മലയാള സിനിമയിൽ ഇനി താരരാജാക്കന്മാർ തമ്മിലുള്ള പോര് മുറുകുമോ..? ദിലീപിന്റെ താരക്ഷോഭം മറ നീക്കി പുറത്തു വരുന്നു...
മമ്മൂട്ടിയും മോഹൻലാലും അടുത്ത സുഹൃത്തുക്കളാണെന്നാണ് വയ്പ്പെങ്കിലും അവർ തമ്മിലുള്ളത് ഉള്ളിന്റെയുള്ളിൽ കടുത്ത ശത്രുതയാണ്. ദിലീപിന്റെ കാര്യത്തിലും താരക്ഷോഭം മറ നീക്കി പുറത്തുവന്നു. ദിലീപിന്റെ അടുത്ത സുഹൃത്തായിയിരുന്നു മമ്മൂട്ടി. കാവ്യക്കും ദിലീപിനും ഹണിമൂൺ കൊണ്ടാടാൻ ടിക്കറ്റ് എടുത്തു കൊടുത്തത് പോലും മമ്മുട്ടിയാണ്. എന്നാൽ ദിലീപ് ജയിലിലായ ദിവസം തന്നെ മമ്മൂട്ടി കളം മാറ്റി ചവിട്ടി. ദിലീപിന്റെ എക്കാലത്തെയും വലിയ ശത്രുവായ പൃഥ്വിരാജിനെ വീട്ടിൽ വിളിച്ചുവരുത്തി ദിലീപിനെ അമ്മയിൽ നിന്നും പുറത്താക്കി. തന്നെ സംഘടനയിൽ നിന്നും പുറത്താക്കിയതിലല്ല ദിലീപിന് സങ്കടം. പൃഥ്വിയെ വിളിച്ചു വരുത്തിയതിലാണ്.
ഇത്രയും കാലം തനിക്കൊപ്പം നിന്ന മമ്മുക്ക പിണറായിയോട് തന്റെ കാര്യം റെക്കമന്റ് ചെയ്യുമെന്നും ദിലീപ് കരുതി. പക്ഷേ ഒന്നും സംഭവിച്ചില്ല. എല്ലാവരും കരുതിയതു പോലെ ഒന്നും സംഭവിച്ചില്ല. ദിലീപ് അകത്തായി. തന്നെ പുറത്താക്കിയ യോഗത്തിൽ ലാലേട്ടൻ വന്നെങ്കിലും ഒന്നും പറഞ്ഞില്ലെന്നും ദിലീപ് അറിഞ്ഞു. ചാനലുകാർ മൈക്ക് നീട്ടിയപ്പോൾ അത് മമ്മൂട്ടിക്ക് നേരെ തിരിച്ചു വയ്ക്കുകയായിരുന്നു മോഹൻ ലാൽ.
ലാലേട്ടനും തന്നെ പാര വച്ചതായി ദിലീപ് കരുതുന്നു. താൻ ഉണ്ടാക്കിയ തീയേറ്റർ ഉടമകളുടെ സംഘടനയായ ഫ്യൂയോക്കിൽ നിന്നും തന്നെ പുറത്താക്കി അതിന്റെ ചുമതല വിശ്വസ്തനായ ആന്റണി പെരുമ്പാവൂരിന് നൽകി. വൈസ് പ്രസിഡന്റായ ആന്റണിയെ തലപ്പത്തെത്തിച്ചത് ലാലിന്റെ ഇടപെടലാണെന്ന് ദിലീപ് വിശ്വസിക്കുന്നു.
ഇനിയാണ് ബുദ്ധിയുടെ കാര്യം വരുന്നത്. ദിലീപ് ജയിലിൽ നിന്നിറങ്ങിയ ദിവസം തന്നെ ലാലേട്ടൻ ആന്റണി പെരുമ്പാ വൂരിനെ വിളിച്ച് ഉപദേശിച്ചു. ആ സ്ഥാനം രാജിവച്ചേരേ! മോഹൻലാൽ പറയേണ്ട താമസം ആന്റണി രാജിവച്ചു. ജയിൽ മോചിതനായ ദിലീപ് ഒരിക്കലും പ്രസിഡന്റ് സ്ഥാനം ഏറ്റെടുക്കില്ലെന്ന് ലാലിനറിയാം. പ്രതീക്ഷിച്ചത് സംഭവിച്ചു. ദിലീപ് നിരസിച്ചു. ആൻറണി തുടരും. ഇലയ്ക്കും മുള്ളിനും കേടില്ലാത്ത ഒരു തിരുവനന്തപുരം ചുറ്റിക്കളി! എങ്ങനെയുണ്ട് ബുദ്ധി?
ദിലീപിന് സ്വാഭാവികമായും തന്നോട് കലിപ്പുണ്ടെന്ന് ലാലേട്ടനറിയാം. കാരണം മഞ്ജു തന്റെ സിനിമയിൽ നായി കയാണ്. ശ്രീകുമാർ മേനോന്റെ ചിത്രത്തിൽ താൻ അഭിനയിക്കുന്നുണ്ട്. ആന്റണി ഓപ്പറേഷനിലൂടെ ഒരു വെടിക്ക് രണ്ടു പക്ഷിയെ നേടാൻ ലാലേട്ടന് കഴിഞ്ഞു. ഈ മമ്മൂട്ടിയുടെ കാര്യമോ? അദ്ദേഹത്തിന് ഇത്തരം ട്രിക്കുകൾ ഒന്നുമറിയില്ല. ദിലീപ് ജയിലായെന്ന് അറിഞ്ഞപ്പോഴാണ് പൃഥ്വിരാജ് പറഞ്ഞതൊക്കെ കേട്ടത്. അല്ലെങ്കിലും മമ്മുക്കക്ക് ചെറുപ്പക്കാരെന്നു പറഞ്ഞാൽ ദൗർബല്യമാണ്. മകൻ സിനിമയിലുള്ളതല്ലേ. ആരെയും പിണക്കാതെ എങ്ങനെ കരുക്കൾ നീക്കാമെന്ന് അദ്ദേഹത്തിന് പണ്ടേ അറിയില്ല. മമ്മൂട്ടി ദിലീപിനെ വിളിച്ചെങ്കിലും ഫോണെടുത്തില്ലെന്നും കൊച്ചിയിൽ സംസാരമുണ്ട്.
https://www.facebook.com/Malayalivartha