നടി മീരാ നന്ദനും ആൻ അഗസ്റ്റിനും കൂട്ടുകാരാണ്. ഇരുവരും ഒന്നിച്ചുള്ള നിരവധി ചിത്രങ്ങൾ നേരത്തെ സോഷ്യൽ മീഡിയ കണ്ടിരുന്നു . ഇപ്പോളിതാ മീരയ്ക്ക് ആശംസകളുമായി ആൻ അഗസ്റ്റിൻ എത്തിയിരിക്കുകയാണ്. ഇൻസ്റ്റഗ്രാമിൽ താരം പങ്കുവച്ച് കുറിപ്പ് ഇപ്പോൾ വൈറലാകുകയാണ്.

മീരയുടെ ജന്മദിനത്തിന് ആശംസകള്‍ നേര്‍ന്നുകൊണ്ടുള്ള പോസ്റ്റായിരുന്നു അത്. ഒരിക്കലും തന്നെ കൈവിടാതെ കൂടെനിന്ന സുഹൃത്തെന്നാണ് ആന്‍ മീരയെ വിശേഷിപ്പിക്കുന്നത്. ആനിന്റെ കുറിപ്പിന്റെ പൂര്‍ണ്ണരൂപം ഇങ്ങനെയായിരുന്നു…’എല്ലാം കണ്ടു ഒരിക്കലും എന്നെ കൈവിടാതെ എന്നോടൊപ്പം നിന്നവള്‍ക്ക്, എന്റെ കുടുംബമായവള്‍ക്ക്!

ചക്രങ്ങള്‍ വീഴുന്നതുവരെ നിന്നോടൊപ്പം യാത്ര തുടരും. ജീവിതകാലം മുഴുവന്‍ എനിക്ക് നിന്നെ ലഭിച്ചു. ഇത്രയും സുന്ദരമായ വ്യക്തിക്ക് ജന്മദിനാശംസകള്‍! മൈ സോള്‍ സിസ്റ്റര്‍’, എന്ന് കുറിച്ച് ഒന്നിച്ചുള്ള ചിത്രങ്ങള്‍ പങ്കുവച്ചാണ് ആന്‍ ആശംസ നേര്‍ന്നത്.

മലയാളി പ്രേക്ഷകരുടെ പ്രിയ നായികമാരാണ് ഇരുവരും സിനിമാ മേഖലയില്‍ സജീവമല്ലെങ്കിലും സോഷ്യല്‍ മീഡിയകളില്‍ രണ്ടുപ്പേരും സജീവമാണ്. തങ്ങളുടെ വിശേഷങ്ങളെല്ലാം ആരാധകരുമായി പങ്കുവെയ്ക്കാറുമുണ്ട്. അച്ഛന്റെ മരണം വിവാഹ മോചനം തുടങ്ങി ജീവിതത്തില്‍ ഒരുപാട് പ്രതിസന്ധികളിലൂടെ കടന്നുപോയ ആനിനൊപ്പം മീരയുണ്ടായിരുന്നു.

മുല്ല എന്ന ചിത്രത്തിന് ശേഷം മലയാളം, തമിഴ്, തെലുങ്ക്, കന്നഡ ഭാഷകളിലായി നിരവധി സിനിമകളില്‍ അഭിനയിച്ച നടിയാണ് നടി മീരനന്ദന്‍. എൽസമ്മ എന്ന ആൺക്കുട്ടി, റെബേക്ക ഉതുപ്പ് കിഴക്കേമല , നീന എന്നീ ചിത്രങ്ങളിൽ ആൻ വേഷമിട്ടു.