ഏഷ്യാനെറ്റില്‍ സംപ്രേഷണം ചെയ്തുവരുന്ന പ്രധാന പരമ്പരകളിലൊന്നാണ് പാടാത്ത പൈങ്കിളി. ദേവയെന്ന നായക കഥാപാത്രത്തെ തുടക്കത്തില്‍ അവതരിപ്പിച്ചത് സൂരജായിരുന്നു. സൂരജ് പിന്‍വാങ്ങിയതിന് ശേഷമായാണ് പരമ്പരയിലേക്ക് ലക്ജിത് സൈനി എത്തിയത്. കാസര്‍കോടുകാരനായ ലക്ജിത് സൈനിയെന്ന ലക്കിയേയിം പ്രേക്ഷകര്‍ ഏറ്റെടുക്കുകയായിരുന്നു. എന്നാൽ, ദിവസങ്ങൾ കഴിയുന്നതിന് മുൻപേ, ലാൽജിയും പടതപൈങ്കിളിയിൽ നിന്നു പിന്മാറിയിരിക്കുകയാണ്. ഇപ്പോളിതാ, പരമ്പരയിൽ നിന്നും പിന്മാറാനാഉല്ലമ് കാരണം സോഷ്യൽമീഡിയയിലൂടെ വ്യക്തമാക്കുകയാണ് താരം.

ഫേസ്ബുക്കിലും ഇന്‍സ്റ്റഗ്രാമിലൂടെയുമായാണ് ലക്ജിത് സൈനി പാടാത്ത പൈങ്കിളിയില്‍ നിന്നും പിന്‍മാറിയെന്നുള്ള വിവരം അറിയിച്ചത്. ക്ഷണനേരം കൊണ്ടായിരുന്നു പുതിയ ദേവയുടെ പോസ്റ്റ് വൈറലായി മാറിയത്. ചില പ്രധാനപ്പെട്ട കാര്യങ്ങള്‍ നിങ്ങളുമായി പങ്കിടാന്‍ ഞാന്‍ ആഗ്രഹിക്കുന്നു. ഞാന്‍ അഭിനയിച്ചുകൊണ്ടിരുന്ന പാടാത്ത പൈങ്കിളി എന്ന പരമ്പരയില്‍ നിന്നും പൂര്‍ണമായും പിന്‍മാറി എന്ന് നിങ്ങള്‍ ഓരോരുത്തരേയും ഞാന്‍ അറിയിക്കുന്നു എന്ന് മലയാളത്തിലും ഇംഗ്ലീഷിലുമായി കുറിച്ചത്.

ചില വ്യക്തിപരമായ കാരണങ്ങളാലാണ് ഞാന്‍ ഈ പരമ്പരയില്‍ നിന്ന് പിന്‍മാറാന്‍ ഉണ്ടായ കാരണം. നിങ്ങളുടെ സ്‌നേഹവും പിന്തുണയുമാണ് എന്നെ ഇത്രയും ദൂരം നയിച്ചത് എന്നതിനാല്‍ എത്രയും വേഗം നിങ്ങളോട് പറയാന്‍ ഞാന്‍ നിര്‍ബന്ധിതനാണ്. അല്ലാത്തപക്ഷം പല അവ്യക്തമായ ഗോസിപ്പുകളപം എനിക്കറിയാത്ത കാര്യങ്ങളും ഇതിലേക്ക് വലിച്ചിഴക്കപ്പെടുമെന്ന് എനിക്ക് വ്യക്തമായ ധാരണയുണ്ട്, അതിനാലാണ് ഞാന്‍ ഈ പോസ്റ്റ് എന്റെ സോഷ്യല്‍ മീഡിയയിലൂടെ നിങ്ങളുമായി പങ്കിടുന്നത്.

എനിക്ക് ഇത്രയധികം സ്‌നേഹവും പിന്തുണയും ബഹുമാനവും നല്‍കിയതിന് എന്റെ പ്രേക്ഷകരേ, നിങ്ങളോട് എന്റെ സ്‌നേഹവും നന്ദിയും അറിയിക്കാന്‍ ഞാന്‍ ആഗ്രഹിക്കുന്നു. പാടാത്ത പൈങ്കിളി ടീമിന് എന്റെ നന്ദി. ഇത്രയും മികച്ച പ്ലാറ്റ്‌ഫോമില്‍ എനിക്ക് അവസരം നല്‍കിയതിനും, എല്ലാ പ്രേക്ഷക ഹൃദയത്തില്‍ എനിക്കൊരു സ്ഥാനം ഉറപ്പിച്ചതിന് ഏഷ്യാനെറ്റിന് നന്ദി, സ്‌നേഹപൂര്‍വ്വം ലക്ജിത് സൈനി എന്നായിരുന്നു കുറിപ്പ്.

പരമ്പരയില്‍ നിന്നും ലക്ജിത് സൈനി പിന്‍മാറിയെന്നറിഞ്ഞപ്പോള്‍ മുതല്‍ ആരാധകര്‍ ചര്‍ച്ചയിലാണ്. പിന്‍മാറ്റത്തിന് പിന്നിലെ കാരണത്തെക്കുറിച്ചായിരുന്നു എല്ലാവരും ചോദിച്ചത്. മാറേണ്ടിയിരുന്നില്ല എന്ന തരത്തിലുള്ള കമന്റുകളാണ് പോസ്റ്റുകള്‍ക്ക് താഴെയുള്ളത്. വ്യക്തിപരമായ കാരണമാണെന്നാണ് ലക്ജിത് കുറിച്ചതെങ്കിലും അത് എന്താണെന്നാണ് ആരാധകരുടെ ചോദ്യം.

ആരോഗ്യപരമായ കാരണങ്ങളെത്തുടര്‍ന്നായിരുന്നു സൂരജ് പരമ്പരയില്‍ നിന്നും മാറിയത്. നാളുകള്‍ക്ക് ശേഷമായി താന്‍ ആരോഗ്യം വീണ്ടെടുത്തുവെന്ന് താരം പറഞ്ഞിരുന്നു. വിനീത് ശ്രീനിവാസന്‍ ചിത്രമായ ഹൃദയത്തില്‍ ഒരു സീനില്‍ സൂരജും പ്രത്യക്ഷപ്പെട്ടിരുന്നു. ലക്ജിത് സൈനിക്ക് ശേഷമായി വീണ്ടും പരമ്പരയിലേക്ക് സൂരജ് എത്തുമോയെന്നും ആരാധകര്‍ ചോദിക്കുന്നുണ്ട്.