യുവതാരങ്ങളിൽ യാത്രകളെ ഏറെ ഇഷ്ടപ്പെടുന്ന നടനാണ് പ്രണവ് മോഹൻലാൽ. ഇപ്പോള്‍ താര രാജാവിന്‍രെ മകന്‍ എന്ന ലേബലില്‍ നിന്നും യുവത്വത്തിന്റെ പ്രിയപ്പെട്ട നടനായി പ്രണവ് മോഹന്‍ലാല്‍ മാറിക്കഴിഞ്ഞു. അഭിനയത്തിലേക്ക് എത്തിയപ്പോഴും താര ജാഢകളില്ലാത്ത ഒരു മനുഷ്യനെയാണ് പ്രേക്ഷകര്‍ കണ്ടത്.പലപ്പോഴും പ്രണവിന്റെ യാത്രാ വീഡിയോകളും ചിത്രങ്ങളും സമൂഹമാധ്യമങ്ങളിൽ വൈറലാകാറുണ്ട്.

ഇപ്പോഴിതാ താരത്തിന്റെ പുതിയൊരു വീഡിയോയാണ് ശ്രദ്ധനേടുന്നത്. ഇൻസ്റ്റാഗ്രാമിൽ പ്രണവ് തന്നെയാണ് പുതിയ വീഡിയോ പങ്കുവെച്ചിരിക്കുന്നത്.സ്ലാക് ലൈൻ വാക്ക് നടത്തുന്ന പ്രണവിനെയാണ് വീഡിയോയിൽ കാണാനാകുക. വളരെ കൃത്യതയോടെ ബാലൻസ് ചെയ്ത് കയറിലൂടെ നടന്നുനീങ്ങുന്ന പ്രണവിനെ വീഡിയോയിൽ ദൃശ്യമാണ്.

പോസ്റ്റ് പുറത്തുവന്നതിന് പിന്നാലെ നിരവധി പേരാണ് താരത്തെ അഭിനന്ദിച്ചുകൊണ്ടും കമന്റുകൾ ചെയ്തും രം​ഗത്തെത്തിയത്. ഷെയ്ൻനി​ഗവും പോസ്റ്റിന് കമന്റ് ചെയ്തിട്ടുണ്ട്. 'ഇങ്ങള് പൊളിയാണ് മച്ചാനെ' എന്നാണ് ഒരാളുടെ കമന്റ്. എന്തായാലും വീഡിയോ ഇതിനോടകം സമൂ​ഹമാധ്യമങ്ങളിൽ തരം​ഗമായി കഴിഞ്ഞു.

സാധാരണ ആളുകള്‍ ബാലന്‍സ് നഷ്ടപ്പെടാതിരിക്കാന്‍ കൈയ്യില്‍ ഒരു നീളമുള്ള ദണ്ഡ് ഉപയോഗിക്കാറുണ്ട്. എന്നാല്‍ അതും ഉപയോഗിക്കാതെയാണ് പ്രണവ് നടക്കുന്നത്. ഇത് കണ്ട് കണ്ണ് തള്ളിയിരിക്കുകയാണ് ആരാധകരും.നേരത്തെയും സാഹസിക യാത്രകൾ നടത്തുന്ന പ്രണവിന്റെ വീഡിയോകളും ചിത്രങ്ങളും പുറത്തുവന്നിട്ടുണ്ട്. ഹിമാലയൻ വഴികളിലൂടെ ഒരു ബാ​ഗും തോളിൽ തൂക്കി യാത്രകൾ നടത്തുന്ന പ്രണവിനെ ഇരുകയ്യും നീട്ടിയാണ് പ്രേക്ഷകർ സ്വീകരിച്ചത്.