അതിജീവിനത്തിന്റെ കഥയാണ് പ്രേക്ഷകര്‍ക്കിഷ്ടം, അതും ഒരു സ്ത്രീയുടെ അതിജീവിതത്തിന്റെ കഥ ആണെങ്കില്‍ കുടുംബ പ്രേക്ഷകര്‍ക്ക് പ്രത്യേക ഇഷ്ടം തന്നെ. അതാണ് ഇന്ന് കടുംബ വിളക്ക് എന്ന പരമ്പരയുടെ വിജയം. സുമിത്ര പണ്ടത്തെ പോലെയല്ല.

തനിയ്ക്ക് നേരെ വരുന്ന ഏത് പ്രശ്‌നത്തെയും അതിജീവിയ്ക്കാന്‍ കെല്‍പ്പുള്ളവളായി വളര്‍ന്നു കഴിഞ്ഞു. പണ്ടത്തെ പോലെ മിണ്ടാതെയിരുന്ന് ഒറ്റയ്ക്ക് വേദന സഹിയ്ക്കുന്ന പരിപാടിയില്ല. വേദികയുടെ പണികള്‍ ഒന്നും സുമിത്രയ്ക്ക് നേരെ നടക്കുന്നുമില്ല. സമിത്ര ഫാന്‍സിന് കൈയ്യടിയ്ക്ക് ഇന്നും വകയുണ്ട്, അവിഹിത വിളക്കാണെങ്കിലും... ഒന്ന് രണ്ടു നന്മമരങ്ങൾ കൂടിയുള്ളതിനാൽ പരമ്പര നല്ലതുപോലെ മുന്നോട്ട് പോകുന്നുണ്ട്.

ശ്രീനിലയത്തിന്റെ ആധാരം എങ്ങനെയെങ്കിലും മഹേന്ദ്രന്റെ കൈയ്യിൽ നിന്നും തിരികെ വാങ്ങണം. വേദിക വരുത്തി വെച്ചിരിക്കുന്ന കടം അമ്പതു ലക്ഷമാണല്ലോ, കോടികൾ നൽകി വീട് വാങ്ങാൻ തയ്യാറായി രോഹിതും നിൽക്കുന്നതുകൊണ്ട് എന്തും സംഭവിക്കാം എന്ന നിലയിലാണ്.

പക്ഷെ, അവിടെയും തീരുന്നില്ലലോ... എല്ലാവരെയും രക്ഷിക്കാൻ അനുവിന്റെ അമ്മ പ്രേമയും അച്ഛനും എത്തുകയായിരുന്നു. ആരെങ്കിലും പണം കടം കൊടുത്തു സഹായിച്ചാൽ സുമിത്ര അത് വാങ്ങുമായിരുന്നു, അതിനും സാധ്യതകൾ കുറവാണ്. പക്ഷെ, പ്രേമയുടെ ചിന്തഗതിയും പ്രവൃത്തിയും കൊള്ളാം മകളുടെ പേരിലേക്ക് സ്വത്തിന്റെ അവകാശം വെയ്ക്കണം. ഓണത്തിനിടയ്ക്ക് പുട്ടുകച്ചവടം പോലെ, ഒരു ഗോളടിക്കാൻ പ്രേമ ശ്രമിച്ചിരുന്നു.

പക്ഷെ, അതിനി വെട്ടി നിലം പരിശാക്കുകയായിരുന്നു.. അനുവും അനിരുദ്ധും കൂടി. പ്രേമയ്ക്ക്, ഇന്നലെ അനിരുദ്ധ് കൊടുത്ത മറുപടി എന്തുകൊണ്ടും യോജിച്ചതായിരുന്നു. അല്ലെങ്കിലും, അമ്മയോടൊപ്പം കൂടിയതിനുശേഷം, അനിരുദ്ധിന്റെ സംസാരത്തിലും പ്രവൃത്തിയുമൊക്കെ നല്ല രീതിയിൽ മാറ്റങ്ങളുണ്ടല്ലോ... പ്രേക്ഷകർക്കും അക്കാര്യത്തിൽ നല്ല സന്തോഷമുണ്ട്.

