മലയാളികൾ ഇരുകയ്യും നീട്ടി സ്വീകരിച്ച പരമ്പരയാണ് ഏഷ്യാനെറ്റിൽ സംപ്രേക്ഷണം ചെയ്യുന്ന കൂടെവിടെ. കഥയിൽ ഋഷി സൂര്യ ജോഡികൾ തമ്മിലുള്ള കെമിസ്ട്രി മറ്റൊരു പരമ്പരയിലും കാണാൻ സാധിക്കില്ല. അത്രത്തോളം പ്രണയം നിറഞ്ഞ കാഴ്‌ചയാണ് ഇരുവരും ചേർന്ന് സമ്മാനിക്കുന്നത്.

ഋഷിയേയും സൂര്യയേയും നാട്ടിൽ നിന്നും കാണാതായതിന് ശേഷമാണ് പരമ്പരയുടെ ​ഗതിമാറിയത് . ഋഷിയും സൂര്യയും പൂർണ്ണമായും ജീവിതം ഇപ്പോൾ ആസ്വദിക്കുകയാണ്. നാട്ടിലെ കാര്യങ്ങൾ ഒന്നും തന്നെ അവർ അറിയുന്നില്ല. എന്നാൽ നാട്ടിൽ റാണിയമ്മ സൂര്യയെ കാണുന്നില്ല എന്നുള്ള കാര്യം സൂര്യയുടെ അമ്മയോട് പോയി പറയുകയൂം അത് ദേവമ്മ വിശ്വസിച്ചിട്ട് ടീച്ചറോട് ചോദിക്കാൻ വരുന്നതും കാണിക്കുന്നത്.

അദിതി തന്റെ മകളെ മനപൂർവം ഒളിവിൽ താമസിപ്പിച്ചിരിക്കുകയാണെന്നും തനിക്ക് മകളെ കാണണമെന്നും അവളെ തിരികെ ഏൽപ്പിക്കണമെന്നും ആവശ്യപ്പെട്ട് സൂര്യയുടെ അമ്മ അദിതിയോട് രോഷ പ്രകടനം നടത്തുന്നതും പുതിയ പ്രമോയിൽ കാണാം. റാണിയമ്മയുടെ കുബുദ്ധിയുടെ ഫലമായാണ് സൂര്യയുടെ അമ്മ അദിതി ടീച്ചറോട് മോശമായി പെരുമാറുന്നത്. വരും ദിവസങ്ങളിൽ ഒരുപക്ഷെ അദിതി ടീച്ചർ സത്യങ്ങൾ സൂര്യയുടെ അമ്മയോട് തുറന്ന് പറഞ്ഞേക്കാം.

ഉദ്യോ​​ഗജനകമായ നിമിഷങ്ങൾ നിറച്ചാണ് ഇപ്പോൾ എപ്പിസോഡുകൾ മുമ്പോട്ട് പോകുന്നത്. അതേസമയം ഋഷി സൂര്യ പ്രണയം വെറും മരം ചുറ്റി പ്രേമമായി മാത്രമാണ് ഇപ്പോൾ കാണിക്കുന്നതെന്നും പഴയ നിലവാരത്തിലേക്ക് കൊണ്ടുവരണമെന്നുമെല്ലാമാണ് ആരാധകർ പ്രമോയ്ക്ക് താഴെ കമന്റായി കുറിച്ചത്. ഋഷിയുടെയും സൂര്യയുടെയും വിവാഹം നടക്കുന്നതാണ് ഇനി വരാനുള്ള പ്രധാന സംഭവം. അത് ഉടൻ സംഭവിക്കുമെന്നുള്ള തരത്തിലാണ് ‍അടുത്തിടെ പ്രമോകൾ എല്ലാം പുറത്തിറങ്ങിയത്.