കഴിഞ്ഞ രണ്ട് മൂന്ന്  ആഴ്ചകളായി തനിക്കെതിരെ പ്രചരിക്കുന്ന ഗോസിപ്പുകള്‍ക്ക് മറുപടിയുമായാണ് നടി രസ്‌ന രംഗത്ത് വന്നിരിക്കുന്നത്. എനിക്ക് എതിരെ വന്ന ആരോപണങ്ങളില്‍ ഒന്ന് എന്നെ ഒളിപ്പിച്ച് താമസിപ്പിച്ചിരിക്കുകയാണ് ഞാന്‍ ഒളിച്ചു താമസിക്കുകയാണ് എന്നാണ്. അങ്ങനെയൊന്നുമല്ല സത്യം. ഞാന്‍ എനിക്ക് ഇഷ്ടപ്പെട്ട  ഞാന്‍ തെരഞ്ഞെടുത്ത ഒരാളുമായാണ് ജീവിക്കുന്നത്. ഞങ്ങള്‍ക്ക് ഒരു മോളുണ്ട് അവള്‍ക്ക് രണ്ടു വയസ്സായി. അല്ലാതെ ഒളിച്ചു താമസിക്കുന്നതല്ല. പിന്നെ വന്ന മറ്റൊരു ചോദ്യം എന്നെ പൊതു വേദികളിലും കാണാനില്ലെന്നാണ്. ആരാ പറഞ്ഞെ എന്നെ പൊതു ഇടങ്ങളില്‍ കാണാനില്ലെന്ന്. ഞാന്‍ എന്റെ ആവശ്യങ്ങള്‍ക്ക് പലപ്പോഴും പുറത്തിറാകാറുണ്ട്. യാത്ര ചെയ്യാറുണ്ട്. പൊതു വേദികളില്‍ ഞാന്‍ വരാത്തത്... എന്നെ ഫങ്ഷന് വിളിച്ചാലല്ലേ എനിക്ക് പോകാന്‍ പറ്റുകയുള്ളു.

ഞാന്‍ സെലക്ട് ചെയ്ത പുള്ളി വേറൊരു റിലീജിയനില്‍ പെട്ട കക്ഷിയാണ്. അതുകൊണ്ടു തന്നെ എന്റെ വീട്ടുകാര്‍ക്കോ ബന്ധുക്കള്‍ക്കോ ഈ ബന്ധത്തിനോട് താത്പര്യമില്ല. അതുകൊണ്ടു തന്നെയാണ് ഞാന്‍ ഇത് തുറന്നു പറയാതിരുന്നത്. ഞാന്‍ ആരും പറഞ്ഞതുകൊണ്ട് അഭിനയം നിര്‍ത്തിയിട്ടില്ല. എന്റെ വ്യക്തിപരമായ എന്റെ സ്വന്തം ഇഷ്ടപ്രകാരമാണ് ഇപ്പോള്‍ അഭിനയത്തിന് ഇടവേള കൊടുത്തിരിക്കുന്നത്. എന്റെ കുഞ്ഞിന് രണ്ടു വയസ്സായിട്ടേ ഉള്ളു. അപ്പോള്‍ അവളോടൊപ്പം സമയം ചിലവഴിക്കേണ്ടത് എന്റെ ആവശ്യമാണ്.

അതില്‍ മറ്റാരുടെയും കൈകടത്തലുകള്‍ ഇല്ല. എന്റെ പേരില്‍ ഒരുപാടു ഫേസ്ബുക്ക് അക്കൗണ്ടുകള്‍ ഉണ്ട് . ഇതൊന്നും എന്റെ സ്വന്തമല്ല. എനിക്ക് സ്വന്തമായി ഒരു അക്കൗണ്ടോ ഫേസ്ബുക് പേജോ ഇല്ല. ഇത്തരം അക്കൗണ്ടുകളില്‍ ഞാന്‍ എന്ന വ്യാജേന ആരൊക്കെയോ ചാറ്റ് ചെയുന്നുണ്ട് . അത് ഞാന്‍ അല്ല അതുമായി എനിക്ക് ഒരു ബന്ധവുമില്ല. എന്നെ സ്നേഹിച്ചവരോട് എനിക്ക് പറയാനുള്ളത് ദൈവാനുഗ്രഹത്താല്‍ ഞാന്‍ വളരെയധികം സന്തോഷത്തൊടെ സമാധാനത്തോടുകൂടെയാണ് ജീവിക്കുന്നത്. അതിനകത്ത് ആര്‍ക്കും ഒരു സങ്കടവും വേണ്ട ഞാന്‍ എന്റെ തീരുമാനത്തില്‍ സന്തോഷവതിയാണ്.