മുകേഷ് സിനിമയില്‍ അഭിനയിച്ച് തുടങ്ങിയ കാലം. നെടുമുടി വേണു അന്ന് സ്റ്റാറാണ്. ഒരു സെറ്റില്‍ വെച്ച് മുകേഷ് നെടുമുടി വേണുവിനെ കണ്ട് പരിചയപ്പെട്ടു. പിന്നീട് മറ്റൊരു സെറ്റില്‍ വെച്ച് കണ്ടപ്പോഴും നെടുമുടിയെ മുകേഷ് കൈ കാണിച്ചു. ഏതോ ഫാന്‍സുകാരനായിരിക്കും എന്ന് കരുതി നെടുമുടി ആക്കി ചിരിച്ചു. പിന്നീട് വേറൊരു സിനിമയുടെ ഷൂട്ടിംഗിന് ചെന്നപ്പോഴും മുകേഷ് പേര് പറഞ്ഞ് നെടുമുടി വേണുവിനെ പരിചയപ്പെട്ടു. രണ്ട് മൂന്ന് സെറ്റുകളില്‍ ഇത് തുടര്‍ന്നു. ഒടുവില്‍ വേറൊരു സിനിമയുടെ ചിത്രീകരണത്തിനിടെ നെടുമുടിയെ കണ്ടപ്പോ മുകേഷ് ചോദിച്ചു, ചേട്ടാ എന്നെ മനസിലായോ എന്ന് ചോദിച്ചു. അത് പിന്നറിയത്തില്ലിയോ എന്ന് പറഞ്ഞ് തന്ത്ര പരമായി ഒഴിഞ്ഞു.

രണ്ട് മാസം കഴിഞ്ഞ് വേറൊരിടത്ത് വെച്ച് കണ്ടപ്പോ മുകേഷ് വീണ്ടും ചോദിച്ചു, ചേട്ടാ എന്നെ മനസിലായോ, പിന്നെ. എന്നാ എന്റെ പേര് പറ. നെടുമുടി വേണു ഒന്ന് വട്ടം ചവുട്ടി നിന്ന് ആലോചിച്ചിട്ട് പറഞ്ഞു; മൂ...കേഷ്. മുകേഷിന് ആശ്വാസമായി. പിന്നീട് നെടുമുടിയുമായി മുകേഷ് അടുത്തു. അത് കഴിഞ്ഞപ്പോ നെടുമുടി ചോദിച്ചു. ടാ അന്ന് ഞാന്‍ നിന്റെ പേര് പറഞ്ഞില്ലായിരുന്നെങ്കില്‍ നീയെന്നെ തല്ലുമായിരുന്നോ? പിന്നീട് മുകേഷ് വല്യ നടനായി. നിര്‍മാതാവായി. തട്ടത്തില്‍ മറയത്ത് എന്ന സിനിമ നിര്‍മിച്ചു. ചിത്രത്തിലെ നായകന്‍ നിവിന്‍ പോളിയാണ്. നിവിന്‍ രണ്ട് മൂന്ന് തവണ വന്ന് മുകേഷിനെ പരിചയപ്പെട്ടു. ചേട്ടാ, ഞാന്‍... മനസിലായെന്ന് മുകേഷ് പറയും. ആ സിനിമ തീര്‍ന്ന ശേഷമാണ് മുകേഷ് നിവിന്റെ പേര് മനസിലാക്കിയത്.

പണ്ട് നെടുമുടി വേണു തന്നോട് ഇങ്ങിനെ ചെയ്തപ്പോ കാര്യമെന്തെന്ന് മനസിലായിരുന്നില്ല. ഒരുപാട് പ്രശസ്തരായവര്‍ പലരെയും ദിവസവും കാണുന്നതാണല്ലോ, അവര്‍ക്ക് ചിലരുടെ പേര് ഓര്‍മയില്‍ നില്‍ക്കില്ല. പക്ഷെ, മുഖം ഉണ്ടാവും. അതാണ് തനിക്കും പറ്റിയതെന്ന് മുകേഷ് പറഞ്ഞു. നിവിന്‍ ഇന്ന് വല്യ സ്റ്റാറായിരിക്കുകയാണ്. അതുകൊണ്ട് ഓരോ സിനിമയും ശ്രദ്ധിച്ച് ചെയ്യണമെന്ന് മുകേഷ് നിവിന് ഉപദേശവും നല്‍കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha