അമ്മാ കത്തി രാകണമാ...വീടിന് മുന്നിൽ വിളി കേട്ട വീട്ടമ്മാർ കത്തിയുമായി പുത്തേക്കോടി. അപ്പോൾ മുറ്റത്ത് കണ്ടത് ഞെട്ടിക്കുന്ന കാഴ്ച്ച. അടിപൊളി വേഷത്തിൽ കൂളിംഗ് ഗ്ലാസ്സും വെച്ച് 'ചാണക്കാരൻ' നിൽക്കുന്നു . ചാണക്കാരനാകട്ടെ പരിചിതമായ മുഖവും. ഒന്ന് കൂടെ നോക്കിയ വീട്ടമ്മമാർക്ക് ആളെ മനസിലായി. മുന്നിൽനിൽക്കുന്നത് നടൻ ഭീമൻ രഘു. തമ്മനത്തുകാരാണ് ഇത്രത്തിലൊരു സർപ്രൈസിലൂടെ കടന്നു പോയത്.

കൊച്ചി തമ്മനം ജംഗ്ഷനിൽ കെ സ്റ്റുഡിയോയ്ക്ക് സമീപമുള്ളവരുടെ വീട്ടിലേക്കാണ് അദ്ദേഹം പോയത്. ചാണയും തോളിലേന്തി തമ്മനത്തെ വീടുകളിലും കടകളിലും കയറിയിറങ്ങി നീട്ടി വിളിക്കുകയായിരുന്നു നടൻ ഭീമൻ രഘു. സിനിമ നടനിതാ വീടിന് മുന്നിൽ ചാണയുമായി നിൽക്കുകയാണ്. ഒരങ്കലാപ്പും ഇല്ലാതെ തമിഴിൽ കത്തി രാകണാമ്മാ... എന്നും ചോദിക്കുന്നു. ചോദിക്കൽ മാത്രം അല്ല.

തമ്മനത്തെ ഒരു ബാർബർ ഷാപ്പിലെ കത്തി താരം രാകി കൊടുക്കുകയും ചെയ്തു . തന്റെ പുതിയ ചിത്രം ചാണയുടെ പ്രമോഷന്റെ ഭാഗമായിട്ടാണ് ഭീമൻ രഘു ഇത്തരത്തിലൊരു സാഹസികത കാണിച്ചത്. ചാണയുമായി അദ്ദേഹം നഗരം ചുറ്റി നടക്കുകയായിരുന്നു തന്നെക്കാണാൻ അടുത്തുകൂടിയവരോട് തമാശ പറഞ്ഞ് ചേർത്ത് നിർത്തി സെൽഫിയെടുത്താണ് താരം മടങ്ങി പോയത് . ഒരു മലയാളസിനിമ ചരിത്രത്തിൽ ആദ്യമായിട്ടാണ് ഇങ്ങനെ ഒരു സംഭവം നടക്കുന്നത്.