മലയാള സിനിമയില്‍ തനിക്ക് അവസരം കുറയുന്നുവെന്ന് പറയാതെ പറഞ്ഞ് നടൻ ഹരീഷ് പേരടി രംഗത്ത് എത്തിയിരിക്കുകയാണ്. തമിഴ് സെറ്റിൽ നിന്നും നടൻ ധനുഷിനൊപ്പമുള്ള ചിത്രം പങ്കുവച്ചായിരുന്നു താരം ഇത്തരത്തിൽ പ്രതികരിച്ചിരിക്കുന്നത്. മലയാളത്തിൽ അവസരങ്ങൾ കുറവായതുകൊണ്ട് തന്നെ തമിഴിൽ ധനുഷിനെപ്പോലെയുള്ള താരങ്ങളുടെ അച്ഛനും േചട്ടനും വില്ലനുമൊക്കെയായി അഭിനയിച്ചാണ് ജീവിക്കുന്നതെന്നായിരുന്നു സമൂഹമാധ്യമത്തിലൂടെ ഹരീഷ് അഭിപ്രായപ്പെട്ടത്.

ഫേസ്ബുക്ക് കുറിപ്പ് ഇങ്ങനെ;

മലയാളത്തിൽ അവസരങ്ങൾ കുറവായതുകൊണ്ട് തമിഴിലെ ഒന്ന് രണ്ട് തവണ ദേശീയ അവാർഡുകളൊക്കെ വാങ്ങിയ ഇത്തരം ആർട്ടിസ്റ്റുകളുടെ അച്ഛനും ഏട്ടനും വില്ലനും ഒക്കെയായി കഞ്ഞി,അല്ല പൊങ്കൽ കഴിച്ച് ജീവിക്കുകയാണ്.. എല്ലാ മലയാളികളും അനുഗ്രഹിക്കണം... മലയാളികളുടെ അനുഗ്രഹമില്ലെങ്കിൽ എനിക്ക് ഉറക്കം കിട്ടുകയില്ല ... അതുകൊണ്ടാ.

അതോടൊപ്പം തന്നെ സാമൂഹ്യ–രാഷ്ട്രീയ വിഷയങ്ങളിൽ തന്റെ നിലപാടുകൾ വെട്ടിത്തുറന്ന് പറയുന്ന താരമാണ് ഹരീഷ്. സിനിമാരംഗത്തും പല വിവാദങ്ങളിലും ഹരീഷ് പേരടി തന്റെ അഭിപ്രായം വെട്ടിത്തുറന്നുപറയാറുമുണ്ട്.

അതേസമഹം മലയാളത്തിൽ മമ്മൂട്ടി നായകനാകുന്ന ഭീഷ്മപർവം, കണ്ണൻ താമരക്കുളത്തിന്റെ വരാൽ എന്നീ ചിത്രങ്ങളാണ് റിലീസിനൊരുങ്ങുന്നത്.