കാക്കിയില്‍ കസറാന്‍ മമ്മൂട്ടി. മമ്മൂട്ടിയുടെ പോലീസ് വേഷം ആരെയും ത്രസിപ്പിക്കുമെന്നതില്‍ സംശയമില്ല. ഇതാ അത്തരത്തിലൊരെണ്ണം എത്തുന്നു. രണ്‍ജി പണിക്കരുടെ മകന്‍ നിധിന്‍ രണ്‍ജി പണിക്കര്‍ സംവിധായകനായി അരങ്ങേറ്റം കുറിക്കുന്ന ചിത്രത്തിലെ മമ്മൂട്ടിയുടെ ആദ്യ ലുക്ക് പുറത്തെത്തി. കട്ടി മീശ വച്ച് റെയ്ബാന്റെ വട്ട ഫ്രെയിമുള്ള സണ്‍ഗ്ലാസ് അണിഞ്ഞ് സ്‌റ്റൈലിഷ് ലുക്കിലാണ് മമ്മൂട്ടി ചിത്രത്തില്‍. സിഐ രാജന്‍ സക്കറിയ എന്നാണ് കഥാപാത്രത്തിന്റെ പേര്. ആക്ഷന്‍ ഡ്രാമ വിഭാഗത്തില്‍ പെടുന്ന ചിത്രത്തിന്റെ തിരക്കഥയും നിധിന്‍ തന്നെയാണ് എഴുതിയിരിക്കുന്നത്.
കര്‍ണാടകയിലെ കോളാറില്‍ ചിത്രീകരണം പുരോഗമിക്കുന്ന ചിത്രത്തിന്റെ പേര് തീരുമാനിച്ചിട്ടില്ല. നടന്‍ ശരത്കുമാറിന്റെ മകള്‍ വരലക്ഷ്മി ശരത്കുമാറാണ് നായിക. തമിഴ് നടന്‍ സമ്പത്താണ് ചിത്രത്തില്‍ വില്ലന്‍ വേഷം അവതരിപ്പിക്കുന്നത്. സായ്കുമാര്‍, ജഗദീഷ് തുടങ്ങിയവരും മറ്റ് പ്രധാനവേഷങ്ങളിലെത്തും. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha