സിനിമയെന്ന സ്വപ്‌നം സാക്ഷാത്ക്കരിക്കാനുള്ള ശ്രമങ്ങളിലാണ് സൂരജ് സണ്‍. വിനീത് ശ്രീനിവാസന്‍ ചിത്രമായ ഹൃദയത്തില്‍ കുറച്ച് സമയം താനും പ്രത്യക്ഷപ്പെടുന്നുണ്ടെന്ന് സൂരജ് പറഞ്ഞിരുന്നു. ഇപ്പോഴിതാ സിനിമ തിയേറ്ററുകളിലേക്കെത്തിയ സന്തോഷത്തിലാണ് സൂരജ്.

2020 സെപ്റ്റംബർ 7 മെരിലാൻഡ് പ്രൊഡക്ഷൻ പാടാത്ത പൈങ്കിളി എന്ന ഏഷ്യാനെറ്റ് മിനിസ്ക്രീൻ സീരിയലിലൂടെ ജനമനസ്സുകളിലേക്ക് എന്നെ കൊണ്ടുവന്ന മെരിലാൻഡ് പ്രൊഡ്യൂസർ മുരുകൻ സാർ ( ഡയറക്ടർ)സുധീഷ് ശങ്കർ സാർ വർഷങ്ങളായുള്ള സിനിമ എന്ന സ്വപ്നത്തിന്റെ സാഫല്യവും എനിക്ക് നേടിത്തന്നത് ആവേശത്തോടെയും അഭിമാനത്തോടെയും എനിക്ക് പറയാവുന്ന മെരിലാൻഡ് പ്രൊഡക്ഷനാണ്.

ഇത്ര വർഷമായിട്ടും ബിഗ് സ്‌ക്രീനിൽ ഒന്ന് മുഖം കാണണമെന്ന് ആഗ്രഹം മെരിലാൻഡ് സിനിമാസ് പ്രൊഡ്യൂസർ വിശാഖ് സുബ്രഹ്മണ്യം സാറിന്റെ വിനീത് ശ്രീനിവാസൻ സാർ സംവിധാനം ചെയ്ത "ഹൃദയം" എന്ന സിനിമയിൽ 21 സെക്കൻഡ് സീനിലൂടെയാണ്. എനിക്ക് നേടി തന്ന എല്ലാവരോടും ഞാൻ എന്റെ മരണംവരെ കടപ്പെട്ടിരിക്കും. എന്റെ തുടക്കം വളരെ നല്ലതാണെന്ന് എനിക്ക് തന്നെ ഉറപ്പുണ്ട്. ഈ ഉറപ്പും ആത്മവിശ്വാസവും മാത്രം മതി ഇനി മുന്നോട്ടുള്ള അഭിനയജീവിതത്തിലെക്കുള്ള വഴിക്ക് ധൈര്യം കിട്ടാൻ എന്നായിരുന്നു സൂരജ് ഫേസ്ബുക്കിൽ കുറിച്ചത്.

ഹൃദയത്തിലൂടെയായി താന്‍ ബിഗ് സ്‌ക്രീനില്‍ അരങ്ങേറുകയാണെന്ന് സൂരജ് നേരത്തെ പറഞ്ഞിരുന്നു. വിനീത് ശ്രീനിവാസനൊപ്പമുള്ള തുടക്കം മികച്ചതാവുമെന്നാണ് വിശ്വാസം. അദ്ദേഹത്തിനൊപ്പമായും അദ്ദേഹത്തിലൂടെയായും തുടക്കം കുറിച്ചവരെല്ലാം ഇന്ന് നല്ല നിലയിലാണ്. എന്റെ നാട്ടുകാരന്‍ കൂടിയാണ് അദ്ദേഹം എന്നുമായിരുന്നു സൂരജ് മുന്‍പ് പറഞ്ഞത്.

മെരിലാൻഡ് എന്ന വലിയ ടീമിൽ ചെറിയൊരു ഇടവേളക്ക് ശേഷം ആദ്യം സീരിയലിലൂടെയും അതിനു ശേഷം അതെ ടീമിനോപ്പം വിനീത് ശ്രീനിവാസൻ ഫിലിമിൽ ബിഗ്സ്‌ക്രീനിലേക്കും കടന്നു ചെല്ലാൻ അവസരം കിട്ടുകയും ഈ പാവം ഇനിയുള്ള അഭിനയ ജീവിതത്തിനു മുന്നേറാനൊരു ആത്മവിശ്വാസം നൽകും എന്നതും നിസംശയം പറയാം.. ബിഗ്സ്‌ക്രീനിൽ സൂരജ് ഏട്ടനെ കാണുക എന്നത് സൂരജ് ഏട്ടനും അദ്ദേഹത്തെ സ്നേഹിക്കുന്ന എല്ലാവരുടെയും വലിയൊരു ആഗ്രഹമായിരുന്നു ആ വലിയൊരു ആഗ്രഹം പൂവണിഞ്ഞു ഇനിയും ഒരുപാടാവസരങ്ങൾ ലഭിക്കും അതിനു ഒരു നിമിത്തമായി വിനീത് ഏട്ടനും അതിൽ വർക്ക് ചെയ്ത ഓരോ വ്യക്തിയും സപ്പോർട്ട് ചെയ്യാൻ ഉണ്ടാവും എന്ന് തന്നെയാണ് വിശ്വസിക്കുന്നതെന്നുമായിരുന്നു ഒരാൾ സൂരജിന്റെ പോസ്റ്റിന് താഴെ കുറിച്ചത്.