ഇന്നലെ എറണാകുളം കാക്കനാട് ഭാഗത്ത് പെയ്ത മഴ കാലവസ്ഥ കൊണ്ട് പെയ്ത മഴ അല്ല, എന്റെ നെഞ്ച് പൊട്ടി ഞാന് കരഞ്ഞ മഴ ആയിരുന്നു അത്; ആദ്യ ഭര്ത്താവിന്റെ രണ്ടാം വിവാഹം, ആര്യ നെഞ്ചു പൊട്ടി കരഞ്ഞുവെന്ന് സോഷ്യൽമീഡിയ, പരിഹാസവുമായി താരം
അവതാരകയും നടിയുമായ ആര്യയുടെ ആദ്യ ഭര്ത്താവ് രോഹിത്ത് സുശീലന്റെ വിവാഹം കഴിഞ്ഞ ദിവസം നടന്നിരുന്നു. രോഹിതിന്റെ സഹോദരിയും നടിയുമായ അര്ച്ചന സുശീലന്റെയും രണ്ടാമത്തെ വിവാഹം നടന്നതും ഇതേ ദിവസമായിരുന്നു.
രോഹിത്തിന്റെ വിവാഹവുമായി ബന്ധപ്പെടുത്തി അനേകം വ്യാജ വാര്ത്തകളാണ് കഴിഞ്ഞ ദിവസങ്ങളില് സോഷ്യല് മീഡിയയിലൂടെ പുറത്ത് വന്നത്. അവര്ക്കെല്ലാമുള്ള രസകരമായ മറുപടിയുമായി രംഗത്തെത്തിയിരിക്കുകയാണ് ആര്യ.
രോഹിത്തിന് ആശംസ നേര്ന്നപ്പോള് ആര്യ നെഞ്ച്പൊട്ടി കരയുകയാണെന്ന തരത്തില് ഓണ്ലൈന് മാധ്യമങ്ങളില് വന്ന വാര്ത്തശ്രദ്ധയില് പെട്ട താരം തമാശനിറഞ്ഞൊരു മറുപടി നല്കി കൊണ്ടാണ് രംഗത്തെത്തിയത്.
'പ്രിയപ്പെട്ട സുഹൃത്തുക്കളെ, ഇന്നലെ എറണാകുളം കാക്കനാട് ഭാഗത്ത് പെയ്ത മഴ കാലവസ്ഥ കൊണ്ട് പെയ്ത മഴ അല്ല. എന്റെ നെഞ്ച് പൊട്ടി ഞാന് കരഞ്ഞ മഴ ആയിരുന്നു അത്. നിങ്ങളത് മനസിലാക്കണം.' എന്നായിരുന്നു വീഡിയോയില് ആര്യ പറയുന്നത്. തമിഴ് നാട്ടില് വെച്ചായിരുന്നു രോഹിത്തിന്റെ വിവാഹം. ബാഗ്ളൂരുവില് ജോലി ചെയ്യുന്ന അര്പിതയാണ് ഭാര്യ.
https://www.facebook.com/Malayalivartha
