സെക്സിയാണെന്ന് പറഞ്ഞാല് എന്തു ചെയ്യും
ഒരു പെണ്കുട്ടി കോപാകുലയാണെന്ന് പറയാമെങ്കില് എന്തു കൊണ്ട് അവള് സെക്സിയാണെന്ന് പറഞ്ഞുകൂടാ. ചോദിക്കുന്നത് പ്രശ്സ്ത ചലച്ചിത്രതാരം രാജശ്രീ ദേശ പാണ്ഡേ. സെക്സാണ് ഒരു സ്ത്രീയുടെ ഏറ്റവും വിശേഷപ്പെട്ട ഭാഷ. എന്നാല് സെക്സിനെ കുറിച്ചാണ് ഇവിടെ കോലാഹലം മുഴുവന്. പരസ്യമായി സെക്സിനെ വിമര്ശിക്കുകയും രഹസ്യമായി സ്വീകരിക്കുകയും ചെയ്യുക എന്നതാണ് നമ്മുടെ സഹജമായ സ്വഭാവം. എനിക്ക് സെക്സിനെ കുറിച്ച സംസാരിക്കാന് നാണക്കേടില്ല. ഞാനെന്തിന് നാണിക്കണം? അത് നമ്മുടെ ജീവിതത്തിന്റെ ഭാഗമല്ലേ? രാജശ്രീ ചോദിക്കുന്നു. ആന്ഗ്രി ഇന്ത്യന് ഗോഡസില് നായികയായിരുന്ന രാജശ്രീ എന്നും വാര്ത്തകളുടെ പ്രിയതോഴിയായിരുന്നു.
അവാര്ഡ് ചലച്ചിത്രങ്ങളുടെ സംവിധായകന് സനല്കുമാര് ശശിധരനാണ് സെക്സി ദുര്ഗ്ഗ എന്ന ചിത്രത്തിന്റെ സംവിധായകന്. ദുര്ഗ്ഗയായാണ് രാജശ്രീ അഭിനയിക്കുന്നത്. വര്ത്തമാനകാല കേരളീയ സമൂഹത്തിന്റെ കാപട്യങ്ങളാണ് സിനിമ ചര്ച്ച ചെയ്യുന്നത്. വന് വാര്ത്തകളാണ് ചിത്രീകരണം തുടങ്ങുന്നതിനു മുമ്പുതന്നെ പുറത്തു വന്നിരിക്കുന്നത്.
സംവിധായകന് തന്നെയാണ് ചിത്രത്തിന്റെ തിരക്കഥയും ഒരുക്കിയിരിക്കുന്നത്. സിനിമക്ക് ദുര്ഗ്ഗ ദേവിയുമായി യാതൊരു ബന്ധവുമില്ലെന്ന് സംവിധായകന് പറയുന്നു. ദുര്ഗ്ഗ നമ്മുടെ സമൂഹത്തിന്റെ പ്രതിനിധിയാണ്. അതുകൊണ്ടാണ് സെക്സി ദുര്ഗ്ഗ എന്നു ചിത്രത്തിന് തലക്കെട്ട് നല്കിയത്. ഒഴിവു ദിവസത്തെ കളി എന്ന തന്റെ ചിത്രത്തിലെ മറ്റ് അഭിനേതാക്കള് സെക്സി ദുര്ഗ്ഗയില് അഭിനിയിക്കുന്നുണ്ടെന്നും സംവിധായകന് സനല്കുമാര് ശശിധരന് പറയുന്നു,
എല്ലാ സ്ത്രീകള്ക്കും അവരുടെതായ ഉള്ക്കരുത്തുണ്ട്. എന്നാല് അത് പ്രകടിപ്പിക്കാന് പലരും തയ്യാറല്ല. ഞാനേതായാലും എന്റെ ഉള്ക്കരുത്ത് പ്രകടിപ്പിക്കാന് പോകുകയാണ്. അതോടെ കപട സദാചാരത്തിന്റെ കരണത്തടിക്കണം. രാജശ്രീ പറയുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
