കറുത്തമുത്തും ജാനിക്കുട്ടിയും ഇപ്പോൾ എവിടെ?? ഈ അന്യഭാഷ സീരിയലുകള് കണ്ടാൽ അറിയാം ഇവരുടെ റേഞ്ച് എന്താണെന്ന്! മലയാള സീറിയലിൽ നിന്നും മറ്റുള്ള ഭാഷകളിലേക്ക് ചേക്കേറിയ നടിമാരെ പരിചയപ്പെടാം...
മലയാള സിനിമയിലെ പല പ്രമുഖ നടിമാരും അന്യ ഭാഷയിലേക്ക് പോകുകയും, പിന്നീട് അവിടെ തന്നെ നില്ക്കുകയും ചെയ്തു. നയന്താര, അസിന് തുടങ്ങിയ നടിമാര് മലയാളത്തില് നിന്ന് പോയി സൗത്ത് ഇന്ത്യന് സിനിമകളില് മുന്നിരയില് എത്തിയവരാണ്. സിനിമ നടിമാര് മാത്രമല്ല, കുറച്ച് സീരിയല് നടിമാരും ഇപ്പോള് മലയാളത്തില് നിന്ന് പോയി സൗത്ത് ഇന്ത്യന് സീരിയല് ലോകത്ത് കാലുറപ്പിച്ചിട്ടുണ്ട്. അവര് ആരൊക്കെയാണെന്ന് നോക്കാം...
വയനാട്ടുകാരിയായ മോനിഷ മഴവില് മനോരമയില് സംപ്രേക്ഷണം ചെയ്തിരുന്ന മഞ്ഞുരുകും കാലം എന്ന സീരിയലിലൂടെയാണ് തുടക്കം കുറിച്ചത്. പിന്നീട് തമിഴ് സീരിയലുകളിലേക്ക് പോയ നടി ഇപ്പോള് അവിടെ നമ്പര് വണ് നായികമാരില് ഒരാളാണ്. അരണ്മനൈ കിളി എന്ന സീരിയലിലൂടെയാണ് തമിഴിലേക്ക് എത്തിയത്. നാം ഇരുവര് നമുക്ക് ഇരുവര് സീരിയലിന്റെ സീസണ് 2 യില് ആണ് ഇപ്പോള് നടി അഭിനയിക്കുന്നത്.
കറുത്ത മുത്ത് എന്ന സീരിയലിലൂടെ വന്ന നടിയാണ് പ്രേമി വിശ്വനാഥ്. എന്നാല് സീരിയലില് നിന്നും പ്രേമിയെ പുറത്താക്കി. തുടര്ന്ന് മൂന്ന് മണി, കായംകുളം കൊച്ചുണ്ണിയുടെ മകന് എന്നീ സീരിയലുകള് ചെയ്തു. കറുത്ത മുത്ത് എന്ന സീരിയലിന്റെ തെലുങ്ക് റീമേക്ക് ആയ കാര്ത്തിക ദീപത്തില് അഭിനയിക്കാന് തുടങ്ങിയതോടെ പ്രേമിയ്ക്ക് തിരിഞ്ഞു നോക്കേണ്ടി വന്നില്ല. ഇപ്പോള് തെലുങ്ക് സീരിയല് ലോകത്തെ മുന്നിര നായികയാണ് പ്രേമി.
ബാലതാരമായി സീരിയല് ലോകത്തേക്ക് കടന്ന നടിയാണ് നികിത രാജേഷ്. ദേവീമാഹാത്മ്യം എന്ന സീരിയലിലെ അഭിനയം ഏറെ ശ്രദ്ധേയമായിരുന്നു. മഞ്ഞുരുകും കാലം എന്ന സീരിയലിലെ ജാനിക്കുട്ടിയായിട്ടാണ് ഏറ്റവും ഒടുവില് മലയാളി പ്രേക്ഷകര് കണ്ടത്. എന്നാല് തമിഴില് സജീവമാണ് നടി. അരുദ്ധതി എന്ന സീരിയലിലൂടെ തമിഴകം കീഴടക്കി. സീരിയല് ബംഗാളിലേക്ക് റീമേക്ക് ചെയ്തപ്പോള് അവിടെയും ഹിറ്റ് ആയിരുന്നു.
നടന് വിനു മോഹന്റെ ഭാര്യയും നടിയുമായ വിദ്യ മോഹനും ഇപ്പോള് തമിഴ് സീരിയല് ലോകത്ത് സജീവമാണ്. വല്ലി എന്ന തമിഴ് സീരിയലിലെ അഭിനയം നടിയ്ക്ക് വലിയ ആരാധകരെ തമിഴ് സീരിയല് ലോകത്ത് നേടിക്കൊടുത്തു. അഭിയും നാനും എന്ന സീരിയലിലാണ് ഇപ്പോള് നടി അഭിനയിക്കുന്നത്. സൂര്യ ടിവിയില് സംപ്രേക്ഷണം ചെയ്യുന്ന അഭിയും നാനും റേറ്റിങിലും മുന്നിലാണ്.
വിവാഹത്തിന് മുന്പേ തന്നെ നിത്യ ദാസ് സിനിമയെക്കാള് കൂടുതല് സീരിയലില് ശ്രദ്ധ കേന്ദ്രീകരിച്ചിരുന്നു. ഇദയം, അക്ക, ഭൈരവി അവങ്കള്ക്ക് പ്രിയമാണവള് പോലുള്ള സീരിയലുകള് വന് ഹിറ്റ് ആയിരുന്നു. വിവാഹ ശേഷം സിനിമയില് നിന്നും പൂര്ണമായും അകന്ന നടി തമിഴ് സീരിയലുകളില് സജീവമായിരുന്നു. കണ്ണാന കണ്ണെ എന്ന സീരിയലാണ് ഏറ്റവും ഒടുവില് ചെയ്തത്.
https://www.facebook.com/Malayalivartha
