷകരമായ അവസ്ഥയായിരിക്കും.ഒരു ടെലിവിഷന്‍ അവതാരക അനാവശ്യമായ ചോദ്യം ചോദിച്ച് ബുദ്ധിമുട്ടിച്ച സംഭവത്തില്‍ സണ്ണി ലിയോണ് പിന്തുണയുമായി അമീര്‍ എത്തിയിരുന്നു. ആമിറിനൊപ്പം അഭിനയിക്കാനുള്ള താല്‍പ്പര്യം സണ്ണി പ്രകടിപ്പിച്ചതിന് പിന്നാലെ തനിക്കും അതില്‍ സന്തോഷമുണ്ടെന്ന് ആമിര്‍ ട്വീറ്റ് ചെയ്യുകയുമുണ്ടായി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha