സാന്ത്വനത്തിലൂടെ മലയാളികളുടെ പ്രിയപ്പെട്ടവനായി മാറിയ താരമാണ് സജിന്‍. സാന്ത്വനത്തിലെ ശിവന്‍ ആയാണ് സജിന്‍ അഭിനയിക്കുന്നത്. കലിപ്പന്‍ ശിവനും കാന്താരിയായ അഞ്ജുവിന്റേയും പ്രണയം ആണ് ഇപ്പോള്‍ പരമ്പരയിലെ മുഖ്യാകര്‍ഷണം. ഓരോ ദിവസം പിന്നിടുമ്പോഴും സാന്ത്വനവും ശിവനും അഞ്ജുവുമൊക്കെ മലയാളികളുടെ മനസ് കീഴടക്കി മുന്നേറുകയാണ്.

ഇപ്പോഴിതാ, സോഷ്യല്‍ മീഡിയയുടെ മനസ് കവരുകയാണ് സജിന്‍. തന്റെ വിവാഹ വാര്‍ഷികത്തിന് സജിന്‍ പങ്കുവച്ച പോസ്റ്റാണ് വൈറലായിരിക്കുന്നത്. മലയാളികള്‍ക്ക് സുപരിചിതയായ നടിയായ ഷഫ്‌നയാണ് സജിന്റെ ഭാര്യ.

മലയാളികള്‍ക്ക് ഏറെ ഇഷ്ടമുള്ള താരജോഡിയാണ് ഷഫ്‌നയും സജ്‌നയും. സജിന്റെ അഭിനയത്തിലേക്കും സീരിയലിലേക്കുമുള്ള വരവില്‍ ഷഫ്‌നയുടെ പിന്തുണ വളരെ വലുതാണ്. രണ്ടു പേരും സീരിയില്‍ ലോകത്ത് ഒരേ സമയം ഹിറ്റു പരമ്പരകളിലെ താരങ്ങളായി മുന്നേറുകയാണ് ഇപ്പോള്‍.

ഷഫ്‌നയുമൊത്തുള്ള മനോഹരമായൊരു ചിത്രമാണ് സജിന്‍ പങ്കുവച്ചിരിക്കുന്നത്. ഷഫ്‌നയെ ഓമനിക്കുന്നൊരു ചിത്രമാണ് താരം പങ്കുവച്ചിരിക്കുന്നത്. പിന്നാലെ വിവാഹ വാര്‍ഷികത്തിന് ആശംസകളുമായി നിരവധി പേരാണ് എത്തിയിരിക്കുന്നത്. സാന്ത്വനത്തില്‍ സജിന്റെ സഹോദരനായി അഭിനയിക്കുന്ന അച്ചു സുഗന്ദും ആശംസ നേര്‍ന്നിട്ടുണ്ട്.

പിന്നാലെ വിവാഹ വാര്‍ഷികാഘോഷത്തിന്റെ ചിത്രങ്ങള്‍ പങ്കുവച്ചു കൊണ്ട് ഷഫ്‌നയും എത്തിയിട്ടുണ്ട്. മനോഹരമായ ചിത്രങ്ങളാണ് ഷഫ്‌ന പങ്കുവച്ചിരിക്കുന്നത്. സജിനെ ചുംബിക്കുന്ന തന്റെ ചിത്രങ്ങളാണ് ഷഫ്‌ന പങ്കുവച്ചിരിക്കുന്നത്. ചിത്രങ്ങളോടൊപ്പം ഹൃദയസ്പര്‍ശിയായൊരു കുറിപ്പും ഷഫ്‌ന പങ്കുവച്ചിട്ടുണ്ട്.

ഷഫ്‌നയുടെ കുറിപ്പിന്റെ പോർണരൂപം ഇങ്ങനെയാണ്:

''നമുക്ക് സന്തോഷം നിറഞ്ഞ വാര്‍ഷികാശംസകള്‍. ഇന്നലെ രാത്രി മുഴുവന്‍ നമ്മള്‍ പറഞ്ഞു കൊണ്ടിരുന്നത് പോലെ കല്യാണം കഴിഞ്ഞ് ഒരു മാസം കഴിഞ്ഞിട്ടേയുള്ളൂവെന്നാണ് തോന്നുന്നത്. അത് നിന്നില്‍ നിന്നും കേള്‍ക്കുന്നതാണ് എന്നെ ഏറ്റവും കൂടുതല്‍ സന്തോഷിപ്പിക്കുന്നത്.

എനിക്കൊപ്പമുള്ള നിന്റെ ജീവിതം ബോറിംഗ് അല്ലെന്നത് എനിക്ക് ഒരുപാട് സന്തോഷം നല്‍കുന്നതും, നമ്മുടെ ജീവിതത്തെ കൂടുതല്‍ സന്തോഷകരമാക്കാനുള്ള ആവേശം തരുന്നതുമാണ്.

ഞാന്‍ എന്നും പറയുന്നത് പോലെ, ഇനിയും പറയും, എന്റെ ജീവിതത്തിലെ ഏറ്റവും വലിയ അനുഗ്രഹമാണ് നീ. നീയല്ലായിരുന്നുവെങ്കില്‍ ജീവിതം എന്താകുമെന്ന് എനിക്ക് ചിന്തിക്കാന്‍ പോലും സാധിക്കുന്നില്ല.

നിന്നെ എന്റെ ജീവിതത്തിലേക്ക് അയച്ചതിലൂടെ അള്ളായുടെ സ്‌നേഹവും അനുഗ്രഹവും ഞാന്‍ അനുഭവി്ക്കുന്നു. ഐ ല് ലവ് യു ഇക്കാ... നമുക്കൊരുമിച്ച് നമ്മുടെ ജീവിതം കൂടുതല്‍ സാഹസികവും മനോഹരവുമാക്കി തീര്‍ക്കാം. കൈകോര്‍ത്ത് പിടിച്ച് ഓരോ നിമിഷവും മുന്നോട്ട് പോകാം. ഇറുക്കി കെട്ടിപ്പിടിച്ച്, അനിയന്ത്രിതമായി ചുംബിച്ചു കൊണ്ട്, തോളില്‍ ചാരി, പരസ്പരം താങ്ങായി നമുക്ക് മുന്നോട്ട് പോകാം. ഹാപ്പി ആനിവേഴ്‌സറി മൈ ലവ്'' എന്നായിരുന്നു ഷഫ്ന കുറിച്ചത്.

ബാലതാരമായയാണ് ഷഫ്ന സിനിമയിലെത്തുന്നത്. താരം നായികയായി അഭിനയിച്ച പ്ലസ് ടു എന്ന ചിത്രത്തിൽ സജിനും അഭിനയിച്ചിരുന്നു. ഈ സൗഹൃദം പ്രണയമായി മാറുകയും പിന്നീട് 2013ൽ ഇരുവരും വിവാഹിതരാവുകയും ചെയ്തു.