ഇന്നലെ ദിലീപിനെ കാണാനായി ആലുവയിലെത്തിയ സംവിധായകൻ എബ്രിഡ് ഷൈൻ മാധ്യമങ്ങളോട് കയർത്തതിൽ ഖേദം പ്രകടിപ്പിച്ചു.തന്റെ അനുവാദമില്ലാതെ മാധ്യമപ്രവർത്തകർ ഷൂട്ട് ചെയ്തതിനെ ചോദ്യം ചെയ്ത ഷൈൻ മാധ്യമ പ്രവർത്തകരോട് തട്ടിക്കയറുകയായിരുന്നു.താങ്കളുടെ സിനിമകളെ കുറിച്ചുള്ള വാർത്തകളും വിശേഷങ്ങളും കൊടുക്കുന്നത് പോലെ തന്നെയാണ് ഈ ഷൂട്ടിംഗുമെന്ന് മാധ്യമ പ്രവർത്തകർ വ്യക്തമാക്കി.

ഇന്നലെ ആലുവയിൽ നടന്ന സംഭവത്തിൽ വിവേകത്തേക്കാൾ വികാരം മുകളിൽ പോവുകയും, താൻ ക്ഷുഭിതനാവുകയും ചെയ്തു.അതൊരു നല്ല മാതൃകയായിരുന്നില്ല.അങ്ങനെയായിരുന്നില്ല അപ്പോൾ പെരുമാറേണ്ടിയിരുന്നതെന്നും അദ്ദേഹം വീഡിയോ സന്ദേശത്തിൽ വ്യക്തമാക്കി. തന്റെ അഭ്യുദയകാംക്ഷികൾക്കും, തന്നെ ഇഷ്ടപ്പെടുന്നവർക്കും, ഈ വീഡിയോ കാണുന്നവർക്കും ഏതെങ്കിലും തരത്തിൽ തെറ്റായ സന്ദേശം നൽകുകയോ, വേദനിപ്പിക്കുകയോ ചെയ്തിട്ടുണ്ടെങ്കിൽ താൻ ഖേദം പ്രകടിപ്പിക്കുന്നതായും എബ്രിഡ് ഷൈൻ പറഞ്ഞു.

വീഡിയോ കാണൂ