മലയാള സിനിമ പ്രേമികളുടെ എക്കാലത്തെയും പ്രിയപ്പെട്ടതാരമാണ് ഭാവന. മലയാളത്തിൽ നിന്നും സിനിമാ കരിയർ ആരംഭിച്ച് പിന്നാലെ അന്യഭാഷാ ചിത്രങ്ങളിൽ താരത്തിന്റെ വളർച്ച വളരെ വേഗത്തിലായിരുന്നു നടന്നത്. 2018ൽ ആയിരുന്നു നിര്‍മ്മാതാവും ബിസ്സിനസ്സുകാരനുമായ നവീനുമയുള്ള താരത്തിന്റെ വിവാഹം നടന്നത്. ഇന്ന് അഞ്ചാം വിവാഹ വാർഷം ആഘോഷിക്കുകയാണ് ഇരുവരും. ഈ അവസരത്തിൽ ഭാവനക്ക് ആശംസയുമായി എത്തിയിരിക്കുകയാണ് മന്ത്രി വി ശിവൻകുട്ടി.

‘ഇരുവർക്കും വിവാഹ വാർഷികാശംസകൾ... ‘ എന്നാണ് മന്ത്രി തനറെ ഫേസ്ബുക്കിൽ കുറിച്ചത്. പിന്നാലെ നിരവധി പേർ ആശംസയുമായി എത്തിയിരിക്കുകയാണ്. ഇരുവരുടെയും വിവാഹ ഫോട്ടോ പങ്കുവച്ചായിരുന്നു മന്ത്രിയുടെ ആശംസ നേർന്നത്. നിങ്ങളുടെ ജീവിതകാലം മുഴുവൻ ഒരു പ്രത്യേക ആളെ ശല്യം ചെയ്യാൻ വിവാഹം നിങ്ങളെ അനുവദിക്കുന്നുവെന്ന കുറിപ്പോടെയാണ് ഭാവന നവീന് ആശംസ അറിയിച്ചത്.

അതേസമയം നീണ്ട അഞ്ചുവർഷത്തെ പ്രണയത്തിനൊടുവിലായിരുന്നു ഭാവനയുടെയും നവീന്റെയും വിവാഹം നടന്നത്. 2012ല്‍ ‘റോമിയോ’ എന്ന ചിത്രത്തിന്റെ ഷൂട്ടിംഗിനിടെയാണ് ഭാവനയും നവീനും പരിചയത്തിലാവുന്നത്. ഭാവനയുടെ നിരവധി സുഹൃത്തുക്കൾ സമൂഹമാധ്യമങ്ങളിലൂടെ ഇരുവർക്കും വിവാഹാ വാർഷികാശംസകൾ നേർന്നുകൊണ്ട് രംഗത്ത് എത്തുകയുണ്ടായി.