കന്നട നിര്‍മാതാവും നടനുമായുള്ള നവീനിന് ശേഷം ഭാവന കൂടുതലും കന്നട സിനിമകളിലാണ് ഇപ്പോള്‍ ശ്രദ്ധ കേന്ദ്രീകരിയ്ക്കുന്നത്. സോഷ്യല്‍ മീഡിയയിലും വളരെ അധികം സജീവമാണ് ഭാവന. പുതിയ പുതിയ ചിത്രങ്ങളും ചിന്തകളും താരം നിരന്തരം പങ്കുവയ്ക്കാറുണ്ട്. വര്‍ക്കൗട്ട് ചെയ്യുന്ന വീഡിയോ ആണ് ഏറ്റവും ഒടുവില്‍ നടി പങ്കുവച്ചിരിയ്ക്കുന്നത്.

'ആഗ്രഹിക്കുന്നത് എല്ലാം നിങ്ങള്‍ക്ക് കിട്ടില്ല. പ്രവൃത്തിയ്ക്കുന്നത് കിട്ടും.' എന്ന് പറഞ്ഞുകൊണ്ടാണ് ഭാവന വീഡിയോ പങ്കുവച്ചിരിയ്ക്കുന്നത്.തന്നെ ഇതിന് പ്രേരിപ്പിച്ച ഫിറ്റ്‌നസ്സ് ട്രെയിനര്‍ക്ക് നന്ദി പറയാനും ഭാവന മറന്നില്ല. ഫിറ്റ്‌നസ്സ് ട്രെയിനറായ മരുതി നഞ്ചുണ്ടപ്പയും ഭാവനയുടെ വീഡിയോ പങ്കുവച്ചിട്ടുണ്ട്.

ഇൻസ്റ്റാഗ്രാമിൽ പുത്തൻ ഫൊട്ടോകൾ പോസ്റ്റ് ചെയ്യുന്ന താരങ്ങളിൽ ഭാവന മുന്നിൽ തന്നെയുണ്ട്. ഇടയ്ക്കിടെ തന്റെ സെൽഫികളും ഫൊട്ടോഷൂട്ടിൽനിന്നുള്ള ചിത്രങ്ങളും ഭാവന പോസ്റ്റ് ചെയ്യാറുണ്ട്. കഴിഞ്ഞ ദിവസവും ഏറ്റവും പുതിയ ചിത്രങ്ങൾ താരം പോസ്റ്റ് ചെയ്തിരുന്നു.
ഏതു ഫൊട്ടോയാണ് പോസ്റ്റ് ചെയ്യേണ്ടതെന്ന് മനസിലാക്കാൻ ഏതാണ്ട് സമാനമായ 10 ചിത്രങ്ങൾ നോക്കി, ഒടുവിൽ 10 ഫൊട്ടോയും പോസ്റ്റ് ചെയ്തുവെന്നാണ് ചിത്രങ്ങൾക്ക് ക്യാപ്ഷനായി ഭാവന കുറിച്ചത്.

ഭാവന, ശിവരാജ്കുമാറിനൊപ്പം അഭിനയിച്ച ടഗറ് എന്ന ചിത്രം മികച്ച വിജയം നേടി. തൃഷയും വിജയ് സേതുപതിയും അഭിനയിച്ച് ഹിറ്റ് ആയ 96 എന്ന ചിത്രത്തിന്റെ കന്നട റീമേക്കിലെയും ഭാവനയായിരുന്നു നടി. ബാജ്‌റാഗി ടു എന്ന ചിത്രമാണ് ഏറ്റവും ഒടുവില്‍ തിയേറ്ററലിതെത്തിയത്.

ഇനി സിനിമകള്‍ വാരി വലിച്ച് ചെയ്യില്ല എന്ന് ഭാവന കഴിഞ്ഞ ദിവസം വ്യക്തമാക്കിയിരുന്നു. ജീവിതത്തിന്റെ ഒരു ഘട്ടത്തിലേക്ക് കടന്നു കഴിഞ്ഞു. വിവാഹിതയാണ്. ജീവിതത്തില്‍ വേറെയും ഉത്തരവാദിത്വങ്ങളുണ്ട്. വെല്ലുവിളി ഉയര്‍ത്തുന്ന കഥാപാത്രങ്ങള്‍ മാത്രമേ ചെയ്യൂ എന്നാണ് ഭാവന പറഞ്ഞിരിയ്ക്കുന്നത്.

ഭർത്താവിനൊപ്പം ബെംഗളൂരുവിലാണ് ഭാവനയുടെ താമസം. നീണ്ട അഞ്ചുവർഷത്തെ പ്രണയത്തിനൊടുവിലായിരുന്നു ഭാവനയുടെയും നവീന്റെയും വിവാഹം. വിവാഹം കഴിഞ്ഞ് കുറച്ചുനാൾ സിനിമയിൽ നിന്നും വിട്ടുനിന്ന ഭാവന ഒരിടവേളയ്ക്ക് ശേഷം ’96’ എന്ന ചിത്രത്തിന്റെ കന്നട റീമേക്കിൽ നായികയായാണ് അഭിനയരംഗത്തേക്ക് തിരിച്ചെത്തിയത്.