'കടുവ' സിനിമ പ്രദര്‍ശിപ്പിക്കുന്നത്​ കോടതി താല്‍ക്കാലികമായി വിലക്കി. ഹരജി തീര്‍പ്പാക്കും വരെ സിനിമ മുഴുവനായോ ഭാഗികമായോ പ്രദര്‍ശിപ്പിക്കുന്നതും തിരക്കഥ പ്രസിദ്ധീകരിക്കുന്നതിനുമാണ്​ എറണാകുളം ജില്ല സബ് കോടതി വിലക്ക്​ ഏര്‍പ്പെടുത്തിയത്​.

സമൂഹ മാധ്യമങ്ങളിലും ഒ.ടി.ടിയിലും വിലക്ക് ബാധകമാണ്. കേസ് ഈ മാസം 14ന്​ വീണ്ടും പരിഗണിക്കും. ജോസ് കുറുവനാക്കുന്നേലിന്റെ ഹരജി അനുവദിച്ചാണ്​ കോടതിയുടെ ഇടക്കാല ഉത്തരവ്. ജിനു വര്‍ഗീസ് എബ്രഹാമാണ് എതി‍ര്‍കക്ഷി.