കുടുംബ വിളക്ക് ആവേശം നിറച്ച് മുന്നോട്ട് പോയിക്കൊണ്ടിരിയ്ക്കുകയാണ്. ആധാരം മോഷ്ടിച്ച് വേദികയ്ക്ക് കൊടുത്ത സരസ്വതി അമ്മയെ ശിവദാസ് അച്ഛാച്ഛന്‍ പുറത്താക്കി കഴിഞ്ഞു. കള്ള രേഖകള്‍ ഉണ്ടാക്കി ആധാരം പണയം വച്ച് പൈസ വാങ്ങിയ വേദികയും ജയിലിലേക്ക് പോയി. ശത്രുക്കളെ ഒന്നൊന്നായി കീഴ്‌പ്പെടുത്തി സുമിത്ര മുന്നേറുമ്പോള്‍ ആരാധകര്‍ക്കും അതൊരു ആവേശമാണ്.

വേദിക ജയിലിലേക്ക് കയറിയതോടെ ആര് രക്ഷിക്കാൻ വരും എന്ന ചിന്ത ഇല്ലാത്ത പ്രേക്ഷകർ ആരും തന്നെ കാണില്ല. കേസ് പിൻ വലിക്കാൻ സുമിത്ര എത്തും എന്നായിരുന്നു എല്ലാവരുടെയും ചിന്ത, എന്നാൽ.. മഹേന്ദ്രന്റെ വീട്ടിലേക്കുള്ള അതിക്രമിച്ച് കടന്നുള്ള സംസാരവും, ഭീഷണിയുടെ കൂടിയതോടെ എല്ലാവര്ക്കും ഒരു കാര്യം മനസ്സിലായിട്ടുണ്ട്, വേദികയെ രക്ഷിക്കാൻ സുമിത്ര എത്തില്ലെന്ന്.

അപ്പോൾ, പുതിയൊരാൾ അവിടെ എത്തണമല്ലോ.. വേദികയെ ആരെങ്കിലും പുറത്തിറക്കിയാൽ മാത്രമല്ലേ, കുടുംബവിളക്കിൽ വീണ്ടും നല്ലൊരു സംഘട്ടനമൊക്കെ കാണാൻ കഴിയൂ. സുമിത്രയില്ലെങ്കിൽ അടുത്ത ആൾ ആരാണ്... ചിലരെങ്കിലും മനസ്സിൽ കരുത്തോട്ടിയതുപോലെ തന്നെയാണ്... ഇന്ദ്രജയുടെ വരവ്. ശത്രുവിന്റെ ശത്രു മിത്രം എന്ന് പറയുമ്പോലെയാണ് ഇപ്പോൾ, വേദികയും ഇന്ദ്രജയും.

എന്തായാലും, റൈറ്റർ മാമൻ ഈ വഴിക്ക് ചിന്തിച്ചത് നന്നായെന്ന് മാത്രമേ, പറയാൻ കഴിയൂ. അല്ലാതെ സുമിത്ര വന്ന് വേദികയെ പുറത്തിറക്കിയാൽ, അതിലൊരു റിപീറ്റേഷൻ ഫീൽ ചെയ്യും. അത്പോലെ വേദിക ജയിലിൽ പോയതോടെ രോഹിതിനെ വില്ലനായേക്കും എന്നായിരുന്നു എല്ലാവരും കരുതിയിരുന്നത്. എന്നാൽ, അങ്ങനെ സംഭവിക്കില്ല എന്നാണ് തോനുന്നത്. വേറൊന്നും കൊണ്ടല്ല... രോഹിതിനെ സുമിത്രയുടെ നല്ലൊരു ഫ്രണ്ട് ആയി പ്രേക്ഷകരുടെ മനസിലും കയറിക്കൂടി. ഇനി നെഗറ്റീവ് ആക്കിയാൽ.. സീറിയലിന്റെ റേറ്റിംഗിനെ ബാധിക്കുമെന്ന്, അണിയറപ്രവർത്തകർക്ക് മനസിലായി കാണും.

പിന്നെ, എല്ലാകാര്യങ്ങൾക്കും വേദികയോടൊപ്പം നിന്നിട്ട് ഇപ്പോൾ, പേടിച്ചിരിക്കുന്നൊരാളുണ്ട്. വീട്ടിൽ നിന്നും മുത്തശ്ശൻ ഇറക്കിവിട്ടിട്ടും എങ്ങനെയൊക്കെയോ.. ശ്രീനിലയത്തിൽ കയറിപ്പറ്റിയ സരസ്വതിയമ്മ. ഇന്നലത്തെ എപ്പിസോഡിൽ, മഹേന്ദ്രൻ വീട്ടിൽ കയറിവന്ന് എല്ലാവരെയും ഭീഷണിപ്പെടുത്തി, ഒടുവിൽ സി ഐ സാർ വന്നാണ് മഹിയെ പുറത്തിറക്കിയത്. അവിടെയും ശ്രീനിലയത്തിലുള്ളവർക്ക് പണി കിട്ടുന്നുണ്ട്, അനുവിന്റെ വീട്ടുകാരോട് കാര്യങ്ങളൊക്കെ പറഞ്ഞിട്ടുണ്ട്.

വരുന്ന ആഴ്‍ചയിൽ അവരുടെ പൊട്ടിത്തെറികളും കൂടെ കാണാം. അനുവിന്റെ അമ്മയ്ക്ക് സുമിത്രയോടും ശ്രീനിലയത്തിലെ എല്ലാവരോടും ചെറിയ രീതിയിൽ ദേഷ്യമൊക്കെയുള്ളതാണ്. ഇനി, ഇതും കൂടി അറിയുമ്പോൾ ഏത് രീതിയിലാണ് പ്രതികരിക്കുന്നതെന്ന് കാത്തിരുന്ന് കാണുന്നതാണ് നല്ലത്.

കാര്യങ്ങളൊക്ക സംഭവബഹുലമായി മുന്നോട്ട് പോകുമ്പോഴും, ശ്രീനിലയത്തിൽ മറ്റൊരു നടക്കുന്നുണ്ട്. സുമിത്ര ദുബായിലേക്ക് പോകുകയാണ്. അതിനി, ജോലി സംബന്ധമായി എന്തണെങ്കിലും കാര്യത്തിനാണോ... അതോ, ഉറ്റ സുഹൃത്തായ നിലീനയെ കാണാൻ വേണ്ടി ആണെന്നൊക്കെ വരുന്ന ആഴ്ച്ചയിൽ എല്ലാവര്ക്കും അറിയാം.

പണം, നൽകാതിരുന്നാൽ മഹേന്ദ്രന്റെ ഭീഷണി ഇനിയും കൂടുമെന്ന് ശ്രീനിലയത്തിലെ എല്ലാവർക്കും മനസ്സിലായിട്ടുണ്ട്. മുത്തശ്ശിയും കൂടി ചേർന്നല്ലേ... വേദികയ്ക്ക് ആധാരം എടുത്ത് കൊടുത്തത് ആ കാര്യം എല്ലാവരും അറിഞ്ഞു കഴിഞ്ഞതാണ്. അപ്പോൾ, പണി കിട്ടേണ്ടതും മുത്തശ്ശിയ്ക്ക് തന്നെയാണ്. അങ്ങനെ എല്ലാവരും കാണാൻ കാത്തിരുന്ന ആ നിമിഷം എത്തുകയാണ്. സരസുവിന്റെ വസ്തുവിന്റെ ആധാരം മുത്തശ്ശൻ അങ്ങ് എടുത്തു മാറ്റും. ഇനി ശ്രീനിലയത്തിന്റെ ആധാരം തിരികെ നൽകിയാൽ മാത്രമേ... അതും തിരികെ നൽകൂ.. ഇക്കാര്യം അറിയുന്നതും സരസുവിന്റെ ബോധം പോകുകയാണ്. ഇനി പൈസ കണ്ടെത്താൻ സരസു ഏതൊക്കെ വഴികളിലൂടെ ഓടുമെന്ന് വരും ദിവസങ്ങളിലെ എപ്പിസോഡുകളിലൂടെ നമുക്ക് അറിയാം.