തിയേറ്ററിനുള്ളില് പടക്കം കയറ്റാൻ അനുവദിക്കരുത്, പടക്കം പൊട്ടിക്കരുത് , പാലഭിഷേകം നടത്തരുത്; സിനിമ എല്ലാ വിധത്തിലും ആസ്വദിക്കൂ, പക്ഷേ ദയവായി ഇത് ഒഴിവാക്കുക.... ഇത് എന്റെ അഭ്യർത്ഥനയാണ്: തിയേറ്ററില് പടക്കം പൊട്ടിച്ച ആരാധകര്ക്കെതിരെ നടന് സല്മാന് ഖാന്
സൽമാന്റെ പുതിയ ചിത്രത്തിന്റെ പ്രദർശനത്തിനിടയിൽ ആരാധകർ പടക്കം പൊട്ടിച്ചതിനെതിരെ താരം രംഗത്ത്. ഏറെ നാളത്തെ കാത്തിരിപ്പിനൊടുവില് സല്മാന് ഖാന് ചിത്രം അന്തിം പുറത്തിറങ്ങിയതിന്റെ ആഘോഷത്തിലാണ് ആരാധകര്. ഫ്ലക്സില് പാലഭിഷേകവും , തിയേറ്ററില് പടക്കം പൊട്ടിക്കലും നടത്തിയത് .
തിയേറ്ററില് പടക്കം പൊട്ടിച്ച വീഡിയോ പോസ്റ്റ് ചെയ്തായിരുന്നു സല്മാന്റെ ഇന്സ്റ്റഗ്രാം കുറിപ്പ്. "തിയേറ്ററിനുള്ളില് പടക്കം പൊട്ടിക്കരുതെന്ന് എന്റെ എല്ലാ ആരാധകരോടും അഭ്യര്ത്ഥിക്കുന്നു, അത് നിങ്ങളുടെയും മറ്റുള്ളവരുടെയും ജീവന് അപകടത്തിലാക്കും.
തീയേറ്ററിനുള്ളില് പടക്കങ്ങള് കയറ്റാന് അനുവദിക്കരുത്, പ്രവേശന സമയത്ത് സുരക്ഷ ജീവനക്കാര് അവരെ തടയണം. സിനിമ എല്ലാ വിധത്തിലും ആസ്വദിക്കൂ, പക്ഷേ ദയവായി ഇത് ഒഴിവാക്കുക. ഇത് എന്റെ എല്ലാ ആരാധകരോടും ഉള്ള എന്റെ അഭ്യര്ത്ഥനയാണ്. നന്ദി." ഇത്തരത്തിലാണ് സല്മാന്റെ കുറിപ്പ്.
തന്റെ ഫ്ലക്സില് പാലഭിഷേകം നടത്തിയതിനെയും സല്മാന് എതിര്ത്തു . ' ഒരുപാട് ആളുകള്ക്ക് വെള്ളം പോലും ലഭ്യമല്ല, നിങ്ങള് ഇത്തരത്തില് പാല് പാഴാക്കുന്നു. ആവശ്യക്കാര്ക്കും പാല് ലഭ്യമല്ലാത്തവര്ക്കും പാല് നല്കണമെന്ന് അഭ്യര്ത്ഥിക്കുന്നു ' സല്മാന് പറഞ്ഞു . മറാത്തി ചിത്രം മുല്ഷി പാറ്റേണിന്റെ റീമേക്കാണ് സല്മാന്റെ പുതിയ ചിത്രം അന്തിം.
https://www.facebook.com/Malayalivartha
