ഒരുപാട് നാളുകൾക്ക് ശേഷം അമ്മയറിയാതെ ടീം കഥ എന്താണെന്നു മനസിലാക്കി തിരിച്ചു വന്നിട്ടുണ്ട്. ഇന്നലത്തെ എപ്പിസോഡ് മൊത്തത്തിൽ നോക്കുവാണെങ്കിൽ അപർണ വിനീതും ഒളിച്ചു കളിയും പങ്കുണ്ണിയുടെ മണ്ടത്തരങ്ങളും ചളി കോമഡിയുമൊക്കെ ഒഴിച്ച് വെച്ചാൽ ബാക്കിയെല്ലാം അടിപൊളിയായിട്ടുണ്ട്.

സച്ചിയേയും ഗിരിയെയും പറ്റിയുള്ള മൂർത്തിയുടെ സംഭാഷണം അതെന്തായാലൂം നല്ലതായെന്നെ പറയാൻ പറ്റൂ.. കാരണം ഉറങ്ങി കിടന്നിരുന്ന അമ്മയറിയാതെ ടീമിലെ എല്ലാ വില്ലന്മാരെയും ഉണർത്താൻ കഴിഞ്ഞു, അല്ലെങ്കിലൊന്നു ഓർത്തെടുക്കാൻ കഴിഞ്ഞു അതെന്തായാലും നന്നായി. അമ്പാടി ഇപ്പോഴും തന്റെ ലക്‌ഷ്യം കൈവിടാതെ തന്നെയാണ് മുന്നോട്ട് പോകുന്നത്.

അലീന ഇവിടെ അപർണയുടെയും, വിനീതിന്റേയും ഡൈവേഴ്‌സും അവരെ ഒരുമിപ്പിക്കാനുള്ള കാര്യങ്ങളുമൊക്കെ നോക്കിനടക്കുമ്പോൾ , നമ്മുടെ ലക്‌ഷ്യം അതൊന്നും അല്ലെന്ന് ഇടയ്ക്കൊക്കെ അമ്പാടി ഓർമ്മിക്കുന്നത് നല്ലതാണ്. ഇന്നലെ അത് മൂർത്തിയോടെങ്കിലും പറഞ്ഞല്ലോ.. ആ പൊലീസ് യൂണിഫോം അണിഞ്ഞാൽ തന്റെ അടുത്ത ലക്‌ഷ്യം ആ സച്ചിയേ നിയമത്തിന് മുന്നിൽ കൊണ്ട് വരുക എന്നത് തന്നെയാണെന്ന്.

പിന്നെ, നരസിംഹനും അനുപമയ്ക്കും തമ്മിലുള്ള പുതിയ പ്ലാൻ നടക്കാനൊന്നും പോകുന്നില്ല. അമ്പാടിയ്ക്ക് ലീവ് കൊടുത്തത്തിന് പിന്നാലെ അനുപമയെയും പറഞ്ഞയിച്ചിട്ടുണ്ട്. നിന്റെ പദ്ധതി നടത്തിയിട്ടു വരാനാണ് പറയുന്നത്, പക്ഷെ.. അനുപമയുടെ തിരിച്ചു വരവ് നരസിംഹനൾ പണിയാകാതിരുന്നാൽ ഭാഗ്യം.

അതുപോലെ കാണാൻ ആഗ്രഹിക്കുന്നതാണ്, അമ്മാവനെ സഹായിക്കാനല്ല അമ്പാടി യൂണിഫോം ഇടുന്നത്.. അമ്മാവനെ നിയമത്തിന് മുന്നിൽ കൊണ്ടുവരുവാനാണെന്ന് അറിയുമ്പോഴുള്ള ആ മുഖമാണ് കാണേണ്ടത്, ഒന്നും മിണ്ടാനാകാതെ.. താനിതുവരെ കാണിച്ചതൊക്കെ വെറുതെ ആയെന്നറിയുമ്പോൾ എന്തായിരിക്കും മുഖഭാവം.. ആകെ ചമ്മി നാറിയുള്ള നിൽപ്പായിരിക്കും.

പിന്നെ, ഇന്നത്തെ എപ്പിസോഡിൽ എന്നത്തേയും പോലെ, വിപർണ പുരാണം കുത്തി നിറച്ചിട്ടുണ്ട്. പങ്കുണ്ണി വിനീതിന്റെ വീട്ടിനു ചുറ്റും നടത്തവും, പിന്നെ താൻ എന്തോ കണ്ടു പിടിച്ചു എന്ന രീതിയിലെ സംസാരവുമൊക്കെയാണ്... ഇനി പങ്കുണ്ണി അപർണയെ കണ്ടു പിടിക്കുമോ ഇല്ലയോ.. എന്നൊക്കെ നമുക്ക് കാത്തിരുന്ന കാണാം.