ആ ഫോണ് കോള് ഞെട്ടിച്ചു... മമ്മൂട്ടിയുടെ അമ്മയാകാന് വിളി വന്നിരുന്നുവെന്ന് സറീന
സറീന വഹാബ് എന്ന നടിയെ ആരാണ് ഓര്ക്കാത്തത്. ഒരു കാലത്ത് മലയാളികളുടെ ഇഷ്ടനായികയായിരുന്നു സറീന. മദനോത്സവം, പാളങ്ങള്, ചമരം,എന്തിനോ പൂക്കുന്ന പൂക്കള്, പുന്നാരം ചൊല്ലി ചൊല്ലി ഇങ്ങനെ പോകുന്നു സറീനയുടെ മലയാള സിനിമകള്. മദനോത്സവത്തിലെ കഥാപാത്രമാണ് സറീനയെ കൂടുതല് പ്രശസ്തിയില് എത്തിച്ചത്.
മമ്മൂട്ടിയുടെ കൂടെ അഭിനയിക്കാന് ഏറെ ഇഷ്ടമുള്ള നായികയാണ് സറീന. മമ്മൂട്ടിയുടെ കാമുകിയായി സറീന അഭിനയിച്ചു. എന്നാല് മമ്മൂട്ടിയുടെ അമ്മയായി അഭിനയിക്കാന് ഒരു അവസരം കിട്ടിയപ്പോള് അത് വേണ്ടെന്ന് വച്ച നടി കൂടിയാണ് സറീന.
മമ്മൂട്ടിയുടെ അമ്മയായി അഭിനയിക്കാമോ എന്ന് ഫോണ് കോള് വന്നപ്പോള് താന് ഞെട്ടിപ്പോയി എന്നാണ് സറീന പറയുന്നു. എന്തിനോ പൂക്കുന്ന പൂക്കള്, വീട്, ശരവര്ഷം തുടങ്ങിയ ചിത്രങ്ങളില് സറീന മമ്മൂട്ടിയ്ക്കൊപ്പവും അഭിനയിച്ചു. കമല് ഹസന്, മമ്മൂട്ടി, മോഹന്ലാല്, റഹ്മാന്, ശങ്കര്, പ്രതാപ് പോത്തന് തുടങ്ങിയവരുടെ നായികയായി അഭിനയിച്ച സറീന വഹാബ് ഒരു ഇടവേളയ്ക്ക് ശേഷമാണ് വീണ്ടും മലയാളത്തിലെത്തിയത് അമ്മ വേഷങ്ങളിലൂടെയാണ്. 2013 ല് റിലീസ് ചെയ്ത ഒളിപ്പോര് എന്ന ചിത്രത്തിന് ശേഷം നല്ലൊരു സിനിമയ്ക്ക് വേണ്ടി കാത്തിരിയ്ക്കുകയായിരുന്നു താനെന്ന് സറീന പറയുന്നു. ഒരു സംവിധായകന് വിളിച്ചാല് തീര്ച്ചയായും അഭിനയിക്കും എന്ന തീരുമാനത്തോടെയായിരുന്നത്രെ കാത്തിരുന്നത്. മമ്മൂട്ടിയുടെ അമ്മയാകാന് ഇല്ലെന്ന് സറീന അടുത്തിടെ ഒരു അഭിമുഖത്തില് പറഞ്ഞിരുന്നു. ഞാന് മമ്മൂട്ടിയ്ക്കൊപ്പം നായികയായി അഭിനയിച്ചിട്ടുണ്ട്. അതുകൊണ്ട് നോ പറഞ്ഞു. അത് ശരിക്കുമൊരു ഞെട്ടല്ലായിരുന്നുവെന്നും താരം പറഞ്ഞു. ഏത് ഭാഷയില് ആണെങ്കിലും താന് അഭിനയിക്കാന് തയ്യാറാണെന്ന് സറീന പറഞ്ഞു. അഭിനയിച്ച് കൊണ്ടിരിക്കുമ്പോള് തന്നെ മരിക്കണമെന്നാണ് തന്റെ ആഗ്രഹമെന്നും സറീന പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha