മലയാളികളുടെ എക്കാലത്തെയും ഹിറ്റ് മൂവിയാണ് ഹിറ്റ്ലർ. വൻതാരനിര അണിനിരന്ന ആ സിനിമ ഇന്നും ടിവിയിൽ വന്നാൽ കാണാത്തവർ ചുരുക്കമാണ്. ഹിറ്റ്ലർ മാധവൻ കുട്ടിയുടെ 5 പെങ്ങളുമാരിൽ ഒരാളായിരുന്നു സുചിത്ര. വർഷങ്ങൾക്ക് ശേഷം ആ സിനിമയെ സംബന്ധിച്ച് ഒരു വെളിപ്പെടുത്തൽ സുചിത്ര നടത്തിയിരിക്കുകയാണ്. ആ ചിത്രത്തിൽ ജഗദീഷിന്റെ നായികയായി തന്നെയാണ് കണ്ടിരുന്നത്.

എന്നാൽ തനിക്ക് താല്പര്യം ഇല്ലായിരുന്നു. അതിന്റെ കാരണം എന്താണെന്ന് സുചിത്ര വെളിപ്പെടുത്തിയിരിക്കുകയാണ്. ജഗദീഷ്–സിദ്ദീഖ് താരങ്ങളുടെ നായികയായി തന്നെ ടാഗ് ചെയ്യപ്പെട്ടിരുന്നു. ഈ കോമ്പിനേഷനിലുള്ള സിനിമകളല്ലാതെ ചെയ്ത ചിത്രങ്ങൾ വളരെ കുറവായിരുന്നു. എന്നാൽ ആ ചിത്രങ്ങളൊക്കെ സൂപ്പർഹിറ്റുകളായി മാറിയിരുന്നു എന്നത് വസ്‌തയാണ്.

ഒരുപാട് ചിത്രങ്ങളിൽ ജഗദീഷ്–സിദ്ദീഖ് എന്നിവരോടൊപ്പം നായികയായി അഭിനയിച്ചതിന് ശേഷം ഒരു മാറ്റം വേണമെന്ന് ആഗ്രഹിച്ചത് കൊണ്ടാണ് ഹിറ്റ്ലറിൽ അഭിനയിക്കുമ്പോൾ ജഗദീഷേട്ടന്റെ നായികയായി വേറെ ആരെയെങ്കിലും കാസ്റ്റ് ചെയ്യണം എന്ന് താൻ ആഗ്രഹിച്ചത് . സംവിധായകൻ സിദ്ധിക്കിനോട് ഈ ആഗ്രഹം പറഞ്ഞു .

അപ്പോൾ അദ്ദേഹം ജഗദീഷേട്ടനോട് ചർച്ച ചെയ്തതിനു ശേഷമാണ് ഇത്തരത്തിലൊരു തീരുമാനം പറഞ്ഞത്. അതൊരിക്കലും ജഗദീഷേട്ടനോടൊപ്പം അഭിനയിക്കാൻ ഇഷ്ടമില്ലാത്തതുകൊണ്ടായിരുന്നില്ല. മറിച്ച് പ്രേക്ഷകർക്ക് ഞങ്ങളുടെ ജോഡി കണ്ടു ബോർ അടിച്ചിട്ടുണ്ടാകും എന്ന് കരുതിയത് കൊണ്ടായിരുന്നു അങ്ങനെ ചെയ്തത് എന്നാണ് സുചിത്ര പറഞ്ഞത്.