മഞ്ജു വാര്യരുടെ പുതിയ സിനിമ ജാക്ക് എന് ജില്ലിനെതിരെ യുവസംവിധായികയുടെ കുറിപ്പ്
ഞാന് ജാക്ക് എന് ജില് സിനിമ മുഴുവന് ഇരുന്ന് കണ്ടു. അതിന് തന്നെ വേണം ഒരു പ്രത്യേക കഴിവ്. പക്ഷേ ഇങ്ങനെ ഒരു സിനിമ എടുക്കാന് തീരുമാനിച്ച് അതിന് പൈസ ഇറക്കാന് ആളുകളെ സമീപിക്കാനാണ് ഏറ്റവും കഴിവ് വേണ്ടത്. ചിത്രത്തെ കുറിച്ച് യുവസംവിധായിക കുഞ്ഞില മാസ്സിലാമണി ഫേസ്ബുക്കില് പങ്കുവച്ച പോസ്റ്റാണ് ശ്രദ്ധേയമാകുന്നത്. ഇങ്ങനെയുള്ള സിനിമകള്ക്ക് പൈസ ഇറക്കുന്നവരെ മടല് വെട്ടി അടിക്കണമെന്നാണ് കുഞ്ഞില പറയുന്നത്.
മഞ്ജു വാര്യര്, കാളിദാസ് ജയറാം, സൗബിന് എന്നിവരെ കേന്ദ്ര കഥാപാത്രങ്ങളാക്കി സന്തോഷ് ശിവന് സംവിധാനം ചെയ്ത ചിത്രമാണ് ജാക്ക് ആന്ഡ് ജില്. അനന്തഭദ്രം, ഉറുമി തുടങ്ങിയ ഹിറ്റ് ചിത്രങ്ങള് ഒരുക്കിയ സന്തോഷ് ശിവന്റെ സംവിധാനത്തില് ഒരുങ്ങിയ ചിത്രത്തില് നിന്ന് പ്രേക്ഷകര് ഒരുപാട് പ്രതീക്ഷിച്ചിരുന്നെങ്കിലും ചിത്രം അതിനൊത്ത് ഉയര്ന്നില്ലെന്ന വിമര്ശനമാണ് പ്രേക്ഷകരില് നിന്ന് ലഭിച്ചത്. ജൂണ് 16ന് ആമസോണ് പ്രൈമില് റിലീസ് ചെയ്തതോടെ ചിത്രത്തെ കുറിച്ചുള്ള കൂടുതല് ചര്ച്ചകള് സോഷ്യല് മീഡിയയില് സജീവമാകുകയാണ്.
കുഞ്ഞില മാസ്സിലാമണിയുടെ ഫേസ്ബുക്ക് പോസ്റ്റ് വായിക്കാം:
ഞാന് ജാക്ക് എന് ജില് സിനിമ മുഴുവന് ഇരുന്ന് കണ്ടു. അതിന് തന്നെ വേണം ഒരു പ്രത്യേക കഴിവ്. പക്ഷേ ഇങ്ങനെ ഒരു സിനിമ എടുക്കാന് തീരുമാനിച്ച് അതിന് പൈസ ഇറക്കാന് ആളുകളെ സമീപിക്കാനാണ് ഏറ്റവും കഴിവ് വേണ്ടത്. ഇതിനൊക്കെ പൈസ ഇറക്കുന്നവരെ മടല് വെട്ടി അടിക്കണം. എന്താ ഇവരുടെ ഒക്കെ വിചാരം? മനുഷ്യരൊക്കെ വിഡ്ഢികളാണെന്നോ? ഉളുപ്പുണ്ടോ നിങ്ങക്ക്? പൈസയ്ക്ക് പഞ്ഞമില്ല. കോണ്ടാക്ട്സ്, കണക്ഷന്സ് ഒന്നിനും ഒരു കുറവുമില്ല.
അഭിനയിക്കാന് വലിയ താരങ്ങളുടെ ഡേറ്റ് കിട്ടാന് പ്രയാസമില്ല. എന്നിട്ട് ഇതൊന്നും ഇല്ലാതെ സിനിമ എടുക്കാന് അലഞ്ഞലഞ്ഞ് നടക്കുന്ന ഒരു വലിയ വിഭാഗം ആള്ക്കാരുള്ള ഒരു സ്ഥലത്തിരുന്ന് ഈ ധൂര്ത്ത് ചെയ്യാന് എങ്ങനെ ധൈര്യം വരുന്നു? കുട്ടികള് പട്ടിണി കിടന്ന് മരിക്കുമ്ബോ ഭക്ഷണം വേസ്റ്റ് ചെയ്യാന് പാടില്ല എന്ന് പറയുന്ന മാതാപിതാക്കളോട് എനിക്ക് വലിയ യോജിപ്പൊന്നുമില്ല.
എന്നാ സിനിമ ചെയ്യാന് ആഗ്രഹിച്ച് നടക്കുന്ന ആളുകളുടെ ഇടയിലെ ഏറ്റവും മോശം കഥയ്ക്ക് പോലും ഇതിനേക്കാള് സത്യസന്ധതയും നിലവാരവും ഉണ്ടാവും എന്ന് ഉറപ്പുള്ളപ്പോള്, എല്ലാ പ്രിവിലേജും ഉള്ള ആളുകള് ഇങ്ങനെയുള്ള സിനിമകള് എടുക്കുന്നതില്പ്പരം അശ്ലീലമില്ല.
https://www.facebook.com/Malayalivartha
