അച്ഛൻ മക്കൾ സ്നേഹത്തിൽ നിന്നും സംശയരോഗം എങ്ങനെയുണ്ടാകാം എന്ന രീതിയിൽ മാറിയിരിക്കുകയാണ് മൗനരാഗം. ഇതുവരെയും വലിച്ചു നീട്ടലുകൾ സീരിയലിൽ ഉണ്ടായിരുന്നെങ്കിലും അത്, അച്ഛനും മക്കളും തമ്മിലുള്ള ബന്ധമോ... കല്യാണിയുടെ കല്യാണമോ, അങ്ങനെ എന്തെങ്കിലുമൊക്കെ ആയിരിക്കും സംഭവിക്കുന്നത്. പക്ഷെ, ഇപ്പോൾ അതൊന്നുമല്ല സംഭവിക്കുന്നത്.

പ്രകാശന്റെ സംശയരോഗത്തിനാണ് മുൻ‌തൂക്കം കൊടുക്കാൻ പോകുന്നത്. എന്തായാലും അതിനെ നല്ലതുപോലെ പ്രേക്ഷകരുടെ മുൻപിൽ അവതരിപ്പിച്ചാൽ മതിയായിരുന്നു. ഇതുവരെയും സീരിയലിൽ അമ്മായിയമ്മ മരുമോൾ പോരും, ത്രികോണ പ്രണയവും, പണത്തിനു വേണ്ടിയുള്ള ആർത്തിയുമൊക്കെ ആയിരുന്നെങ്കിൽ അതിൽ നിന്നൊക്കെ വഴി തെളിച്ച് മറ്റൊരു ദിശയിലേക്ക് സീരിയലിനെ എത്തിച്ചിരിക്കുകയാണ്.

പുതിയ വഴികളിലൂടെ സഞ്ചരിക്കുമ്പോൾ ഇനി കല്യാണിയും കിരണും തമ്മിലുള്ള സ്നേഹവും വിവാഹവുമൊക്കെ നടന്നാൽ മതിയായിരുന്നു. ഇന്നലത്തെ എപ്പിസോഡ് മുതൽ രതീഷിനെയും കൂടി കളത്തിൽ ഇറക്കിയിരിക്കുകയാണ്. രാഹുലിന്റെ വാക്കും കേട്ട് സി എസിനോട് സോണി റെയ്‌ൻ കമ്പനിയിൽ ജോലി തേടി പോയിട്ടുണ്ട്. ഇതിന്റെ പിന്നിൽ ആരാണെന്ന് സി എസിന് മനസ്സിലായെങ്കിലും, ജോലിയൊക്കെ നൽകാമെന്ന് ഉറപ്പുകൊടുത്തിട്ടുണ്ട്.

പക്ഷെ, അവിടെയും ഒരു പണി കിട്ടിയിരിക്കുകയാണ്‌.. കല്യാണിയുടെ സമ്മതം ഉണെങ്കിൽ മാത്രമേ.. ജോലി കിട്ടുകയുള്ളൂ... കല്യാണി അതിന് സംമ്മതിക്കുമോ ഇല്ലയോ എന്ന കാര്യമാണ് അറിയേണ്ടത്. സാധാരണ സ്വഭാവം അനുസരിച്ച്, നന്മ മരമാണല്ലോ സീരിയലിലെ നായികമാർ.. കല്യാണിയും അത് തന്നെയാണ് പിന്തുടരാൻ സാധ്യത.

പക്ഷെ, ജോലിയൊക്കെ കിട്ടിയാലും രാഹുൽ കണ്ടെത്താൻ പറഞ്ഞ ആ രഹസ്യം രതീഷിന് കടത്താൻ കഴിയുമെന്ന് തോന്നുന്നില്ല. ഇനി അബദ്ധത്തിൽ എല്ലാത്തിനും പിന്നിൽ കിരണിന്റെ അച്ഛനാണെന്ന് അറിയാൻ സാധ്യതയുള്ളു...

രഹസ്യം ചോർത്തലും, തുടർന്നുള്ള സംഭവ വികാസങ്ങളും തകൃതിയായി നടക്കുമ്പോൾ മറുസൈഡിൽ സത്യങ്ങളെല്ലാം അറിഞ്ഞതിന്റെ ഞെട്ടലിൽ നിൽക്കുകയാണ് ബൈജു. പക്ഷെ, അവിടെയും ഇമോഷണൽ ആയിട്ട് കൊണ്ട് പോയിരിക്കുകയാണ്. കിരൺ, താൻ ഇത്രയും നാൾ തേടി നടന്ന അച്ഛനാണ് സി എസ എന്നും തുടർന്നുള്ള കാര്യങ്ങളും പറയുമ്പോൾ... ഒന്നും മിണ്ടാനാകാതെയാണ് ബൈജു നിൽക്കുന്നത്.

തുടർന്ന് സി എസും ബൈജുവും തമ്മിലുള്ള സ്നേഹ സംഭാഷണവും അച്ഛാ.. എന്ന് നീയും വിളിച്ചോ, എന്നൊക്കെ പറയുമ്പോൾ.. ബൈജു കരയുകയാണ്. ആ സീൻ കിടിലമായിരുന്നു... പിന്നെ ഒരു കാര്യം പറയാതിയിരിക്കാൻ വയ്യ, കോമഡിയായാലും ഇമോഷണലായാലും ബൈജു നന്നായിട്ടു തന്നെ ചെയ്തിട്ടുണ്ട്.

പിന്നെ, ഇന്നത്തെ എപ്പിസോഡിൽ പ്രകാശനും രതീഷിനുമൊക്കെ ചെറിയ പണികളൊക്കെ കിട്ടുന്നുണ്ട്. അത് എന്തൊക്കെയാണ്, നിങ്ങൾ കാത്തിരുന്ന് കാണുന്നതാണ് നല്ലത്.