ബിഗ് ബോസ് വീടിനുള്ളിൽ വച്ച് തന്നെ ബ്ലെസ്‌ലിയോടുള്ള അനിഷ്ടം ലക്ഷ്മിപ്രിയ പറഞ്ഞിരുന്നു. ഫിനാലെയോട് അടുത്തപ്പോൾ പോലും ലക്ഷ്മിപ്രിയ അത് പ്രകടിപ്പിക്കുകയും ചെയ്തു . അതിന് ശേഷം ബിഗ് ബോസിൽ നിന്ന് പുറത്തിറങ്ങിയപ്പോൾ പിആർ വർക്കുകൾ കാരണമാണ് ബ്ലെസ്‌ലി ജയിച്ചതെന്നും ആരോപണം ഉയർന്നിരുന്നു. ഇപ്പോൾ ബ്ലെസ്‌ലിയ്ക്കെതിരെ വീണ്ടും ലക്ഷ്മിപ്രിയ രംഗത്തെത്തിയിരിക്കുകയാണ്.

പൂച്ച സന്യാസി ആരായിരുന്നുവെന്നും, പൂച്ച സന്യാസി എന്ത് ചെയ്തുവെന്നും കേരളത്തിലെ മുഴുവൻ ജനങ്ങൾക്കുമറിയാം. പോരാത്തതിന് ഫിനാലെയ്ക്ക് ശേഷം, മദ്യത്തിനെതിരെ മയക്കുമരുന്നിനെതിരെ പുകവലിച്ചാൽ ആകാശം ഇടിഞ്ഞ് വീഴുമെന്ന് പറഞ്ഞ വ്യക്തി, ഫിനാലെ കഴിഞ്ഞ ശേഷം എന്താണ് അവിടെ കാണിച്ചു കൂട്ടിയതെന്നതിന്റെ വീഡിയോ തെളിവ് എൻ്റെ കൈയ്യിൽ ഉണ്ടെന്നും ലക്ഷ്മിപ്രിയ ഇന്നലെ ഫെയ്സ്ബുക്ക് വീ‍ഡിയോയിൽ പറഞ്ഞിരുന്നു.

ഞാൻ ഇതിനൊക്കെ എതിരാണ്, ഞാൻ സമൂഹത്തിന് മാതൃക കൊടുക്കാനിരിക്കുന്ന ആളാണ്, ഞാൻ അങ്ങനെയാണ് ഇങ്ങനെയാണ് എന്ന് പറഞ്ഞിരുന്നിട്ട് ബിഗ് ബോസ് ഫിനാലെ കഴിഞ്ഞിട്ട് കർട്ടൻ അങ്ങോട്ട് വീണയുടനേ കാണിച്ചു കൂട്ടിയ കോപ്രായങ്ങൾ എന്തൊക്കെയാണെന്നതിന്റെ തെളിവ് എന്റെ കൈയ്യിൽ ഉണ്ട് എന്നായിരുന്നു ലക്ഷ്മിപ്രിയയുടെ വാക്കുകൾ.

ഇപ്പോൾ ലക്ഷ്മിപ്രിയ പറഞ്ഞ കാര്യങ്ങളെ അനുകൂലിച്ച് രംഗത്തെത്തിയിരിക്കുകയാണ് നിമിഷ. ബിഗ് ബോസ് ഹൗസിലെ എന്റെ ഏറ്റവും ഇഷ്ടമില്ലാത്ത മത്സരാർഥി ലക്ഷ്മിപ്രിയ ആണെന്ന് നിങ്ങൾക്ക് എല്ലാവർക്കും അറിയാം. എങ്കിലും, ഇപ്പോൾ ലക്ഷ്മിപ്രിയ പറഞ്ഞ ഇക്കാര്യം നൂറ് ശതമാനം സത്യമാണ്. നിരവധി ആളുകൾ ഈ സംഭവത്തിന് സാക്ഷികളായി എന്നാണ് നിമിഷ പറയുന്നത്.