പ്രേമ പണം കൊടുക്കാമെന്ന് പറഞ്ഞപ്പോൾ, വീട്ടിലുള്ള എല്ലാവരും മനസുകൊണ്ടും അല്ലാതെയും എതിർക്കുമ്പോൾ... മനസ്സിൽ കുറച്ചെങ്കിലും സന്തോഷം തോന്നിയത് സരസ്വതിയമ്മയ്ക്കായിരിക്കും. കാരണം, സരസുവിന്റെ വസ്തുവിന്റെ..

ആധാരം തിരികെ തരില്ലെന്ന് മുത്തശ്ശൻ പറഞ്ഞതുമുതൽ ആകെ, സമാധാനം ഇല്ലാതെ അവസ്ഥയിലാണല്ലോ... പക്ഷെ, ഇതൊരു നല്ല വഴി ആയിരുന്നു എന്ന് മാത്രമേ, അച്ഛമ്മ ചിന്തിക്കാൻ വഴിയുള്ളു. പണം നിരസിച്ചു എന്നറിയുമ്പോൾ, കലിതുള്ളാനും സാധ്യതയുണ്ട്.

പ്രശ്നങ്ങൾ എല്ലാം ഇങ്ങനെ നടന്നുകൊണ്ടിരിക്കുമ്പോൾ, എല്ലാത്തിനും ഒരു പരിഹാരം കണ്ടെത്താൻ ഇന്നത്തെ എപ്പിസോഡിൽ വേദികയുടെ അമ്മ ശ്രമിക്കുന്നുണ്ട്. മക്കൾ എത്ര വലിയ തെറ്റു ചെയ്താലും ഏതൊരു അമ്മ ആയാലും അതിനൊരു പ്രതിവിധി കണ്ടെത്താൻ ശ്രമിക്കില്ല... അത് തന്നെയാണ്, കുടുംബവിളക്കിൽ ഇന്ന് നടക്കുന്നത്.

വേദിക് കാരണം ശ്രീനിലയത്തിന്റെ ആദരം നഷ്ട്ടപെട്ടു എന്ന കാര്യം എല്ലാവരെയും പോലെ, സാവിത്രിയമ്മയും അറിഞ്ഞിട്ടുണ്ട്. എങ്ങനെയെങ്കിലും അതിനൊരു പരിഹാരം കാണണം, അതിനു വേണ്ടി വേദികയുടെ കുടുംബ സ്വത്തിന്റെ ആധാരം സുമിത്രയ്ക്ക് കൊടുക്കുകയാണ്.

പക്ഷെ, സുമിത്ര ഒരിക്കലും ഇതിന് സമ്മതം മൂളില്ല, എന്നുള്ള കാര്യം എല്ലാവര്ക്കും അറിയാവുന്നതാണ്, കാരണം മറ്റൊന്നുമല്ല വേദിക അല്ല സുമിത്ര . പിന്നെ കുറച്ചധികം നന്മയും കൂടുതലാണ്. പിന്നെ, വേദിക നഷ്ടപ്പെടുത്തിയ ശ്രീനിലയത്തിന്റെ ആധാരം തിരികെ എടുക്കാനുള്ള പണം വേദികയും, പിന്നെ കൂട്ട് പ്രതിയായ സരസുവും കൂടി ചേർന്ന് തിരികെ നൽകിയാൽ, പരമ്പരയ്ക്ക് നല്ലതായിരിക്കും.

ഏതൊക്കെ ആയാലും, അവസാനം സുമിത്ര എവിടെ നിന്നെങ്കിലും പണം കണ്ടെത്തി ശ്രീനിലയം തിരികെ വാങ്ങും എന്നുള്ള കാര്യം ഉറപ്പാണ്. ഇനി, അതിനിടയ്ക്ക് സൂപ്പർ ഹീറോ ആകാൻ വേണ്ടി രോഹിത് വരുമോ?? എന്ന കാര്യം മാത്രമാണ്സംശയം.