കുടുംബ ബന്ധങ്ങളുടെ ആഴം പറഞ്ഞ് മലയാളിയുടെ ഹൃദയത്തിലേറിയ പരമ്പര ത്രില്ലർ സ്വഭാവത്തിലൂടെയാണ് ഇപ്പോൾ മുന്നോട്ട് പോകുന്നത്. നാല് ഹോദരന്മാരുടേയും അവരുടെ കൂട്ടുകുടുംബത്തിന്റേയും കഥ പറയുന്ന പരമ്പര ഇത്രനാൾ മുന്നോട്ട് പോയിരുന്നത് ശിവാഞ്ജലിയുടെ പ്രണയത്തിലൂടേയും വീട്ടിലെ ചെറിയ പ്രശ്നങ്ങളിലൂടേയുമാണെങ്കിൽ പെട്ടന്നായിരുന്നു പരമ്പരയുടെ കഥാഗതി തന്നെ മാറിയത്. അഞ്ജലിയുടെ വീട്ടിലെത്തിയ ശിവൻ അപ്രതീക്ഷിതമായി വന്ന പ്രശ്‌നത്തിൽ ഇടപെടുകയും പൊലീസ് സ്‌റ്റേഷനിലാവുകയുമായിരുന്നു.

ശിവനെയും കുടുംബത്തെയും താൻ സ്നേഹിക്കുന്നു എന്ന രീതിയിൽ പ്രത്യക്ഷത്തിൽ പ്രവൃത്തിക്കുന്നുണ്ടെങ്കിലും പരോക്ഷത്തിൽ ശിവനോടും കുടുംബത്തോടും ക്രൂരമായി പെരുമാറുകയാണ് തമ്പി. ശിവനെ സ്റ്റേഷനിൽ ഉപേക്ഷിച്ച് വരേണ്ടി വന്ന സങ്കടത്തിലാണ് അഞ്ചു. അഞ്ജുവിന്റെ സങ്കടം ശിവൻ മനസ്സിലാക്കിയില്ല എന്ന രീതിയിൽ തകർത്ത് സംസാരിക്കുകയാണ്, ജയന്തിയും സാവിത്രി അമ്മയും.

പക്ഷെ, നമ്മൾ ആരും പ്രതീക്ഷിക്കാത്ത സീനാണ് ഇന്ന് പ്രൊമോയിലുള്ളത്. ആരൊക്ക എതിർത്തിട്ടും തന്റെ പ്രിയതമനെ കാണാൻ ഓടി വരുന്ന അഞ്ചു. ശിവനെ കണ്ട മാത്രയിൽ തന്നെ ഓടി വന്ന് കെട്ടിപ്പിടിച്ച് കരയുന്ന അഞ്ജലിയാണ് പുതിയ പ്രമോയിലുള്ളത്.

എന്തായാലും തമ്പി കാരണം, ആരാധകർക്ക് നല്ലൊരു സീൻ കാണാൻ കഴിഞ്ഞു. എല്ലാവരും ഒരുപാട് തവണ കാണാൻ ആഗ്രഹിച്ചതാണ് ശിവനും അഞ്ജുവും ഒന്ന് ഹഗ് ചെയ്യുന്നത് കാണാൻ. പല തവണ നടക്കുമെന്ന് വിചാരിച്ചിട്ടുണ്ടെങ്കിലും അതെല്ലാം പഴകുകയായിരുന്നു. എന്നാൽ ഇന്ന് അത്, സംഭവിച്ചു. എല്ലാത്തിനും കാരണം ഈ ഒരു പൊലിസ് കേസല്ലേ... അതിനൊരു നന്ദി പറയേണ്ടത് തമ്പി സാറിന് തന്നെയാണ്.

ശിവനെ കൂളായി പൊലീസ് സ്റ്റേഷനിൽ വന്ന് ഇറക്കികൊണ്ട് വരുന്ന തമ്പിയെ കണ്ട് ഹരിക്ക് ‌നേരിയ സംശയം തോന്നി തുടങ്ങിയിട്ടുണ്ട്. ഹരി ആ സംശയത്തെ കുറിച്ച് ഭാര്യ അപർണയോട് പറയുന്നതും പുതിയ പ്രമോയിൽ കാണാം. ഹരി സംഭവം അന്വേഷിച്ച് തമ്പിയുടെ യഥാർഥ മുഖം പുറത്ത് കൊണ്ടുവരുന്നത് കാണാൻ കാത്തിരിക്കുകയാണെന്നും ശിവാഞ്ജലി ആരാധകർ കമന്റായി കുറിച്ചിട്ടുണ്ട്.

എന്തായാലൂം, ഹരിയുടെ സ്മശ്യം വെറുതെ അല്ലെന്ന് നമുക്കല്ലേ... അറിയൂ. ഉടനെ തന്നെ ആ സംശയങ്ങളുടെ യാഥാര്ധ്യം സാന്ത്വനം കുടുംബത്തിലുള്ള എല്ലാവരും അറിയണം. എങ്കിലേ.. തമ്പിയുടെ ക്രൂരതയ്ക്ക് ഇപ്പോഴും മാറ്റമൊന്നും ഇല്ലെന്ന് എല്ലാവരും മനസ്സിലാക്കൂ.