ദിലീപിന് എവിടെയാണ് പിഴച്ചത്... ദിലീപിനെതിരെ അഞ്ച് പേരുടെ നിര്ണായക മൊഴികളുണ്ടെന്ന് റിപ്പോര്ട്ട്
മലയാളത്തിന്റെ പ്രിയനടനായിരുന്ന ദിലീപിന് എവിടെയാണ് പിഴച്ചത്. മഞ്ജുവുമായുള്ള ബന്ധം പിരിഞ്ഞതോ അതോ നടി കാവ്യ മാധവനെ വിവാഹം ചെയ്തതോ. മഞ്ജു വാര്യര് ദിലീപിന്റെ ജീവിതത്തില് എത്തിയതോടെ വച്ചടികയറ്റമായിരുന്നു.
എന്നാല് കാവ്യയെ വിവാഹം ചെയ്തതോടെ പരാജയങ്ങളും പ്രശ്നങ്ങളും ദിലീപിനെ തേടിയെത്തുകയായിരുന്നു. ദിലീപ് പുറംലോകം കാണുമോ എന്നതാണ് മലയാളികളുടെ ഇപ്പോഴത്തെ ചോദ്യം. ദിലീപിനെതിരെ ശക്തമായ തെളിവുകളാണ് ഇപ്പോള് പുറത്ത് വരുന്നത്. പോലീസ് വ്യാജതെളിവുകള് ഉണ്ടാക്കിയെടുക്കുകയാണെന്നാണ് ദിലീപിന്റെ ബന്ധുക്കള് ആരോപിക്കുന്നത്.
നിരവധി തെളിവുകളാണ് പോലീസ് ഇപ്പോള് ഹാജരാക്കുന്നത്. കേസ് അട്ടിമറിക്കാന് നീക്കം നടക്കുന്നുണ്ടെന്നാണ് റിപ്പോര്ട്ടുകള്. രണ്ട് തവണ ഹൈക്കോടതിയിലും രണ്ട് തവണ മജിസ്ട്രേറ്റ് കോടതിയിലും ജാമ്യാപേക്ഷ നല്കിയ ദിലീപിന് തിരിച്ചടി നേരിട്ടിരുന്നു.
ദിലീപിന് ഇനി ജാമ്യം കിട്ടില്ലെന്നാണ് റിപ്പോര്ട്ടുകള്. ദിലീപിനെതിരേ അഞ്ച് പേരുടെ നിര്ണായക മൊഴികളുണ്ടെന്ന റിപ്പോര്ട്ട് വരുന്നത്. പോലീസിനെ ഉദ്ധരിച്ച് മംഗളമാണ് റിപ്പോര്ട്ട് നല്കിയിരിക്കുന്നത്.ദിലീപിനെതിരേ നല്കിയെന്ന് പറയുന്ന നിര്ണായക സാക്ഷി മൊഴികളാണ് പോലീസിന്റെ തുറുപ്പുചീട്ട്.
സിനിമാ രംഗത്തുള്ളവുരേടെത് ഉള്പ്പെടെയാണ് ഈ സാക്ഷി മൊഴികള്. കേസില് ദിലീപിന്റെ പങ്ക് വ്യക്തമാക്കുന്ന സാക്ഷിമൊഴികളാണ് ഇവയെല്ലാമെന്ന് റിപ്പോര്ട്ടില് വ്യക്തമാക്കുന്നു. കേസിലെ പ്രധാന തെളിവായ മൊബൈല് ഇല്ലാതെ തന്നെ കുറ്റപത്രം തയ്യാറാക്കാന് പോലീസിനെ പ്രേരിപ്പിക്കുന്ന ഘടകം ഇതാണ്.സുനിക്ക് ക്വട്ടേഷന് നല്കിയതു മുതലുള്ള സാക്ഷിമൊഴികള് പോലീസിന്റെ പക്കലുണ്ട്.
അതുകൊണ്ട് തന്നെ ദിലീപ് ജാമ്യത്തിനായി ഏത് കോടതിയെ സമീപിച്ചാലും അനുകൂല തീരുമാനമുണ്ടാകില്ലെന്നും അന്വേഷണ സംഘം പറയുന്നു.സാക്ഷിമൊഴികള് മാത്രമല്ല പോലീസിന്റെ കൈവശം. നിരവധി ശാസ്ത്രീയ തെളിവുകളുമുണ്ട്. കേസില് ഇനി ആരെയും ചോദ്യം ചെയ്യേണ്ട ആവശ്യം പോലീസിനില്ല.
പക്ഷേ ചിലപ്പോള് രുണ്ടുപേരെ കൂടി ചോദ്യം ചെയ്തേക്കും.ദിലീപിന്റെ ഭാര്യ കാവ്യാമാധവന്, സംവിധായകനും സുഹൃത്തുമായ നാദിര്ഷ എന്നിവരെ ഒരുതവണ കൂടി ചോദ്യം ചെയ്യണമെന്ന ആലോചനയും പോലീസിനുണ്ട്. ഇക്കാര്യം അന്വേഷണത്തിന്റെ പുരോഗതി പരിശോധിച്ചാകും തീരുമാനിക്കുക.
ദിലീപ് ഒടുവില് സമര്പ്പിച്ച ജാമ്യാപേക്ഷയില് തനിക്കെതിരേ സാക്ഷിമൊഴികള് ഇല്ലെന്ന് ബോധിപ്പിച്ചിരുന്നു. ആക്രമണത്തിന് ഇരയായ നടിയും തനിക്കെതിരേ ഒന്നും പറഞ്ഞിട്ടില്ലെന്നും ദീലിപ് വ്യക്തമാക്കിയിട്ടുണ്ട്.കേസില് കുറ്റപത്രം സമര്പ്പിക്കുന്നതോടെ അഭ്യൂഹങ്ങള്ക്കെല്ലാം അറുതിയാകും. നിര്ണായക മൊഴി നല്കിയത് ആരെല്ലാമാണെന്ന് പോലീസ് കുറ്റപത്രത്തില് വിശദീകരിക്കും.
https://www.facebook.com/Malayalivartha
