കുടുംബവിളക്ക് ത്രില്ലടിപ്പിക്കുന്ന നിമിഷങ്ങളിലേക്ക് കടന്നു പോകുകയാണ്. വേദികയുടെ എല്ലാ കള്ളത്തരങ്ങളും പൊളിയുമെന്നാകുമ്പോൾ കുടുംബവിളക്ക് കാണാനും ഒരു രസമാണ്. സത്യം പറഞ്ഞാൽ വേദികയുടെ അഭിനയത്തിലൂടെയാണ് നമുക്ക് അത് ലഭിക്കുന്നത്. ആ കാര്യം പ്രേക്ഷകരെല്ലാരും കമെന്റിലൂടെ അറിയിക്കാറുണ്ട്.

ഇത്തവണയും വേദികയെ കൈയ്യോടെ തൂക്കും എന്നുമുള്ള കാര്യം ഉറപ്പാണ്. പക്ഷെ, എങ്ങനെയാണ് എന്നുള്ള കാര്യമാണ് ഇപ്പോഴും സംശയം. എന്തായാലാലും എല്ലാത്തിനും പിന്നിൽ വേദികയാണെന്ന് കണ്ടെത്താനുള്ള എല്ലാ ശ്രമവും ഇന്നലത്തെ എപ്പിസോഡ് മുതൽ തുടങ്ങിയിട്ടുണ്ട്.

അതിന് വേണ്ടിയിട്ടാണല്ലോ.. സുമിത്രയും രോഹിതും ശ്രീയും കൂടി വേദികളുടെ അമ്മയെ കാണാൻ പോയത്. അമ്മയുടെ വാക്കുകളിൽ നിന്നും ഒരു കാര്യം ഉറപ്പായിട്ടുണ്ട്. വേദികയ്ക്ക് ഓഹരി ഒന്നും വീട്ടിൽ നിന്നും കിട്ടാനില്ല. അപ്പോൾ, എന്തായാലും ഉറപ്പിക്കാമായിരുന്നു ഇതിന് പിന്നിൽ വേദിക ആണെന്ന്. പക്ഷെ, പെട്ടെന്ന് അങ്ങനെ വേദികയെ പിടികൂടുന്നത് സീരിയലിന് നല്ലതല്ലലോ... അതുകൊണ്ട് തന്നെയാണ്, ഇന്നത്തെ എപ്പിസോഡിൽ സംശയങ്ങളുടെ കലവറ തുറക്കുന്നത്.

രോഹിതും, സുമിത്രയും ആധാരം കാണാതായതിന് പിന്നിൽ മറ്റു പലവഴികളിലൂടെയും സംശയിക്കുമ്പോൾ, വേദികയിൽ തന്നെ ഉറച്ചു നിൽക്കുകയാണ് ശ്രീ. അത്, പിന്നെ ശ്രീയുടെ സംശയങ്ങളൊക്കെയും ഇപ്പോഴും യാഥാർഥ്യമാക്കുന്ന മട്ടിലാണല്ലോ.. പരമ്പരയുടെ പോക്ക്. അത് നല്ലത് തന്നെയാണ്.

അതേസമയം, വേദിക തന്നെ പിടിക്കില്ല എന്ന് ഉറച്ചു വിശ്വസിക്കുക തന്നെയാണ്. പക്ഷെ, മുത്തശ്ശിക്ക് നല്ല സംശയമുണ്ട് പിടിമുറുകുമോ എന്ന്. പൈസയും ആധാരവും കിട്ടില്ലെന്ന് സരസുവിന് വേദികയുടെ സാം,സരത്തിൽ നിന്നും മനസ്സിലായിട്ടുണ്ട്. പിന്നെ, പ്രിയപ്പെട്ട മരുമോളെ ഉറച്ച വിശ്വാസമായതുകൊണ്ട്.. വേദിക ആധാരം മോഷണം പോയതിന് പിന്നിൽ പ്രതിയായി സുമിത്രയെ തന്നെ കൊണ്ട് വരുമെന്ന് ഉറച്ച വിശ്വാസത്തിലാണ് വീട്ടിലേക്ക് പോയിരിക്കുന്നത്. എന്തായാലും മുത്തശ്ശിയുടെ വിശ്വാസം മുത്തശ്ശിയെ രക്ഷിക്കട്ടെ...

എന്നാൽ, ശ്രീയുടെ സംശയം വെറുതെയാകില്ല... രോഹിതിന്റെ അടുക്കൽ ശ്രീനിലയത്തിന്റെ വില്പന കാര്യം പറയാൻ വന്ന ഏജന്റിനെ കൈയ്യോടെ പൊക്കിയാൽ, രഹസ്യങ്ങളെല്ലാം അറിയാൻ കഴിയും. ഏജന്റ് വഴി മഹേന്ദ്രന്റെ അടുക്കൽ കൂടി എത്തിയാൽ എല്ലാത്തിനും പിന്നിൽ വേദിക ആണെന്നും പെട്ടെന്ന് തന്നെ അറിയാൻ സാധിക്കും. അങ്ങനെയൊക്കെ തന്നെ നടന്നാൽ സീരിയലിനും നല്ലതാണ്. പിന്നെ.. സി ഐ വന്നതല്ലേ... അപ്പോൾ, എല്ലാ കഥകളും ഉടനെ തന്നെ പുറത്ത് കൊണ്ട് വരുമെന്ന് തന്നെ നമുക്ക് ഉറച്ച് വിശ്വസിക്കാം.