അടൂറിനെ ആദരിയ്ക്കുന്ന ചടങ്ങില്‍ കാവ്യയും ദിലീപും വരാതിരുന്നതിന് കാരണം ദിലീപിന്റെ ഷൂട്ടിങ് തിരക്കാണത്രെ. തിരുവനന്തപുരത്ത് വച്ച് നടക്കുന്ന രാജ്യാന്തര ചലച്ചിത്ര മേളയില്‍ നവ ദമ്പതികളായ കാവ്യയും ദിലീപും വരുന്നു എന്ന വാര്‍ത്ത നവ മാധ്യമങ്ങള്‍ ഏറെ കൊട്ടിഘോഷിച്ചതാണ്. വിവാഹ ശേഷം കാവ്യയും ദിലീപും പങ്കെടുക്കുന്ന ആദ്യത്തെ പൊതു പരിപാടി എന്ന നിലയിലാണ് വാര്‍ത്തകള്‍ സോഷ്യല്‍ മീഡിയയില്‍ വയറലായത്. എന്നാല്‍ മേളയില്‍ ഇരുവരും വന്നില്ല.

സിനിമയില്‍ അന്‍പത് വര്‍ഷം പിന്നിട്ട അടൂര്‍ ഗോപാലകൃഷ്ണനെ ആദരിയ്ക്കുന്ന ചടങ്ങില്‍ കാവ്യയും ദിലീപും എത്തും എന്നായിരുന്നു വാര്‍ത്തകള്‍. അടൂറിന്റെ 25-ാമത്തെ ചിത്രമായ പിന്നെയും എന്ന ചിത്രത്തില്‍ ദിലീപും കാവ്യയുമാണ് കേന്ദ്ര കഥാപാത്രങ്ങളെ അവതരിപ്പിച്ചത്.

അഞ്ച് വര്‍ഷത്തിന് ശേഷമുള്ള ഇരുവരുടെയും കൂടിച്ചേരലായിരുന്നു ഈ ചിത്രം എന്നിട്ടും വന്നില്ല കാവ്യയും ദിലീപും. വിവാഹ ശേഷം പങ്കെടുക്കുന്ന ആദ്യത്തെ പൊതു പരിപാടി എന്ന നിലയില്‍ ഈ വാര്‍ത്തയ്ക്ക് ഏറെ ശ്രദ്ധ ലഭിച്ചു. തിങ്കളാഴ്ച വൈകിട്ട് നടക്കുന്ന ചടങ്ങില്‍ ഇരുവരും പങ്കെടുക്കുമെന്ന് എല്ലാവരും പ്രതീക്ഷിച്ചു.

ദിലീപിന് ഷൂട്ടിങ് തിരക്കഥായത് കൊണ്ടാണ് അടൂറിനെ ആദരിയ്ക്കുന്ന ചടങ്ങില്‍ എത്താന്‍ കഴിയാതിരുന്നത് എന്നാണ് ഔദ്യോഗിക വിവരം. സച്ചിയുടെ തിരക്കഥയില്‍ അരുണ്‍ ഗോപി സംവിധാനം ചെയ്യുന്ന രാംലീല എന്ന ചിത്രത്തിന്റെ ഷൂട്ടിങ് തിരക്കിലാണത്രെ ദിലീപ്.

എന്നാല്‍ ആള്‍ക്കൂട്ടം ഭയന്നാണ് കാവ്യയും ദിലീപും ചടങ്ങിന് പങ്കെടുക്കാതിരുന്നത് എന്ന കിംവദന്തിയുണ്ട്. വിവാഹ വാര്‍ത്ത മറച്ചുവച്ചത് പോലും ആള്‍ക്കൂട്ടത്തെ ഭയന്നാണെന്ന് ഒരു അഭിമുഖത്തില്‍ കാവ്യ പറഞ്ഞിരുന്നു.