മലയാളി പ്രേക്ഷകരെ ആകാംക്ഷയുടെ മുൾമുനയിൽ നിർത്തുന്ന പരമ്പരയാണ് കുടുംബവിളക്ക്. സുമിത്ര എന്ന വീട്ടമ്മയുടെ ജീവിതത്തിലെ ഉയർച്ച താഴ്ച്ചകളും മുന്നോട്ടുള്ള ജീവിതത്തിൽ സുമിത്ര നേരിടുന്ന പ്രശ്‌നങ്ങളും വെല്ലുവിളകളുമെല്ലാം യാഥാർത്ഥ്യമെന്നോണം അവതരിപ്പിക്കുന്നു എന്നതാണ് കുടുംബവിളക്കിനെ വ്യത്യസ്തമാക്കുന്നത്. സുമിത്രയുടെ മുൻഭർത്താവായ സിദ്ധാർത്ഥും സിദ്ധാർത്ഥിന്റെ ഇപ്പോഴത്തെ ഭാര്യയായ വേദികയുമാണ് സുമിത്രയുടെ എല്ലാവിധ പ്രശ്നങ്ങൾക്കും കാരണം. ആധുനിക കാലത്തെ ശിഥിലമാകുന്ന കുടുംബ ബന്ധങ്ങളുടെ കഥ പറഞ്ഞുകൊണ്ടാണ് പരമ്പര ആരംഭിച്ചത്.

എന്നാലിപ്പോൾ, ശിഥിലമാക്കപ്പെടുന്ന കുടുംബ ബന്ധങ്ങളെ ഒരു സ്ത്രീയ്ക്ക് ഒറ്റയാൾ പോരാട്ടത്തിലൂടെ എങ്ങനെ പടുത്തുയർത്താം എന്നാണ് സീരിയൽ കാണിച്ചു തരുന്നത്. സുമിത്രയെ തകർക്കാൻ പുതിയ പ്ലാനുമായാണ് വേദിക എത്തിയത്. എൽ പ്രാവശ്യത്തെയും പോലെ സംഭവത്തിന്റെ സൂത്രധാരി വേദിക ആണെങ്കിലും, സഹായിക്കാൻ അമ്മായിയമ്മയും, പിന്നെ എന്തിനും കൂട്ട നിൽക്കുന്ന നവീനുമുണ്ട്. ഇതിന്റെയൊക്കെയും അവസാനത്തിൽ വേദിക പിടിക്കപെടുമെന്നും അറിയാം.

ഇന്നത്തെ എപ്പിസോഡിൽ സരസ്വതിയമ്മയും വേദികയും കൂടിചേർന്നാണ് ആധാരം മോഷ്ടിച്ചതെന്നുള്ള ചെറിയൊരു സംശയം സുമിത്രയ്ക്കും വന്നിട്ടുണ്ട്. അതുകൊണ്ട്, തന്നെ ഇതിന്റെ പേരിൽ സരസുവിന് സുമിത്ര ഒരു മുന്നറിയിപ്പ് നൽകിയിട്ടുണ്ട്. അതിൽ സരസുവിന്റെ സംസാരവും നോട്ടവും കാണുമ്പോൾ തന്നെ ഏകദേശകാര്യങ്ങൾ പിടികിട്ടും. പക്ഷെ, അവിടെയൊന്നും സരസ്വതിയമ്മ പിടികൊടുക്കുമെന്ന് തോന്നുന്നില്ല.

പിടികൊടുക്കരുത്, എന്നാണല്ലോ വേദികയുടെ ഉപദേശം.അതിൽ തന്നെ പിടിക്കപ്പെടും വരെ ,മുത്തശ്ശി ഉറച്ചു നിൽക്കും. പക്ഷെ, അവസാനം പിടിക്കപ്പെടുമ്പോൾ, എങ്ങനെയാകും പ്രതികരിക്കുന്നത് എന്നത് മതം ഇപ്പോഴും അറിയില്ല.

വേദികയാണ് ഇതിന് പിന്നിലെന്ന് ഇപ്പോഴും ഉറച്ചു വിശ്വസിക്കുന്ന ഒരാൾ ശ്രീ, മാത്രമാണ്.. ശ്രീയുടെ സംശയം ഇന്ന് സിദ്ധുവിനെയും അറിയിക്കുന്നുണ്ട്. പിന്നെ, സിദ്ധു ഇപ്പോൾ നന്മ മരം ആയതുകൊണ്ട്, എങ്ങനെയെങ്കിലും സത്യം പുറത്ത് കൊണ്ട് വരുവാൻ ശ്രമിക്കും. അതിന് വേണ്ടി ശ്രീനിലയത്തിൽ വന്ന് കുറെ ദേഷ്യപ്പെടുന്നൊക്കെയുണ്ട്.

ഏതായാലും, അടുത്ത ആഴ്ചയിൽ തന്നെ നമുക്ക് വേദികയുടെ കള്ളത്തരങ്ങൾ പുറത്ത് വരുന്നതും ജയിലിൽ പോകുന്നതുമൊക്കെ കാണാം. അപ്പോഴും ഒരു കാര്യത്തിൽ സംശയമാണ്.. ഇതോടുകൂടി വേദികയും സരസവുമൊക്കെ നന്നാകുമോ എന്ന കാര്യം.

പിന്നെ, നന്മമരം ആയ സുമിത്ര സരസ്വതി അമ്മയെ രക്ഷിക്കാൻ വേണ്ടി ഈ കേസ് പിൻവലിക്കും. അതോടെ വേദികയും രക്ഷപ്പെടും. വീണ്ടും വേദിക പഴയ പരിപാടി വീണ്ടും തുടങ്ങും. ഇതാണ് മുന്നോട്ടുള്ള കഥയെങ്കിൽ സീരിയൽ റേറ്റിംഗ് വളരെ താഴേക്ക് പോകും. മറിച്ച് വേദിക ഇതോടുകൂടി ഒരു അവസാനം ഉണ്ടെങ്കിൽ നല്ലത്. കഥ അതിനുശേഷം വേറെ രീതിയിലേക്ക് പോയിരുന്നനെകിൽ കുറച്ചും കൂടെ നല്ലതാകും.