തിമിരത്തിന്റെ പിടിയില്‍ നിന്നും കേരളത്തെ മോചിപ്പിക്കാന്‍ ഉറച്ച് മമ്മൂട്ടി. സ്‌കൂളുകള്‍ കേന്ദ്രീകരിച്ച് കുട്ടികളെ ഉള്‍പ്പെടുത്തി വമ്പന്‍ പദ്ധതിയാണ് താരത്തിന്റെ മനസ്സിലുള്ളത്. മെഗാ സ്റ്റാര്‍ മമ്മൂട്ടി തന്റെ പിറന്നാള്‍ സമ്മാനമായി സമര്‍പ്പിച്ച കാഴ്ച 2020 പദ്ധതിയുടെ ഭാഗമായി ഈവര്‍ഷം മുതല്‍ സ്‌കൂളുകള്‍ കേന്ദ്രീകരിച്ച് സൗജന്യ നേത്രപരിശോധന നടത്തുന്നു. സൗജന്യ സ്‌കൂള്‍ സ്‌ക്രീനിങ് പദ്ധതി എറണാകുളം, ആലപ്പുഴ ജില്ലയിലെ സ്‌കൂളുകളിലാണ് ആദ്യം നടപ്പാക്കുന്നത്. സ്‌കൂളുകളിലെത്തി പരിശോധന നടത്തി ചികിത്സ ലഭ്യമാക്കുന്നതാണ് പദ്ധതി.
കാഴ്ച 2020 എന്ന മൊബൈല്‍ ആപ്ലിക്കേഷന്‍നും ഇതുമായി ബന്ധപ്പെട്ട് നേരത്തെ പുറത്തിറക്കിയിരുന്നു. ഇതിലൂടെ പദ്ധതിയില്‍ പേര് രജിസ്റ്റര്‍ ചെയ്യാം. നേത്രദാനവും ഈ അപ്ലിക്കേഷന്‍ വഴി നടത്താം. ആദിവാസി ഊരുകളിലേക്കും കാഴ്ച്ചാ പരിശോധനയ്ക്കാ ഡോക്ടര്‍മാരുടെ സംഘനം പോകുന്നുണ്ട്.
ലക്ഷദ്വീപ് ഉള്‍പ്പെടെ പ്രദേശങ്ങളില്‍ പദ്ധതിയുടെ വിദൂര കേന്ദ്രങ്ങള്‍ തുടങ്ങുമെന്ന് പദ്ധതി നടപ്പാക്കുന്ന ഡോ. ടോണി ഫെര്‍ണാണ്ടസ് അറിയിച്ചു. 2020 ഓടെ കേരളത്തെ തിമിര വിമുക്തമാക്കുക എന്ന ലക്ഷ്യത്തോടെ കഴിഞ്ഞ വര്‍ഷമാണ് മമ്മൂട്ടി പദ്ധതി പ്രഖ്യാപിച്ചത്. അബുദാബിയിലെ ഷേര്‍വുഡ് ഇന്റര്‍നാഷണലിന്റെ സഹകരണത്തോടെ നടപ്പാക്കുന്ന പദ്ധതിയില്‍ മമ്മൂട്ടി ഫാന്‍സ് ആന്‍ഡ് വെല്‍ഫെയര്‍ അസോസിയേഷന്‍ ഇന്റര്‍നാഷണലും സഹകരിക്കുന്നുണ്ട്.
കാഴ്ചയുടെയും സൗജന്യ സ്‌കൂള്‍ സ്‌ക്രീനിങ് പദ്ധതിയുടെയും സേവനം ആവശ്യമുള്ളവര്‍ക്ക് വിളിക്കാം ഫോണ്‍: 0484 2346445, 2346446.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha