സമൂഹമാധ്യമങ്ങളിൽ സെലബ്രിറ്റികളെ പോലെ തന്നെ അവരുടെ മക്കൾക്കും പ്രാധാന്യം ഏറെയാണ്. അതുപോലെ തന്നെയാണ് ആരാധകരും. അത്തരത്തിൽ മിന്നും താരങ്ങളിലൊരാളാണ് പാപ്പുവെന്ന അവന്തിക. ബാലയുടേയും അമൃത സുരേഷിന്റെയും മകളായ പാപ്പു യൂട്യൂബ് ചാനലിലൂടെയായും വിശേഷങ്ങള്‍ പങ്കിട്ടുകൊണ്ട് എത്താറുണ്ട്. അമ്മൂമ്മയ്‌ക്കൊപ്പമായാണ് പാപ്പു തന്റെ ചാനല്‍ ആരംഭിച്ചത്. രസകരമായ വീഡിയോയും വിശേഷങ്ങളുമെല്ലാം പങ്കിട്ട് പാപ്പു എത്താറുമുണ്ട്. അങ്ങനെ അമ്മയെപ്പോലെ തന്നെ മികച്ച പിന്തുണയാണ് പാപ്പുവിനും ലഭിച്ചുകൊണ്ടിരിക്കുന്നത്.

പിന്നാലെ തന്റെ വളർത്തുനായ ബഗീരയ്‌ക്കൊപ്പമുള്ള വീഡിയോയുമായാണ് ഒടുവിലായി പാപ്പു എത്തിയിരുന്നത്. അമൃത സുരേഷും ഗോപി സുന്ദറും ഒന്നിച്ചപ്പോള്‍ തന്നെ പാപ്പുവിനെക്കുറിച്ചായിരുന്നു പലരും ചോദിച്ചത്. അച്ഛനും അമ്മയും ഒപ്പമില്ലാതെ കുഞ്ഞിന് കൂട്ടായി അമ്മൂമ്മ മാത്രമേയുള്ളൂയെന്ന തരത്തിലായിരുന്നു വിമര്‍ശനങ്ങള്‍ ഉയർന്നത്.

പിന്നാലെ ഗോപിക്കും മകള്‍ക്കുമൊപ്പമുള്ള ചിത്രം പോസ്റ്റ് ചെയ്തായിരുന്നു അമൃത വിമര്‍ശകര്‍ക്ക് മറുപടി നൽകിയത്. ഗുരുവായൂര്‍ ക്ഷേത്രം സന്ദര്‍ശനത്തിന് പാപ്പുവും അമൃതയ്‌ക്കൊപ്പമുണ്ടായിരുന്നു. സന്തോഷവതിയായി അമ്മയോടൊപ്പം തന്നെ നടന്നുനീങ്ങുന്ന പാപ്പുവിന്റെ വീഡിയോ സോഷ്യല്‍മീഡിയയിലൂടെ വൈറലായി മാറിയിരുന്നു. ഇപ്പോഴിതാ നാളുകള്‍ക്ക് ശേഷം സ്‌കൂളിലേക്ക് പോവുന്നതിന്റെ സന്തോഷത്തിലാണ് ഇപ്പോൾ പാപ്പു. ഫേസ്ബുക്കിലും ഇൻസ്റ്റഗ്രാമിലൂടെയുമായാണ് അമൃത പാപ്പുവിന്റെ ഫോട്ടോ പങ്കുവച്ചിരിക്കുന്നത്.

'എന്റെ ഹണീബീ വീണ്ടും സ്‌കൂളിലേക്ക് പോവുകയാണെ'ന്ന ക്യാപ്ഷനോടെയായാണ് അമൃത പുതിയ ഫോട്ടോ സമൂഹമാധ്യമത്തിൽ പോസ്റ്റ് ചെയ്തിരിക്കുന്നത്. അങ്ങനെ യൂണിഫോമും ബാഗും കുടയും കിറ്റുമൊക്കെയായി ചിരിച്ച മുഖത്തോടെ ഫോട്ടോയ്ക്ക് പോസ് ചെയ്തിരിക്കുകയാണ് പാപ്പു. പിന്നാലെ നിരവധി പേരാണ് ചിത്രത്തിന് താഴെയായി കമന്റുകളുമായെത്തിയിരിക്കുന്നത്. സ്‌കൂള്‍ തുറന്നിട്ട് നാളിത്രയായല്ലോ, ഇതുവരേയും എവിടെയായിരുന്നു എന്ന ചോദ്യങ്ങളും പോസ്റ്റിന് താഴെ എത്തുന്നുണ്ട്. പാപ്പുവിന് ആശംസകള്‍ അറിയിച്ചുള്ള കമന്റുകളുമുണ്ട്. എല്ലാ നന്മകളും നേരുന്നു മോളേ എന്ന കമന്റുമായി അമൃതയുടെ അച്ഛനും എത്തിയിരുന്നു. താങ്ക് യൂ അച്ഛായെന്നായിരുന്നു അമൃത അച്ഛന് മറുപടി നൽകിയിരിക്കുകയാണ്.