ഒരുകാലത്ത് മലയാളത്തിന്റെ പ്രിയനടനായിരുന്നു വിക്രം. വിക്രം ചെയ്ത എല്ലാകഥാപാത്രങ്ങളെയും മലയാളികള്‍ ഒന്നടങ്കം സ്വീകരിച്ചു. നടന്‍ മോഹന്‍ലാല്‍ വിക്രമിനെ കുറിച്ച് പറയുന്നത് എങ്ങനെയെന്നോ?. 

'നല്ലനേരത്ത് മലയാളം വിട്ടുപോയി. ഇവിടുണ്ടായിരുന്നേല്‍ എനിക്ക് വേറൊരു എതിരാളി ആയേനെ', ഒരു സ്വകാര്യ ചാനലിന്റെ അവാര്‍ഡ് നിശയില്‍ തമിഴ് സൂപ്പര്‍താരം ചിയാന്‍ വിക്രത്തെക്കുറിച്ചുള്ള ലാലേട്ടന്റെ കമന്റാണിത്. കമന്റിന് ആദ്യം കയ്യടിച്ചതും ചിരിച്ചതും വിക്രം തന്നെ. ഇന്ത്യന്‍ സിനിമയിലെത്തന്നെ മികച്ച പ്രതിഭയെന്നാണ് ചടങ്ങില്‍ വിക്രത്തെക്കുറിച്ച് മോഹന്‍ലാല്‍ പറഞ്ഞത്.

മലയാള സിനിമയില്‍ സഹനടനായി ആരംഭിച്ച് തമിഴകത്തെ മുന്‍നിര താരങ്ങളിലേക്കെത്തിപ്പെട്ട വിക്രം കഥാപാത്രത്തിന്റെ പൂര്‍ണതയ്ക്കായി സ്വീകരിക്കുന്ന ത്യാഗത്തിലൂടെ ഏറെ പ്രശസ്തനാണ്. ബാല സംവിധാനം ചെയ്ത സേതുവിലൂടെയാണ് വിക്രം തമിഴകത്ത് നിലയുറപ്പിച്ചുതുടങ്ങിയത്. മലയാളത്തില്‍ വിക്രം ചെയ്ത സൈന്യം എന്ന ചിത്രത്തിലെ കഥാപാത്രം ഏറെ ഹിറ്റായി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha