രാജ 2നെക്കുറിച്ചുള്ള പ്രതീക്ഷകള്‍ ഇപ്പോള്‍ ആകാശം മുട്ടെ ഉയരത്തിലാണ്. പുലിമുരുകന്‍ ടീമിന്റെ മമ്മൂട്ടിച്ചിത്രം എന്ന ഒറ്റക്കാരണം കൊണ്ട് ഉണ്ടായിരിക്കുന്ന ഹൈപ്പ് എത്രമാത്രമാണെന്ന് പറഞ്ഞറിയിക്കാനാവില്ല. സോഷ്യല്‍ മീഡിയയില്‍ മമ്മൂട്ടി ആരാധകരുടെ ആവേശം അണപൊട്ടിയൊഴുകുന്നു. രാജ 2ന്റെ ഫാന്‍ മെയ്ഡ് പോസ്റ്ററുകളാല്‍ നിറഞ്ഞിരിക്കുകയാണ് ഫേസ്ബുക്ക്.

ഈ സിനിമയില്‍ മമ്മൂട്ടിക്ക് നായികയുണ്ടാകും. പോക്കിരിരാജയിലേതുപോലെ നായികയില്ലാത്ത സാഹചര്യം ഉണ്ടാകില്ല. ഇന്ത്യന്‍ സിനിമയിലെ താരറാണിമാരില്‍ ഒരാളായിരിക്കും മമ്മൂട്ടിക്ക് നായികയായി എത്തുക എന്നാണ് സൂചന. കജോള്‍, കാജല്‍ അഗര്‍വാള്‍, പ്രീതി സിന്റ എന്നിവരുടെ പേരുകള്‍ ഇപ്പോള്‍ പ്രചരിക്കുന്നുണ്ട്.

മമ്മൂട്ടിയും നായികയും തമ്മിലുള്ള പ്രണയരംഗങ്ങളും ഗാനരംഗങ്ങളും ഹൈലൈറ്റാകും. ഉദയകൃഷ്ണ മമ്മൂട്ടിക്ക് തകര്‍ത്തഭിനയിക്കാവുന്ന അനവധി പ്രണയരംഗങ്ങള്‍ തിരക്കഥയില്‍ സൃഷ്ടിച്ചിട്ടുണ്ടെന്നാണ് വിവരം. വൈശാഖ് സംവിധാനം ചെയ്യുന്ന രാജ 2ന് ക്യാമറ ചലിപ്പിക്കുന്നത് ഷാജിയാണ്. ടോമിച്ചന്‍ മുളകുപാടമാണ് നിര്‍മ്മാണം.