സാന്ത്വനം സീരിയലിലൂടെ മിനിസ്ക്രീൻ പ്രേക്ഷകർ നെഞ്ചിലേറ്റിയ താരമാണ് ജയന്തി. ഇന്നലെ ആയിരുന്നു അപ്സരയും നടനും സംവിധായകനുമായ ആൽബിനും ചോറ്റാനിക്കരയിൽ വെച്ച് വിവാഹിതരായത്.

ഏറെ ആഘോഷമായി നടന്ന ചടങ്ങിൽ സിനിമാ സീരിയൽ രംഗത്ത് നിന്നുള്ള സുഹൃത്തുക്കളും കുടുംബാംഗങ്ങളും പങ്കെടുത്തു.കേരള ട്രഡീഷണൽ സാരിയിൽ അതീവ സുന്ദരിയാണ് അപ്സര വിവാഹ വേദിയിലെത്തിയത്.

ബ്ലൗസിന് പുറകിൽ പ്രത്യേകം പറഞ്ഞു ചെയ്യിപ്പിച്ച ദേവീരൂപം ഏറെ ശ്രദ്ധിക്കപ്പെട്ടു. താനൊരു ദേവിഭക്തിആണെന്നും അതുകൊണ്ടാണ് ബ്ലൗസിന് പുറകിൽ ആറ്റുകാൽ ദേവിയുടെ ചിത്രം വേണമെന്ന് പറഞ്ഞതെന്നും അപ്സര പറഞ്ഞു.

ഭഗവതിയുടെ രൂപം ആയതിനാല്‍ തന്നെ ബ്ലൗസ് ഡിസൈന്‍ ചെയ്തവരെല്ലാം തന്നെ ഒരു മാസക്കാലത്തോളം വൃതമെടുത്ത് നോണ്‍ വെജ് ഫുള്‍ ഒഴിവാക്കിയാണ് ഇത് ചെയ്തത് എന്നാണ് അപ്‌സര പറയുന്നത്.

ക്രീം കളർ ജുബ്ബയും കസവുമുണ്ടുമായിരുന്നു ആൽബിയുടെ വേഷം. വിവാഹവേദിയിൽ ഏറെ സന്തോഷത്തോടെയാണ് ഇരുവരും കാണപ്പെട്ടത്. സരിഗ, അലീന പടിക്കൽ, കിഷോർ, സരിത തുടങ്ങിയവരുടെ സാന്നിധ്യം ചടങ്ങിൽ ശ്രദ്ധേയമായിരുന്നു.

ഇനിമുതൽ ഞങ്ങൾ ഒന്നാണെന്നും എല്ലാവരുടെയും സ്നേഹവും പ്രാർത്ഥനയും തങ്ങൾക്ക് വേണമെന്നും ഇരുവരും വിവാഹ ശേഷം മാധ്യമങ്ങളോട് പറഞ്ഞു. വിവാഹ ശേഷം നടന്ന ഫോട്ടോഷൂട്ടിൽ ആൽബി അപ്സരക്ക് ആദ്യ ചുംബനവും നൽകി. ഇരുവരുടേയും വിവാഹ ചിത്രങ്ങളും വീഡിയോയും ഇതിനോടകം തന്നെ സോഷ്യൽ മീഡിയയിൽ വൈറലായി കഴിഞ്ഞിരിക്കുകയാണ്.

ഇരുവർക്കും നിരവധിപേരാണ് ആശംസകളുമായി എത്തിയത്. ആരധകരുടെ കമെന്റിനോടൊപ്പം തന്നെ, വിവാഹത്തിനും റിസപ്‌ഷനുമൊക്കെ സാന്ത്വനം ടീമിൽ നിന്നും ആരും എത്താത്തതിനെ അതൃപ്തി അറിയിച്ചിരുന്നു. സാന്ത്വനം ആരാധകർ നിരവധി രസകരമായ കമെന്റുകൾ പങ്കുവെച്ചിരുന്നു...

സാന്ത്വനം ടീമിനെ കാണാൻ വന്നിട്ട് അവരില്ലലോ... സാന്ത്വനം ടീം ഇല്ലേ, സാന്ത്വനത്തിലെ ആരെയും അപ്സര വിവാഹത്തിന് ക്ഷണിച്ചില്ലെയോ.. ഇത്തരത്തിൽ നിരവധി കമെന്റുകൾ ആരാധകർ പങ്കുവെച്ചിരുന്നു. ഏതായാലും ഇന്ന് തിരുവന്തപുരത്ത് നടക്കുന്ന വിവാഹ റീസെപ്‌ഷനിൽ സാന്ത്വനം ടീമിനെ എല്ലാ ആരാധകർക്കും കാണാം.

കൈരളി ടിവിയിൽ സംപ്രേഷണം ചെയ്യുന്ന സെലിബ്രിറ്റി കിച്ചൻ മാജിക് എന്ന പരിപാടിയിലും അപ്സര പങ്കെടുക്കാറുണ്ട്. ഈ പരിപാടിയുടെ സംവിധായകനാണ് ആൽബി. പ്രണയവിവാഹമാണ് ഇരുവരുടേയും . നിരവധി ടെലിവിഷൻ സീരിയലുകളിലൂടെ മലയാളി പ്രേക്ഷകർക്ക് സുപരിചിതയായ അപ്സര 'ഉള്ളത് പറഞ്ഞാൽ' എന്ന ഹാസ്യ പരിപാടിയിലെ അഭിനയത്തിന് മികച്ച നടിയ്ക്കുള്ള സംസ്ഥാന സർക്കാരിൻറെ പുരസ്കാരവും നേടിയിട്ടുണ്ട്.

തിരുവനന്തപുരം സ്വദേശിനിയായ അപ്‌സര 8 വര്‍ഷമായി അഭിനയരംഗത്തുണ്ട്. 22 ലധികം സീരിയലുകളില്‍ അഭിനയിച്ചിട്ടുണ്ട്. ആല്‍ബി തൃശൂര്‍ സ്വദേശിയാണ്. പത്തുവര്‍ഷമായി ടെലിവിഷന്‍ രംഗത്ത് സജീവമാണ്. നിരവധി ഷോകളുടെ സംവിധായകനായ ആല്‍ബി അവതാരകനായും ശ്രദ്ധ നേടിയിട്ടുണ്ട്.