സാഹസത്തിന്റെ പര്യായമാണ് തെന്നിന്ത്യന്‍ ഭാഗ്യതാരമായ നിക്കി. ആരെന്തുപറഞ്ഞാലും എന്തിനും ഒന്ന് പയറ്റിനോക്കാന്‍ നിക്കി മുമ്പില്‍ത്തന്നെ കാണും. അല്ലാതെ എല്ലാം മറ്റുനടിമാരെപ്പോലെ ഡ്യൂപ്പിന്റെ തലയില്‍ വെക്കില്ല. നിക്കി ഗല്‍റാണിക്ക് ചിത്രീകരണത്തിനിടെ പരുക്കേറ്റു. ഡ്യൂപ്പില്ലാതെ സ്റ്റണ്ട് സീനില്‍ അഭിനയിക്കുന്നതിനിടെയാണ് അപകടം. സംവിധായകന്‍ ഏഴില്‍ ഒരുക്കുന്ന പുതിയ സിനിമയുടെ ഷൂട്ടിങ്ങിനിടെ സിമന്റ് സ്ലാബ് കൈകൊണ്ടിടിച്ചു പൊട്ടിക്കാനുള്ള ശ്രമത്തിനിടെയാണ് പരുക്കേറ്റത്. സിനിമയില്‍ പോലീസ് ഉദ്യോഗസ്ഥയായാണ് നിക്കി എത്തുന്നത്. കരാട്ടെ പ്രാക്ടീസ് ചെയ്യുന്ന രംഗത്തിന്റെ ആദ്യ ശ്രമത്തില്‍ നടി സ്ലാബുകള്‍ പൊട്ടിച്ചിരുന്നു. രണ്ടാമതും ശ്രമിച്ചപ്പോഴാണ് സംഗതി കാര്യമായത്.
ചെറുവിരലില്‍ ചെറിയ പൊട്ടലുണ്ട്. ഷൂട്ടിങ്ങിന്റെ അവസാന ദിവസമാണ് അപകടമുണ്ടായത്. നടിക്ക് മൂന്നാഴ്ചത്തെ വിശ്രമമാണ് ഡോക്ടര്‍മാര്‍ നിര്‍ദ്ദേശിച്ചിരിക്കുന്നത്. മുമ്പ് താരം ബുള്ളറ്റില്‍ വേഗത്തില്‍ പായുന്നതും വാര്‍ത്തയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha