ദുൽഖർ സൽമാന്റെ പുതിയ ചിത്രം 'പറവ ' ഇന്ന് തീയേറ്ററുകളിൽ എത്തും. അൻവർ റഷീദ് നിർമിച്ച് നടൻ സൗബിൻ ഷാഹിർ രചനയും സംവിധാനവും നിർവഹിച്ച ഈ ചിത്രം നൂറ്റിയമ്പതോളം കേന്ദ്രങ്ങളിൽ റിലീസ് ചെയ്യും. മട്ടാഞ്ചേരിയുടെ പശ്ചാത്തലത്തിൽ ഒരുക്കിയിരിക്കുന്ന ഈ ചിത്രത്തിൽ സിദ്ദിഖ്, ഹരിശ്രീ അശോകൻ, ഫെയിൻ നിഗം, അർജുൻ അശോക്, സിനിൽ സൈനുദീൻ എന്നിവരും വേഷമിടുന്നുണ്ട്. അനഘയും സിൻഡ്രയുമാണ് നായികമാർ.

നേരത്തേ കണ്ട ചിത്രങ്ങളില്‍ നിന്നും വളരെ വ്യത്യസ്ഥമായ ചിത്രമായിരിക്കും പറവ എന്ന് ദുല്‍ഖര്‍ സല്‍മാന്‍ പറഞ്ഞിരുന്നു. സൗബിന്‍ ഷാഹിറിന്റെ ആദ്യ സംവിധാന സംരംഭമായപറവയിലെ പോസ്റ്റര്‍ പുറത്തുവിട്ടുകൊണ്ട് ചിത്രം വ്യത്യസ്ഥമായിരിക്കുമെന്ന് താന്‍ ഉറപ്പുനല്‍കുന്നതായി ദുല്‍ഖര്‍ കുറിച്ചു. സൗബിന്‍ പ്രേക്ഷകരെ വിസ്മയിപ്പിക്കുമെന്നും ദുല്‍ഖര്‍ പറഞ്ഞിരുന്നു.

പറവയിലെ തന്റെ ഇഷ്ടഗാനം എന്നു പറഞ്ഞ് ദുൽഖർ നേരത്തേ ഒരു വിഡിയോ ഫെയ്സ്ബുക്കിൽ ഷെയർ ചെയ്തിരിന്നു. പ്യാർ പ്യാർ എന്ന ഗാനത്തിന്റെ വരികളടങ്ങിയ വിഡിയോയാണ് പുറത്തുവിട്ടത്. പാട്ട് പാടിയിരിക്കുന്നതും സംഗീതം നൽകിയിരിക്കുന്നതും റെക്സ് വിജയനാണ്.