'എന്റെ അച്ഛന് ഞങ്ങളെ വിട്ട് പോയി, നിങ്ങളും പ്രാര്ത്ഥനയില് ഉള്പ്പെടുത്തുക...' നടന് വിനയ് ഫോര്ട്ടിന്റെ പിതാവ് എംവി മണി അന്തരിച്ചു; അപ്രതീക്ഷിത വിയോഗ വാർത്തയിൽ ഞെട്ടി താരങ്ങൾ
ഒരുപിടി മികച്ച വേഷങ്ങള് കൊണ്ട് മലയാളികളുടെ മനസ്സിൽ ഇടം നേടിയ നായകനാണ് വിനയ് ഫോർട്ട്. കഴിഞ്ഞ പതിനൊന്ന് വര്ഷമായി മലയാള സിനിമയുടെ ഭാഗമായി നിൽക്കുന്ന താരത്തിന് മലയാളികളുടെ ഹൃദയത്തിൽ ഇതിനോടകം ഇടം നേടാൻ സാധിച്ചിട്ടുണ്ട്. ഇപ്പോൾ ഇതാ ആരാധകരെ ഏറെ നിരാശപ്പെടുത്തുന്ന ഒരു വാർത്തയാണ് പുറത്ത് വരുന്നത്
നടന് വിനയ് ഫോര്ട്ടിന്റെ പിതാവ് ഫോര്ട്ട് കൊച്ചി ചിരട്ടപ്പാലം മാന്ത്രയില് എംവി മണി അന്തരിച്ചു. 76 വയസായിരുന്നു. സംസ്കാരം തിങ്കളാഴ്ച ഉച്ചയ്ക്ക് 12ന് ഫോര്ട്ട് കൊച്ചി വെളി ശ്മശാനത്തില് നടക്കും. ഭാര്യ സുജാത. ശ്യാം കുമാര്, അഡ്വ. സുമ എന്നിവര് മറ്റ് മക്കള്.
അപ്രതീക്ഷിതമായി എത്തിയ ഈ മരണ വാർത്ത നടന് താങ്ങനായിട്ടില്ല. സുഹൃത്തുക്കളും സഹപ്രവർത്തകരും ആസ്വാസവാക്കുകളുമായി എത്തിയിട്ടുണ്ട്. നിരവധി പേരാണ് സോഷ്യൽ മീഡിയയിലൂടെ ആദരാഞ്ജലികൾ നേർന്ന് എത്തിയത്.
ശ്യാമപ്രസാദ് സംവിധാനം ചെയ്ത ഋതു എന്ന ചിത്രത്തിലാണ് ആദ്യം അഭിനയിക്കുന്നത്. പൂനെ ഫിലിം ആന്റ് ടെലിവിഷൻ ഇൻസ്റ്റിറ്റ്യൂട്ടിൽ നിന്നും ബിരുദാനന്തര ബിരുദം നേടിയ വിനയ് ഫോർട്ട് അപൂർവരാഗം, അൻവർ, കർമ്മയോഗി, ഷട്ടർ, പ്രേമം തമാശ തുടങ്ങി നിരവധി ചിത്രങ്ങളില് അഭിനയിച്ചിട്ടുണ്ട്. ഇതിൽ അൽഫോൺസ് പുത്രൻ സംവിധാനം ചെയ്ത പ്രേമത്തിലെ അഭിനയമാണ് അദ്ദേഹത്തിന്റെ സിനിമാ ജീവിതത്തിൽ വഴിത്തിരിവായത്.
https://www.facebook.com/Malayalivartha