നമ്പർവൺ സീരിയലുകളെല്ലാം അടിച്ചുമാറ്റിയതോ?? ഈ സീരിയലുകളുടെ ഒറിജനൽ കഥ ഇത്!! സാന്ത്വനത്തിന്റെയും കുടുംബവിളക്കിന്റെയും എല്ലാം ഒറിജിനല് കഥ എവിടെ നിന്നാണ് എന്ന് അറിയണ്ടേ...?
സിനിമകള് റീമേക്ക് ചെയ്യുന്നത് ഇപ്പോള് ഒരു ട്രെന്റ് ആണ്. മലയാളത്തില് സൂപ്പര്ഹിറ്റ് ആയ പല സിനിമകളും ഇപ്പോള് മറ്റ് ഭാഷകളിലേക്ക് റീമേക്ക് ചെയ്തുകൊണ്ടിരിയ്ക്കുകയാണ്. എന്നാല് സീരിയലുകളുടെ അവസ്ഥ അതല്ല. മറ്റ് ഭാഷകളിലുള്ള സീരിയലുകളാണ് ഇപ്പോള് മലയാളത്തില് ട്രെന്റിങ് ആയിക്കൊണ്ടിരിയ്ക്കുന്നത്. റേറ്റിങില് ഒന്നാം സ്ഥാനത്തുള്ള കുടുംബ വിളക്ക് അടക്കം പല സീരിയലുകളും തമിഴ്, ബംഗാളി സീരിയലുകളുടെ റീമേക്കുകയാണ്.അത് ഏതൊക്കെയാണെന്ന് നമുക്ക് നോക്കാം...
ചെറുപ്പക്കാര് പോലും സാന്ത്വനം സീരിയലിന് അഡിക്ടഡ് കാര്യം എല്ലാവർക്കും അറിയാമല്ലോ. സാന്ത്വനം ആരാധകരില് സീരിയല് വിരോധികള് പോലും ഉണ്ടത്രെ. പതിവ് സീരിയലുകളിലെ അവിഹിതവും ജാരസന്തതികളും ഇല്ലാത്തത് തന്നെയാണ് സാന്ത്വനത്തിന്റെ മേന്മ. പോരാത്തതിന് കുടുംബ സ്നേഹവും ശിവാഞ്ജലിമാരുടെ പ്രണയവും. എന്നാല് സാന്ത്വനം എന്ന സീരിയല് പാണ്ഡിയന് സ്റ്റോര് എന്ന തമിഴ് സീരിയലിന്റെ റീമേക്ക് ആണ്. ഹരിചന്ദനം എന്ന മലയാള സീരിയലിലൂടെ പ്രേക്ഷക മനം കീഴടക്കിയ സുജിത ധനുഷ് ആണ് ചിപ്പി അവതരിപ്പിയ്ക്കുന്ന ദേവി എന്ന കഥാപാത്രത്തെ അവിടെ ചെയ്യുന്നത്.
പ്രണയത്തിന് പ്രായം അതിര്വരമ്പ് അല്ല എന്ന സന്ദേശവുമായി എത്തിയ സീരിയല് ആണ് സീ കേരളത്തില് നീയും ഞാനും. തുള പഹ്തെ റെ എന്ന മറാത്തി സീരിയലിന്റെ റീമേക്ക് ആണ് ഈ സീരിയല്. മലയാളത്തില് മാത്രമല്ല, തെലുങ്ക്, കന്നട ഹിന്ദി ഭാഷകളിലും ഈ സീരിയല് റീമേക്ക് ചെയ്യുന്നുണ്ട്. മികച്ച പ്രേക്ഷക പ്രതികരണങ്ങളാണ് എല്ലാ ഭാഷകളിലും സീരിയലിന് ലഭിയ്ക്കുന്നത്.
റെബേക്ക സന്തോഷും നിഥിന് ജാക്കെയും കേന്ദ്ര കഥാപാത്രങ്ങളായി എത്തുന്ന കളിവീടിനും ഇപ്പോള് ആരാധകര് ഏറെയാണ്. തമിഴില് ഹിറ്റ് ആയ റോജ എന്ന സീരിയലിന്റെ ഒഫിഷ്യല് റീമേക്ക് ആണ് കളിവീട്. പ്രിയങ്ക നല്കരിയും സിബ്ബ സൂര്യയുമാണ് റോജ എന്ന സീരിയലില് പ്രധാന കഥാപാത്രങ്ങളായി എത്തുന്നത്.
സമീപ കാലത്ത് ഹിറ്റായ സീരിയല് ആണ് കാണാ കണ്മണി. പൗര്ണമി എന്ന തെലുങ്ക് സീരിയലിന്റെ റീമേക്ക് ആണ് കാണാ കണ്മണി. മലയാളത്തില് മാത്രമല്ല തമഇഴ്, ബംഗാളി, മറാത്തി ഭാഷകളിലും റീമേക്ക് ചെയ്തിട്ടുള്ള പൗര്ണമി തെലുങ്ക് സീരിയല് ഇന്റസ്ട്രിയില് റേറ്റിങില് ഒന്നാം സ്ഥാനത്താണ്.
മലയാളത്തില് റേറ്റിങില് ഒന്നാം സ്ഥാനത്ത് നില്ക്കുന്ന സീരിയല് ആണ് മീര വാസുദേവന് കേന്ദ്ര കഥാപാത്രമായി എത്തുന്ന കുടുംബ വിളക്ക്. ഒരു വീട്ടമ്മയുടെ അതിജീവനത്തിന്റെ കഥ പറയുന്ന കുടുംബ വിളക്ക് ശ്രീമോയീ എന്ന ബംഗാളി സീരിയലിന്റെ റീമേക്ക് ആണ്. ഈ സീരിയലിന്റെ ഹിന്ദി റീമേക്ക് ആയ അനുപമയും റേറ്റിങില് ഒന്നാം സ്ഥാനത്താണ്.
ഷാനവാസ് ഷാനുവും മേഘ്ന വിന്സന്റും കേന്ദ്ര കഥാപാത്രങ്ങളായി എത്തുന്ന മിസിസ് ഹിറ്റ്ലര് എന്ന സീരിയല് വളരെ പെട്ടന്ന് ആണ് പ്രേക്ഷക ശ്രദ്ധ നേടിയത്. ഹാസ്യം കലര്ന്ന സംഭാഷണ രീതികളാണ് സീരിയലിനെ കൂടുതല് ജനപ്രിയമാക്കുന്നത്. ഗുഡ്ഡന് തുംസെ ന ഹോ പയേഗ എന്ന ഹിന്ദി സീരിയലിന്റെ റീമേക്ക് ആണ് മിസിസ് ഹിറ്റ്ലര്. തമിഴില് തിരുമതി ഹിറ്റ്ലര് എന്ന പേരിലും കന്നടയില് ഹിറ്റ്ലര് കല്യാണ എന്ന പേരിലും ഈ സീരിയല് റീമേക്ക് ചെയ്യുന്നുണ്ട്.
https://www.facebook.com/Malayalivartha
