ഏഷ്യാനെറ്റ് സീരിയലുകളിൽ റേറ്റിംഗില്‍ ഏറെ മുന്നിലുള്ള പരമ്പരകളിലൊന്നാണ് കുടുംബവിളക്ക്. ഈ പരമ്പരയിലൂടെയായി പ്രേക്ഷകര്‍ക്ക് പ്രിയങ്കരിയായി മാറിയ താരമാണ് ആനന്ദ് നാരായണൻ.

സീരിയലിൽ സുമിത്രയുടെ മകൻ അനിരുദ്ധായി അഭിനയിക്കുന്നത് ആനന്ദ് നാരായണനാണ്. നെ​ഗറ്റീവ് ഷെഡുള്ള കഥാപാത്രത്തെ മനോഹരമായാണ് ആനന്ദ് അവതരിപ്പിക്കുന്നത്.

അനിരുദ്ധിന്റെ ഭാര്യയായി അഭിനയിക്കുന്നത് അതിരമാധവാണ്. ഒന്നാം വിവാഹ വാര്‍ഷിക ദിനത്തിലായിരുന്നു ആതിര ഗര്‍ഭിണിയാണെന്നുള്ള സന്തോഷം ആരാധകരെ അറിയിച്ചത്. പരമ്പരയില്‍ നിന്നും മാറുകയാണോയെന്നായിരുന്നു പ്രേക്ഷകരെല്ലാം താരത്തോട് ചോദിച്ചത്.

യൂട്യൂബ് ചാനലിലൂടെയായി വിശേഷങ്ങള്‍ പങ്കിട്ടെത്താറുണ്ട് ആതിര. പരമ്പരയില്‍ നിന്നും മാറുന്ന സമയത്ത് താന്‍ തന്നെ എല്ലാവരേയും അറിയിക്കാമെന്നായിരുന്നു ആതിര പറഞ്ഞത്.

കുടുംബവിളക്കിലെ സഹതാരമായ ആനന്ദും കുടുംബവും അടുത്തിടെ ആതിരയെ സന്ദര്‍ശിച്ചിരുന്നു. അഞ്ച് കൂട്ടം പലഹാരങ്ങളുമായാണ് ആനന്ദും കുടുംബവും ആതിരയെ കാണാനെത്തിയത്.

കുടുംബവിളക്ക് ലൊക്കേഷനിലെ അനുഭവങ്ങളെക്കുറിച്ചും ആനന്ദ് വാചാലനായിരുന്നു. ആതിരയും താനും ഒന്നിച്ചുള്ള രംഗം ചിത്രീകരിക്കുന്നതിനിടയിലായിരുന്നു സംഭവം. ഒരു ഗ്ലാസ് ചൂട് കട്ടന്‍ ചായയുമായി നില്‍ക്കുകയായിരുന്നു. സീനിന് വേണ്ടിയായിരുന്നു ചായ കൈയ്യില്‍ കരുതിയത്.

എല്ലാവരും ഷൂട്ടിനായി റെഡിയാവുന്നതിനിടയിലായിരുന്നു ആതിര തലകറങ്ങി വീഴാന്‍ പോയത്. വീഴുമെന്ന് മനസ്സിലാക്കിയതിനാല്‍ താങ്ങിപ്പിടിച്ചിരുന്നു. അതിനിടയിലാണ് ചൂടുചായ ദേഹത്തേക്ക് മറിഞ്ഞത്. കാലിലായിരുന്നു പൊള്ളിയതെന്നും ആനന്ദ് പറഞ്ഞത്. ആനന്ദിന്റെ വാക്കുകള്‍ കേട്ട് പൊട്ടിച്ചിരിക്കുകയായിരുന്നു ആതിര.

ഗര്‍ഭിണിയാണെന്നുള്ള വിവരം മന:പ്പൂര്‍വ്വമായി മറച്ചുവെച്ചതായിരുന്നില്ല താനെന്നും ആതിര പറഞ്ഞിരുന്നു. ഒന്നാം വിവാഹ വാര്‍ഷിക ദിനത്തിലായിരുന്നു ആതിര കുഞ്ഞതിഥി എത്തുന്ന സന്തോഷം പറഞ്ഞത്. താരങ്ങളും ആരാധകരുമെല്ലാം ആശംസയുമായെത്തിയിരുന്നു. കുടുംബവിളക്കില്‍ തുടരുമോയെന്നായിരുന്നു എല്ലാവരും ചോദിച്ചത്.

പരമ്പരയില്‍ നിന്നും മാറേണ്ടി വരുമെന്നും അതേക്കുറിച്ച് ഇപ്പോള്‍ ചിന്തിക്കുന്നില്ലെന്നും താരം പറഞ്ഞിരുന്നു. താന്‍ മാറിയെന്ന തരത്തിലുള്ള പ്രചാരണങ്ങള്‍ കേട്ടിരുന്നു, അതൊന്നും ശരിയല്ല, സീരിയലില്‍ നിന്നും മാറുകയാണെങ്കില്‍ ഒഫീഷ്യലായി താന്‍ അറിയിക്കുമെന്നും ആതിര വിശദീകരിച്ചിരുന്നു.

മികച്ച പിന്തുണയുമായി മുന്നേറുകയാണ് കുടുംബവിളക്ക്. പരമ്പരയുടെ പ്രമോ പുറത്തുവരുമ്പോള്‍ മുതലേ തന്നെ ആരാധകര്‍ ചര്‍ച്ചകളും തുടങ്ങാറുണ്ട്. റേറ്റിംഗിലും ഏറെ മുന്നിലാണ് ഈ പരമ്പര. മീര വസുദേവ്, കെക മേനോന്‍, നൂബിന്‍, ശ്രീലക്ഷ്മി തുടങ്ങി നിരവധി താരങ്ങളാണ് പരമ്പരയ്ക്കായി അണിനിരന്നിട്ടുള്ളത്. സുമിത്രയെന്ന വീട്ടമ്മയുടെ ജീവിതത്തിലെ അപ്രതീക്ഷിത സംഭവവികാസങ്ങളിലൂടെയായി മുന്നേറുകയാണ് പരമ്പര.