അപ്സരയുടെയും ആൽബിയുടെയും വിവാഹ വീഡിയോ കണ്ടതുമുതൽ സാന്ത്വനം ആരാധകർ ചോദിക്കുന്നതാണ്, വിവാഹത്തിന് സാന്ത്വനം കുടുംബത്തെ വിളിച്ചില്ലെയോ എന്ന്. എന്നാൽ, ഇന്നലെ തിരുവനതപുരത്ത് നടന്ന വിവാഹ റിസപ്ഷനിൽ അതുനുള്ള മറുപടിയുമായി, സാന്ത്വനം ടീം എത്തു കയായിരുന്നു. അഞ്ജലിയും,, ശങ്കരൻമാമയും, ഹരിയും,ദേവേട്ടത്തിയും ,ശത്രുവുമെല്ലാം അവിടെ ഉണ്ടായിരുന്നു.

വിവാഹ റിസപ്‌ഷനിൽ ഇവരെ എല്ലാം കണ്ടതിന്റെ സന്തോഷം ആരാധകർക്കുമുണ്ട്. സോഷ്യൽമീഡിയയിൽ... ഇന്നലെ മുതൽ തന്നെ ഈ വിഡിയോകളെല്ലാം വൈറലാണ്... സാന്ത്വനം ടീമിനെ എല്ലാം കണ്ടെങ്കിലും, വീണ്ടും ആരാധകർ ചോദിക്കുന്നത് മറ്റൊരു ചോദ്യമാണ് നമ്മുടെ ശിവേട്ടൻ എവിടെ ആണെന്ന്. അതിനുള്ള മറുപടി അഞ്ചു തന്നെ നൽകിയിരുന്നു.

ഏഷ്യാനെറ്റില്‍ സംപ്രേഷണം ചെയ്തുവരുന്ന സാന്ത്വനത്തില്‍ ജയന്തിയെന്ന കഥാപാത്രത്തെയാണ് അപ്‌സര അവതരിപ്പിക്കുന്നത്. നെഗറ്റീവ് ടച്ചുള്ള കഥാപാത്രത്തെയാണ് അപ്‌സര പരമ്പരയില്‍ അവതരിപ്പിക്കുന്നത്. ഗോപിക അനില്‍, ചിപ്പി, ഗിരീഷ് നമ്പ്യാര്‍,യതികുമാർ ഇവരെല്ലാം നവദമ്പതികള്‍ക്ക് ആശംസ അറിയിച്ചിരുന്നു.

അപ്സരയെക്കുറിച്ച് നിങ്ങളുടെയെല്ലാം, അഞ്ചുവായ ഗോപിക അനിൽ പറഞ്ഞതിങ്ങനെയാണ്.. "ഞാനും അപ്‌സരയും സീരിയലില്‍ കട്ട അടിയാണെങ്കിലും നേരിട്ട് നല്ല ക്ലോസാണ്. അവളുടെ കല്യാണത്തില്‍ പങ്കെടുക്കാനായില്ല, എന്നാല്‍ റിസപ്ക്ഷനില്‍ വരാന്‍ കഴിഞ്ഞു. ഒരുപാട് സന്തോഷമുണ്ട്. അപ്‌സരയ്ക്കും ചേട്ടനും എല്ലാവിധ ആശംസകളും നേരുന്നു." എന്നായിരുന്നു.

ഹരിയെ അവതരിപ്പിക്കുന്ന ഗിരീഷ് നമ്പ്യാരും അപ്‌സരയേയും ആല്‍ബിനേയും കാണാനെത്തിയിരുന്നു. അപ്‌സിന് എല്ലാവിധ ആശംസകളും. നല്ലൊരു ലവ് സ്‌റ്റോറി തന്നെയാണ് അവരുടേത്. അവര്‍ തന്നെ അത് വെളിപ്പെടുത്തട്ടെ. നിങ്ങളുടെ സ്‌നേഹമാണ് സാന്ത്വനത്തിന്റെ വിജയം. ഇനിയും നല്ല നല്ല രംഗങ്ങള്‍ ഉണ്ടായിരിക്കും, എപ്പോഴും പിന്തുണ വേണെമെന്നുമായിരുന്നു ഗിരീഷ് പറഞ്ഞത്.

ശിവേട്ടന്റെ സാനിധ്യം എല്ലാവരും ആഗ്രഹിച്ചതിനാൽ, ഗോപികയോടാണ് സജിനെ കുറിച്ച് തിരക്കിയത്. അതിന് ഗോപികയും ഗിരീഷും നൽകിയ മറുപടി ഇങ്ങനെയാണ്: "ശിവേട്ടന്റെ സാന്നിധ്യം ഇവിടെ എല്ലാവരും പ്രതീക്ഷിച്ചിരുന്നു. എന്താണന്നറിയില്ല പുള്ളി വന്നില്ല." എന്നാണ്.

സാന്ത്വനത്തിൽ പ്രധാന കഥാപാത്രത്തിലൊരാളായ ചിപ്പിയും വിവാഹ വിരുന്നിൽ പങ്കെടുത്തിരുന്നു. അപ്സരയ്ക്കും ആൽബിയ്ക്കും, സന്തോഷകരമായ ജീവിതം ലഭിക്കട്ടെ എന്നായിരുന്നു താരം പറഞ്ഞത്. പരമ്പരയിലെ ശങ്കരൻമാമയായി വേഷമിടുന്ന യതികുമാറും അപ്സരയ്ക്കും ആൽബിയ്ക്കും ആശംസ നേർന്നിരുന്നു.

സാന്ത്വനത്തിന് പുറമെ സെലിബ്രിറ്റി കിച്ചണ്‍ മാജിക് പരിപാടിയിലെ താരങ്ങളും വിവാഹ വിരുന്നില്‍ തിളങ്ങിയിരുന്നു. കിഷോര്‍, സരിത ബാലകൃഷ്ണന്‍, സരിത, നിയാസ്, ബിജു സോപാനം, ദേവി ചന്ദന, ജിഷിന്‍ വരദ തുടങ്ങി നിരവധി പേരാണ് നവദമ്പതികളെ കാണാനെത്തിയത്.