മലയാളത്തില്‍ മാത്രമല്ല തെന്നിന്ത്യയിലും പ്രിയ നടിയാണ് പ്രിയാ മണി. പുതുമ ഇഷ്ടപ്പെടുന്ന നായികമാരില്‍ ഒരാളാണ് പ്രിയാമണി. എവിടെയും എന്തും തന്റെടത്തോടെ പറയുന്ന താരം. പ്രിയാമണി സ്മാര്‍ട്ടാണെന്ന് ആര്‍ക്കാണ് അറിയാത്തത്. കേരളത്തിലെ പെണ്‍കുട്ടികളെ കുറിച്ച് താരം പറയാന്‍ മറന്നില്ല. പ്രതികരണ ശേഷി കുറവുളള പെണ്‍കുട്ടികളാണ് ഇന്നുള്ളത്. എന്തും തുറന്ന് പറയാന്‍ തയ്യാറാവുകയാണ് പെണ്‍കുട്ടികള്‍ ചെയ്യേണ്ടത്. പെണ്‍കുട്ടികള്‍ക്ക് പ്രധാനമായി വേണ്ടത് ധൈര്യവും പ്രതികരണശേഷിയുമാണെന്ന് പ്രിയാമണി പറയുന്നു.
കുട്ടിക്കാലത്ത് ചേട്ടന്റെയും സംഘത്തിന്റെയും കൂടെ ക്രിക്കറ്റ് കളിക്കുകയും അടിപിടി ഉണ്ടാക്കുകെയും ചെയ്യുമായിരുന്നു. ഒരു പെണ്‍ക്കുട്ടിയാണെന്ന് വിചാരിച്ച് ഒരു കാര്യങ്ങളില്‍ മാറി നിന്നിട്ടില്ലെന്ന് പ്രിയാമണി പറയുന്നു. ഒരു സിനിമാ താരമെന്ന നിലയില്‍ തന്നെ കാണുമ്പോള്‍ എല്ലാവരും അടുത്ത് വന്ന് കാര്യങ്ങള്‍ അന്വേഷിക്കാറുണ്ട്. പ്രേഷകരുടെ സ്‌നേഹം കാണുമ്പോള്‍ സിനിമ നടി എന്ന നിലയില്‍ തനിയ്ക്ക് നല്ല സന്തോഷം തോന്നുന്നുണ്ടെന്നും പ്രിയാമണി പറഞ്ഞു. കുട്ടിക്കാലം മുതലേ സാഹസികങ്ങള്‍ ചെയ്യാന്‍ തനിയ്ക്ക് ഏറെ താത്പര്യമുണ്ടായിരുന്നു. പക്ഷേ ആ സമയത്ത് തനിയ്ക്ക് അവസരങ്ങള്‍ കുറവായിരുന്നു. പ്രിയാമണി പറയുന്നു. പ്രമുഖ മാധ്യമത്തിന് നല്‍കിയ അഭിമുഖത്തിലാണ് താരം ഇക്കര്യം പറയുന്നത്.ഓസ്‌ട്രെലിയയില്‍ വച്ച് താന്‍ സ്‌കൈഡൈവിങ് ചെയ്തു നോക്കി. വല്ലാത്ത അദ്ഭുതം തോന്നിയ കാര്യമായിരുന്നു അത്. ഇപ്പോഴും ഓര്‍ക്കുമ്പോള്‍ ആവേശം തോന്നും. ഇങ്ങനെയുള്ള കാര്യങ്ങള്‍ ചെയ്യാന്‍ എനിയ്ക്ക് വേണ്ടുവോളം ധൈര്യമുണ്ടന്ന് പ്രിയമണി പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha